Aisaia 53:7 - Nobonob Baibel

⁷ Laa ag nug eheɗ hettan, guittak medappig, amge nug nai laa ii mattiom. Ao, danab nug sipsip qekkunu omala, qaaknu abenppa ugekke, sipsip ii gaatte amu, amubia nug eheɗ ag nuhigppa heppignu nai laa ii mattiom. Ge, danab nug sipsip nag uɗig otaɗeɗe, sipsip nug ii gaatte, amubia ag nuhignu nau heppignu oɗe qamuta, toetta dayom.

Aisaia 53:7 ပူးပေါင်းရင်းမြစ်များ

Sam 38:14

Amu genab, da am danab laa nug daug ituak ele keeke laanu iinab dootte, da amubia daattem. Da am laa nug nai madikkunu elele iitta, nug nai nob mekkunu ele elele iitta, da amubia daattem.

Sam 38:15

O Yawe, na da oɗelppa aokkutnu amen mein daye, ehaniɗkkutnu dabmettem. O Naɗi, na am dahil Kayak, ⌊da doottem,⌋ na da oɗelppa aon ehaniɗkkut.

Sam 44:22

O Kayak, danab ah ag ihinignu nau ninig ele doottebnu diig am, ig na dim lamidttem amunu, ag ig deɗ oh amun tuqan ele iqaglagnu hetteb. Ao, danab ag sipsip lanaknu baalag otaɗadtteb, amubia danab ah ag ig iqaglagnu dabmak aotteb.

Aisaia 50:6

Haen danab ag da gomel mataɗppig amu, da gomel ag mattami. Yo, ag da akkaɗil hiɗaegeg, da ag iɗul mattami. Ge, ag da eheɗ aon aon iunna, hunu iuppig amu, da iɗul ii lokkummi.

Aisaia 53:6

Ig danab ah oh ig sipsip matatun gona, padal metteb, ig amubia ib apiɗidta, matatut gomut. Ao, ig anen anen oh ig ihinig dabmak dim lamidkkunignu hemut. Ge, ig anam hemut, amu Yawe Nug ig danab ah oh, ihinig hipunin amu, Nug nuhig maɗi nid, nug amu maokkunu nuhigppa meum.

Jeremaia 11:19

Da sipsip gaiɗ manan, danab qeeb mauhak abenppa awa gotte, da sipsip amubia daami. Ag da iuppeg mauhkkulnu dabmena, ag, “Danab ad o qiie, ad amu ii daatte, meu ele ii otte, ig amubia Jeremaia, nuhigppa hepput, nug amubia dayaɗ!” anana, ag, “Danab ag Jeremaia onig baula dabmemananu, ig makkuɗpput, nug danab ah bau daatteb ele oolagppa aib dayom!” ele appig amu, da Yawe ii ippuniɗom haenppa amu, da amu ii doomi.

Matyu 26:63

Nug anam aum, amge Jesus Nug nai nakok laa ii mattiom. Aria, baula mana mettak ikki danab Nug amegppa aum. “Da Kayak bauklel onigppa da na amenppa attem. Na nai genab tutukku a! Na genab Kristus, Kayak Bekkate o iitta?” awa aum.

Mak 14:61

Nug anam aum, amge Jesus Nug nai nakok laa ii mattiom. Aria, mana mettak ikki danab nug eɗua, bau oɗ mettom. “Na am Kristus, Kayak Bekkate o iitta?” awa aum.

Mak 15:5

Pailat anam aum, amge Jesus Nug nai laippunu laa Pailat oɗeppa ii awom amunu, Pailat nug dabmak kuɗum awom.

Luk 23:9

Amunu Herot nug keeke kuɗumnu Jesus oɗ mettom, amge Jesus Nug oɗmak amu oh eɗua nob laa ii meum.

Jon 1:29

Wagɗe deɗ amuppa Jesus Nug Jon gumitta uɗieye, Jon Nug antta aum. “Antteg, Kayaknu Sipsip Nag, Nug wanppan danab ah dilag hipunin uhuqtte, Nug am uukku daatte.

Jon 19:9

nug eɗua lag ooppa noa, Jesus oɗ mettom. “Na am aab adeppanu uɗime?” oɗ metta aum, amge Jesus oɗeppa nakok laa ii awom.

1 Pita 2:23

Danab ag nuhignu nai eheɗ appig, amge Nug nai eheɗ ahilagnu nob ii meum. Nug guittak awom, amge nuhig guittak amunu Nug ag nob nau aoglagnu ii aum. Jesus Nug amu ii heum, me Nug Kayak, epeɗiakppa keeke oh eleleppaib epeɗidtte amu, Nug nukka Nug beɗu oh Nug eppegppa meum.

Revelesen 5:6

Anam aum amu da Sipsip Nag laa, Nug sia king ⌊anuqak⌋ guguittak hibaitte, hab daup waɗele Kayaknu bauklel aotteb, ikki danab ele ag Nug talilidna daaegeg, Nug ag gamagppa dayeye anidmi. Sipsip Nag amu laa ag matu qeeg mauha, eɗua hibaitte anidmi. Nug qeqeɗi eblaih aɗit ele amu ameg eblaih aɗit ele. Qeqeɗi eblaih aɗit, ameg eblaih aɗit ele, amuam Kayak Ouɗi kobol ena oh nuhigppa ambak daatte ele, Nug ippunigtte. Amu Kayak Nug me, wan ohppa ukkom.