Aisaia 55:3 - Nobonob Baibel

³ ⌊O dahilad danab ah,⌋ ag daulag human, da dooiɗna, ag dahilppa uɗieg! Ag bau daaglagnu amu, ag dahilppa doig! Ag anam heppeg, geha da Yawe, da Dawitnu oo mauhaknab doyen dim lamidkkulnu dahil nai ain qakkami amu, da ahilagnu oo mauhaknab amuib dim lamidkkulnu heppi, da ag ele ig nug tituanta nai qagapput, nai qakkak amuam iitta ii mema.

Aisaia 55:3 ပူးပေါင်းရင်းမြစ်များ

Jeremaia 32:40

Da heppi, da ag ele ig nug tituana nai qakkak hekkunig amu, nai qakkak amuam hanhan alet daakku. Nai amuppa da hanhan enaib hadakkul; da kobol amu ii tuqe aopa. Ag da dimeɗan, kayak laa dim lamidmananu da heppi, ag dahilnu ebehilag oh bodoetta le mekku.

Matyu 11:28

Jesus Nug anam ana, Nug baula ele aum. “Ag danab oh, ag uɗat okkai henana, keeke uug ele maotteb amu, ag gumiɗna doig! Doppeg, da heppi, ag hik aoglag.

Prowerb 4:20

O bekkal, na daut human, da aɗi attem imu doon, elele mette! Na dahil nai doon autna awe!

Jon 10:27

Sipsip dahilad amu, ag da baal dootteb. Da ag doyadttem, amu ag da dim lamiɗtteb.

Aposel 13:34

Aria, Kayak Nug he, Jesus Nug eɗua hibaittom, Nug baula ii mauhma, amuam nai Kayak Nug anukka anam hekkunu Aisaia amegppa inam a, nug Israel dilagnu yom. ‘Da Dawit amegppa itittak ena laala medakkulnu nai ain qakkami, nai amuam dahilnu, bekkununab daatte, amu da hein madakkul.’

Genesis 17:7

Da na, na buɗunad ele dilag Kayak daakkulnu, da heppi, nug tituana nai qakkak nai dahil, nai amu nahip-ppa, na buɗunad gemunu, dimppanu ele dilag haen oh daakku.

Jon 6:37

Amu danab ah aun Mame Nug da meɗatte ele, ag oh dahilppa dokkulag, am aun nug dahilppa dotte amu, da nug ii geɗidpa.

Aisaia 61:8

Yawe Nug atte. “⌊Da ahilagnu anam hekkul.⌋ Aɗinu? Da, da Yawe, da nai doya mala hettoɗia epeɗia elele mettak kobolnu ool mauhtte. Ao, am anam, amge, da yab awak, hipunin hak laa ohnu ele amu da eheɗ nau ninig ele doottem. Da ⌊dahilad danab ah ag da tutukku dim lamiɗtteb ele,⌋ da Yawe, da oo metta ii uuak kobol dim lamitten, ag nob ena madakkul. Da nob ena matten heppi, da ag ele ig nug tituana nai qakkak hanhannu hekkunig.

Sam 78:1

O dahilad danab, ag dahil ippunittak imunu dabmetteg! Ao, ag da aɗi nai attem amu dooglagnu ag daulag humeg!

Aisaia 54:8

Ag eheɗ heppig amunu, da ool huana haen tutuib nauhe, da dimatten ii ehanadmi, amge da oo mauhaknab kobol dahil alet daatte dim lamittette, da ool matten ehanadkkul.” Yawe, Nug ag laa eppelagppa dayaknu qagaiettakppanu eɗua uhuqak hette ele, Nug anam atte.

Lewitikas 18:5

Ag dahil ɗo iɗu iɗu dim lamitteg! Aɗinu? Danab nug dahil ɗo anam dim lamidkku dayeb, amuppa nug bauklel daakku. Da am Yawe,” awa aum. ⌊Yawe Nug anam ana, Nug ɗo laala imu Moses mettom.⌋

Hibru 13:20

Aria Kayak, Nug am maɗoɗ diig daatte amu, Nug he, ihinig Naɗi Jesus Nug mauhak oolagppanu eɗua hibaittom. Jesus tiig ne mauhom, amu Kayak Nug Jesus tiigppa nug tituana nai qakkak bau hanhannu ɠagattag qettom. Amu Kayak Nug heeb, keeke ena oh ag nuhig dabmak dim lamidkkulagnu elele daaglagnu ahilagppa dayeb, Nug ig oonigppa aɗi hekkunu oo daatte amu hekkunu ool daatte. Jesus Nug am sipsip gumak danab bia ihinig gumikkak danab anuqak okkai daatte. Binag amahlak oppiaawak ele hanhan alet ele nuhigppa dayaɗ! Genab!

Jon 8:47

Laa ag Kayak bekkod daatteb ele, ag Kayak oɗe dim lamidtteb. Ag amu Kayak bekkod ii daatteb amunu, ag nai ii doon aotteb,” awa aum.

