Aisaia 56:2 - Nobonob Baibel

² Danab nug dahil Sabatnu ɗonu am keeke hamu bia ii doyaya, nug ɗo amu ɠagattag aɗa dim lamidtte amu, nug itittak ena awom daatte. Ao, danab nug eheɗ laa ii hette amu, nug itittak ena awom daatte.” Yawe Nug anam atte.

Aisaia 56:2 ပူးပေါင်းရင်းမြစ်များ

Nehemaia 13:17

Da amu antten, da Juda dilag anuqak danab daulag batami. Da daulag baten, da inam ami. “Ag hetteb imuam kobol nau ag iite dootteb? Aɗinu ag nau anam hetteb? Ag Sabat deɗ am deɗ hamu bia doon hetteb.

Sam 106:3

Danab ag nai doya mala hettoɗia epeɗia elele mettak kobol dim lamidtteb ele, ag itittak ena aoppig daatteb. Ao, laa ag hanhan genab tutukku hak kobol ele dim lamitteb amu, ag itittak ena aoppig daatteb.

Sam 112:1

Ag Yawe binag meig! Danab nug Yawenu ebehi oh bodoetta le mette, nug itittak ena awom daatte. Ao, danab amu nug Yawenu ɗo ohnu enanagnab doyaya oitte ele, amu nug itittak ena awom daatte.

Sam 119:101

Da nahip nai dim lamidkkulnu elele daakkulnu, da ib eheɗ laappa oiyaknu uuen, appa ii oittem.

Sam 128:1

Am danab ag Yawenu ebehilag oh bodoetta le mette, ag Yawenu kobol dim lamidtteb ele amu, ahilagnu am ena. Ag itittak ena aoppig daatteb.

Sam 34:14

Na eheɗ hak dimettan, kobol enaib he! Ao, na laa ele maɗoɗ ele daaglagnu wagai me!

Sam 37:27

Ag nau hak dimettan, ena heig! Ag anam hekkulag dayeb amu, ag hanhan ɠagattag, ena daaglag.

Eksodas 20:10

amge deɗ ebqak eblaih aɗit ele, amuam Sabat deɗ, deɗ amunu amu, da Yawe, ahilag Kayak, da ag hik aoglagnu deɗ amu mattami. Deɗ amuam Sabat, na deɗ amuppa uɗat aib heme. Ge, na, nahipad nid, nahipad maɗi nid maɗi ah ele, doɗ nahipad, wan laihnu danab nug uɗia, ag oolagppa daatte amu, ag oh deɗ amuppa uɗat ii hemana.

Eksodas 20:8

Na Sabat deɗnu amu, na deɗ hamu iitta, am deɗ da, Yawe, dahilnu tituanak daatte, na amu dabmettanna, ɗo da deɗ amunu mattami dim lamidnana oiye!

Prowerb 14:16

Danab doyak dabmak ena ele nug Yawenu ebehi oh bodoetta le me, nug kobol nau hekkunu uua oitte; amge danab nug Kayak dab-ii-maama ii dim lamidtte ele nug am oppoɗi paha paha beebe, kobol mauhnoak, dabmak iitta ele hette.

Prowerb 16:17

Genab tutukku hak danab ag kobol eheɗnu awaidna daatteb; aun nug aɗi hettenu atognoa dabmette amu, nug bau dayak nuhig aakku atognotte.

Prowerb 16:6

Danab nug hipuninnu oo mauhaknab kobolppa, oo metta ii uuak kobolppa ele eheɗ haknu nob nau iitta mekkunu he elele medatte. Amu danab nug Yawenu ebehi oh bodoetta le mette doya amu, nug eheɗ ii hema.

Prowerb 4:13

Keeke da na ippunidttem ele amu, na aɗan autna awe! Na aib agappe ukkom! Da ippunidttem ele amu, ippunittak amuam na ehanitteb bau daakkut amunu, na nahip dabmakppa mena, dabmettan autna awe!

Prowerb 4:27

Na ib tutukku, amuib mattan oiye! Na aib naɗiap-ppa, o iitta, nanehppa gome. Na kobol eheɗ aib heme.