Matyu 17:5

Nug anam mattieye, lombig hakkab amemɗia awak ele tonattette, lombig ooppanu baag laa inam a dooppig. “Imuam da Bekkal, da nuhignu ool mauhtte. Da nuhignu enanag doottem. Ag nuhig nai doyeg!” awa aum.

Jeremaia 50:5

Ag gonana, ag laa Sionnu ib adeppa daattenu oɗ mattan doon, ag appigppa gokkulagnu gokkulag. Ag amu hena, ag Sion tewona, ag da, Yawe, ag da ele ig nug tituana nai qakkak hanhan daakkunu qakkagnig. Ag nai qakkak amu daulag ii atima,” awa atte.

Jeremaia 33:26

da Jakop buɗub geɗatten, da dahil maɗi nid Dawit buɗub laa nug Abraham, Aisak, amu Jakop ele buɗulkad gumadkkunu ele ii tituanpa. Amge anam iitta. Da nai amu qakkami, ɗo ele amu memi amunu, da gumadkkunu tituankkul. Aɗinu da amu hekkul? Da Israel, Juda ele dilah danab ah dilag ool gai-iitta doye, ool matten ehanadppi, ag eɗun, wan imuppa uɗin, enaib daaglag.”

Jeremaia 30:9

Ag laa waalagppa ii daan, ahilag maɗi nid ele ii daamna. Iitta. Ag Yawe, Nug am ahilag Kayak, ag Nug waappa daan, Nug oɗe dim lamidkkulag. Ag ahilag king, nug Dawit buɗub laa amu, ag nug waappa ele daan, nuhig maɗi nid maɗi ah ele daaglag. Dawit buɗub king daakkunu amu, Yawe, Nug amunu atte. “Da tituanen ehanidppi, nug king daakku,” awa atte.

Sam 119:112

Da nahip ɗo meul ohppa, hanhan alet ele dim lamidppi ukkeb, gog tak haenppa batakkulnu dabmak awe, ɠagattag aɗattem.

Sam 89:28

Da nuhignu hanhan oo mauhaknab dookkul. Ao, nug tituana nai qakkak da hei, da nug ele hemuɗ am iitta ii mema.

2 Samuel 23:5

Kayak Nug da, da baeladppa ele tituanikkom. Ao, Nug he, da Nug ele i nug tituanɗa, nai qakkamuɗ, hanhan daakkunu heum. Nug tituana nai qakkak amu, am hanhan babaittak anamib daakku. Ao, Nug da hanhan atognoiɗebeb, da ena daappi, nug ele heeb, dahil uɗat am elele gokku.

Matyu 13:16

Aria, Jesus nai amu mattia mala, Nug nai baula tuɗitta aum. “Anam, amge ag itittak ena aoppig daatteb! Aɗinu? Ag amelagppa keeke anidtteb, daulagppa nai dootteb, amu ag oolag maidtte.

Rom 10:5

Moses nug danab ag ɗo kobol dim lamitteg, Kayak ahilagnu, “Genab tutukku hak danab,” akkunu dabmetteb ele, nug ahilagnu inam yom. “Danab nug dahil ɗo anam dim lamidkku dayeb, amuppa nug bauklel daakku.”

Jon 7:37

Hobul amu malaknu deɗ beum, deɗ amuam hobul amunu naɗinab amu, haen amuppa Jesus Nug hibaitta, baag okkaippa ewa aum. “Danab laa nug le baag diieb amu, nug da gumiɗa uɗia, le lanaɗ!

2 Stori 6:42

O Yawe Kayak, na laa, na nug king daakkunu goɗen gokkaɗakppa tituanme ele ii geɗidmananu oɗ medattem. Ao, na nahip maɗi nid Dawitnu oo mauhaknab doon dim lamidkkutnu nai anan qakkame amu, na amu dabmekkutnu oɗ medattem.” Solomon nug anam unuqittom.

Sam 119:175

Da na binan humakkulnu na ehaniɗppe, da bau daappi, nahip ɗo amu ehanittak meɗaglagnu oɗ medattem.

Aisaia 51:4

Amu Yawe Nug atte. “Ag danab ah dahilad amu, ag dahil nai doyeg! Ge, ag huu dahil amu, ag daulag human, dahil nai doyeg! Aɗinu? Da heppi, danab ah ag ɗo dahil dooglag. Ao, da heppi, dahil nai doya mala hettoɗia epeɗia elele mettak kobol am danab ah oh dilag amahlak daakku.

Aisaia 54:10

Aɗinu? Qauko okkai ag uɗalkulagtai; qauko nakok ag daattebppanu ahan gona, laih daaglagtai, amge dahil oo mauhaknab, da ag Juda ahilagnu doottem amu, oo mauhaknab amuam ii iitta mema. Ao, qauko okkai, qauko nakok ele ag anam hekkulagtai, amge da ag Juda, ⌊ag dahil nai dim lamidkkulag dayeb,⌋ da maɗoɗ madakkulnu ag ele nug tituanen nai qakkami amu, da nai amu tuqe ii aopa.” Yawe, Nug ag Juda, ahilagnu oo bodoetta le mak dootte ele, Nug anam atte.

Jeremaia 38:20

Sedekaia anam a, Jeremaia nob ma aum. “Iitta! Babilon ag Juda laa eppelagppa ii meidmana. Yawe Nug da oɗelppa na aɗi aɗi hekkutnu ippunidtte amu, na amu hekkut dayeb, na ena daakkut. Babilon ag heppeg, na ii mauhmana. Iitta.

Esekiel 16:60

Na anam heme, amge haen na ah bau daame, haen amuppa da hei, i nug tituanɗa nai qakkamuɗ amu, da ihinih nug tituana nai qakkak amu daul ii atima. Da amu daul ii atieb, da heppi, i baula nug tituanɗa nai qakkanih, amu nai qakkak amuam hanhan daakku.

Esekiel 34:24

Da, da Yawe, da ahilag Kayak daappi, king laa, nug dahil maɗi nid Dawit, nug ahilag gumak danab daakku. Da, da Yawe, da nai imu iikku madittem,” awa atte.

Esekiel 37:26

Amu da Israel danab ah ag hanhan maɗoɗ ele daaglagnu, da heppi, da ag ele nug tituanta nai qakkagnig. Nai qakkak amuam hanhan daakku. Amu da heppi, ag ɠagattag ena daan, huan appatna, kuɗumnab daappeg, da dahil mettid lag ag oolagppa hanhan daakkun mekkul.

Amos 5:4

Laa amu, Yawe Nug Israel danab ah amelagppa atte. “Israel danab ah, ag bau daaglagnu, ag da aniɗna dim lamiɗkkulagnu da mattiɗna oiyeg!

Amos 5:6

Ag Israel danab ah, ag eɗun, Yawe mattina, dim lamidkkulagnu mattieg! Iitta amu, aab aɗu paha keeke ewe iitta mette, amubia Yawe Nug paha bu matteb, ag padal mekkulag. Nug anam hekku dayeb amu, kayak hambuppuak ahilkad Betel appa ag padal mak amu, aab aɗu huana diditte bia amu, kayak hambuppuak amu ag ehanadkkulagnu elele iitta.

Genesis 49:10

Juda nug hanhan kingnu qakun aɗa daakku. Ao, Juda buɗub laa ag hanhan king daan oiglag. Ag anam daappeg ukkebeb, dimppa laa nug kingnu qakun mamegnab nug uɗia aweb batakku. Nug uɗieb amu, wan laalappan oh ag nuhig nai dim lamidkkulag.

Eksodas 15:26

Nug ag amelagppa aum. “Ag da Yawe, ahilag Kayak, ag dahil nai oh tutukku ena doonna, dim lamidkkulag dayeb, ag dahil haknunab anak, ɗo dahil oh ele dabmenana, amu oh dim lamidkkulag dayeb, da oɗe nau digdig Isip danab ah matte, eheɗ nau hattami bia ii hepa. Aɗinu? Da dakka am Yawe, ahilag Kayak; daib aakku ahilag oɗe amu hei, ag eɗun ena daatteb,” awa aum.

2 Samuel 7:29

Amunu amu, gemu na ootppa ena doon, da, nahip maɗi nid, na da, da buɗulad ele na noomppa hanhan king daagnignu itittak ena megakkutnu oɗ medattem. Aɗinu? Na, Naɗi Yawe, na itittak ena megakkutnu nai anan qakkame, amu itittak ena amuam hanhan da, nahip maɗi nid, am da buɗuladppa daakku.” Dawit anam unuqittom.

Sam 89:29

Da geha heppi, nug buɗub oolagppanu laala ag ahilag haen anen anenppa, ag Israel dilag king hanhan bena daaglag. Yo, da geha heppi, hab dayebeb amu, king dayaknu ehah am nug buɗuppudppa hanhan daakku.

Prowerb 7:2

Na dahil haknunab anak dabmedakkut dayeb amu, na bau daakkut; da na aɗi keeke ippunidttem amu, na amunu, “Am keeke enanag, meu ele,” doon, na amu dabmena, atogno!

Esekiel 34:25

Amu Yawe Nug anam awowa, Nug nai tuɗitta atte. “Israel danab ah ag am dahilad sipsip, amu da haen amuppa heppi, ag da ele ig maɗoɗ dayaknu nug tituanta nai qakkagnig. Ig amu heta, da heppi, ahilag wanppa doɗ dakkuɗ nau laa ii daama amunu, ag atu taɗakppatai daaglag, o iitta atuppa niiglagtai amu, ag baɗak iittappa daaglag.