Eklisiastis 7:18

Na Kayak ippunikkomnuib dabmena, ib gamagppa oikkut am ena; amunu diig am, danab nug Kayaknu ebehi oh bodoetta le mette amu, nug aɗi keeke haknu, nug nuhig dabmak buɗieb ukkeb, hakib hekkunu kobol am uukku.

Aisaia 56:4

Danab anam ag amu ii dabmemananu diig am, Yawe Nug inam atte. “Laa ag hipab qak daatteb, ag Sabatnu ɗo da memi ele dim lamidna, ag kobol laala, da kobol amunu ool hette, ag kobol amu dim lamidna, nug tituana nai qakkak dahil ele dim lamidtteb amu, da ahilagnu inam attem.

Aisaia 56:6

Amu nai imuam Yawe Nug wan laihnu danab ah ag nuhignu oolag mauhtte, ag nuhig maɗi nid daanna, Nug oɗe dim lamidtteb, ag Sabatnu am keeke hamu bia ii doon, amunu ɗo tutukku dim lamidna, ag Kayak he, Nug ag ele nug tituanna nai qagappig, ag nai qakkak amunu nai elele dim lamidna, maha nakok laa ii okkultteb ele amu, Nug ahilagnu atte.

Aisaia 58:13

Amu Yawe Nug atte. “Ag Sabatppa ɗo dahil dim lamidkkulag dayeb, ao, ag dahil deɗ, deɗ amuam dahilnu tituanak daatte, ag deɗ amuppa aɗi keeke ag amu hekkulagnu amelag qette, amge da ag amu hekkulagnu ii ami, ag amu hekkulagnu uuglag dayeb, ag Sabatnu, ‘Deɗ enanagnab, ehanigtte ele,’ dooglag dayeb, ao, ag da, Yawe, ag dahil deɗ, dahilnu tituanak daatte amu, ag deɗ amunu, ‘Deɗ imuam deɗ binag ele,’ dooglag dayeb, ag ahilag dabmak ii dim lamidna, amuppa ag dahil deɗ binag mekkulag dayeb, ao, ag dahil Sabatppa ele aɗi keeke hekkulagnu oolag hette, amge da ag amu hekkulagnu ii ami amu, ag amu ii hekkulag dayeb, ag deɗ amuppa nai hamu hamu ele ii mattiglag dayeb,

Esekiel 20:12

Da ag tituanatti, ag dahilnu tituanak daaegeg, da ag amu dabmettalagnu at daakkunu da ag dahil Sabat deɗ ag mattami. Da ag da, Yawe, da hei, ag dahilnu tituanak daatteb dooglagnu Sabat deɗ, at daakkunu ag mattami.

Esekiel 20:20

ag dahil Sabatnu am dahilnu tituanak daatte dabmenana, ɗo da deɗ amunu mattami ele dim lamitteg! Ag anam hekkulag dayeb amu, Sabat deɗ am ag Israel ag dahilad daattebnu dooglagnu at dayebeb, ag dooglag, da Yawe, da ahilag Kayak daattem.”

Lewitikas 19:30

Ag sabat dahilnu ɗo, da ag mattami amu, ag ɗo amu dim lamidnana, dahil mettid haknu peh lagnu ebehilag oh bodoetta le maɗ! Da am Yawe.

Luk 11:28

Amge Jesus Nug aum. “Anam iitta! Danab ag Kayak nai doon dim lamidtteb ele, ag itittak ena aoppig daatteb,” awa aum.

Luk 12:43

dimppa maɗi nid amunu okkai nug laih ukkakppanu eɗua uɗia, maɗi nid amu nug danab okkai nuhig anukka amegppa aumbia hette anidkku amu, nuhignu am ena.

Jon 13:17

Ag keeke imu aakku dooppig amunu, ag anam hekkulag dayeb, ag itittak ena aoglag.

Rom 12:9

Ag lailkad dilag oo mauhak genabppa oolag mauhaɗ! Ag aib hambuppuak bia heppig. Ag kobol eheɗnu nau ninig ele doyeg! Ag kobol ena amuib aɗan autna aweg!

Revelesen 22:14

Danab nug nuhig lamen iha oppiaawak daatte bia, aun aɗi ag Jesus tiigppa oppiaawak daatteb, amu diig amunu ag aab okkainu od oɗeppa wana, aabppa nona, ad bauklelnu meu lakkulagnu elele daatteb amu, ag itittak ena aoppig daatteb.