Aisaia 53:12 - Nobonob Baibel

¹² Diig amunu da heppi, Nug danab ah oolagppa okkainab daya, Nug banppan awak keeke laa ag Nug dim lamidna, danab ɠagattag daatteb ele, Nug ag madakku. Da heppi, anam bekkunu diig laa am, nug doyaya, nuhig bauklel uua dayom. Laa am, ag nug danab nau ele laippu qagmaadna ⌊qeeg mauha, amuppa nug eheɗ haknu nob nau iitta mekkunu he elele mettom⌋. Laa am nug danab ah kuɗumnab dilag hipunin mawom. Amu laa am, Nug danab ah hipunin heppig ele, Nug amu dilagnu unuqittom,” awa atte.

Aisaia 53:12 ပူးပေါင်းရင်းမြစ်များ

Genesis 3:15

Amu da heppi, na ah ele gamalahppa hanhan kekeɗ daakku. Ele amu, ah buɗub, amu na buɗun ele gamagppa kekeɗ daakku. Amu ah buɗub laa aha, na ikkin tappeb toɗeb, na danab amu baeg bittub heppe hinqekku,” awa aum.

Job 30:16

Gemu amu, da beɗul nauhe, da mauhkkulnu hettem; da deɗ oh guittak nauib doottem.

Sam 2:8

Na da oɗ meɗappe, da wanppan wan oh tituanatte, na aut daaglagnu na medakkul. Ge, wan atu oh am nahip daakku. Na kingnu qakun aenppa hak aɗan, wan oh dilag danab ah elelenab ɠagattag gumadkkut. Ao, na danab ah nau hetteb amu, na heppe nauhkkulag; danab nug waa makkuɗe aoɗtte, amubia.’ ” Yawe Nug da amelppa anam awa aum.

Sam 22:14

Am danab laa nug le gokkaɗe ukkom bia, da mauhkkulnu male daattem. Da ebehilad oh am autak daatteb. Da oolppa ɠagattag iittanab. Ao, uppuh teɗ gakkaɗakppa le mette bia, da ool ɠagattag iitta daatte.

Eksodas 15:9

Kekeɗ ag akka ag onilag human, ag ihinignu appig. ‘Geha ig ag baelag mattat gota aɗualadta, geha ig ahilag keeke ena ena amu aot, ig ihinig huuppa panignig. Aria, keeke oh ig aognignu oonig daatte ele amu, geha ig aognig. Geha ig ag ele qep elabppa heta, ihinig ɠagattagppaib ig ag hepput nauhkkulag.’

Aisaia 49:4

Amge da ami. “Da uɗat hemi amu, amuppa aɗitai laa ena ii beum. Yo, da uɗat hei, dahil ɠagattag iitta meum, amge uɗat amu oh hamu ukkom. Anam daatte, amge uɗat da hemi, amuppa da nob ena aokkulnu daatte, amuam Yawe eppegppa daatte. Yo, da uɗat hemi, amuppa nob aokkul ele amu, amuam Kayak toppa daatte.”

Aisaia 52:13

Yawe Nug atte. “Antteg! Dahil maɗi nid nug doyak dabmak okkai ele dim lamitta, nuhig hak hekku. Nug onig okkai, binag okkai ele aokku.

Aisaia 52:15

Ag dabmak huanaknab aoglag, amubia danab ah wan atu kuɗumnu ag ottaikkulag. Anam amu king ag nuhignu oɗelag qamutna, dabmak kuɗum aoglag. Aɗinu? Keeke ag nuhignu ii dooppig amu, ag anidkkulag. Ge, laa ag nuhignu keeke laalanu a ii dooppig ele amu, ag amu doon, ag amu diignu doyak tutukku aɗaglag.” Yawe Nug anam atte.

Aisaia 53:6

Ig danab ah oh ig sipsip matatun gona, padal metteb, ig amubia ib apiɗidta, matatut gomut. Ao, ig anen anen oh ig ihinig dabmak dim lamidkkunignu hemut. Ge, ig anam hemut, amu Yawe Nug ig danab ah oh, ihinig hipunin amu, Nug nuhig maɗi nid, nug amu maokkunu nuhigppa meum.

Aisaia 53:8

Ag ɠagattagppa aɗan, nai tutukku iittappa, “Nug mauhkkun daatte,” anan, qeppeg mauhkkunu aon goppig. Ag anam heppig, amu laa nug nug buɗubnu akkunu elele iitta. Aɗinu? Ag nug qeeg mauhom. Ao, ag dahilad danab ah dilag hipuninnu, nug qeppig.

Daniel 2:45

O king, na men, laa Nug qaukoppanu okkula awom, amge laa amu heum am danab iitta, na tulelegppa anidme, na men amu dottognu aen, bras, wan aab aɗuppa ewom ele, silwa, gol ele he, huppu nakok nakok neum ele anidme amu, tulegleg amunu meu am aakku. Kayak, Nug onig, ɠagattag ele, Nug dimppa aɗi bekku am aakku na ippunittom. Tul niiak amuam keeke genab ippunigtte, meu da na amenppa ami ele am genab; na amu ootppa genab dookkutnu elele.” Daniel nug King Nebukatnesar amegppa anam aum.

Matyu 26:42

Jesus Nug anam ana, Nug eɗua ukka, baula unuqitta aum. “O Mama, da le kap imunu ii lakkulnu amu, na ib laa anidkkutnu elele iitta dayeb, na nahip dabmak aakkuib dim lamitte!” awa aum.

Mak 15:27

Ag danab aɗit laa, aa am yab danab naunab amu, ag aa Jesus ele oh atuladppig. Ag danab laa ag Jesus eppeg naɗiap-ppa ad emaitakppa atulona, laa am eppeg nanehppa ad emaitakppa atulppig.

Mak 15:28

((Ag Jesus danab aɗit ele atuladppig amunu, Kayak nai laa, nai amu meu oom. Nai am inam. “Ag nuhignu, ‘Nug am hipunin danab lailag,’ akkulag.”))

Luk 22:37

Aɗinu? Kayak naippa nai laa yaak daatte. Nai amuam inam. ‘Ag Nug danab nau ele laippu qagmaadkkulag.’ Nai amu daatte amunu, da ag amelagppa attem; keeke amu geha dahilppa bekkuoitte. Ao genab, nai oh Kayak naippa dahilnu daatte amu gemu meu okkunu tette,” awa aum.

Luk 23:25

nug danab gabman kekeɗ metta ban ha, danab laa aqe mauhppig amunu maniguittakppa dayom, ag nug aoglagnu eppig ele amu, Pailat nug danab amu awa matta, nug Jesus, ag nuhigppa aɗi hekkulagnu oolag heum hekkulagnu ag eppelagppa meum.

Rom 8:34

Aun nug danab ah amu hipuninnu nob nau aoglagnu akku? Auntai, laa iitta. Aɗinu? Jesus Kristus Nug nukka aakkuib mauhowa, Nug eɗua hibaitta, gemu Nug hab aabppa Kayak eppeg naɗiap-ppa dayaya, ihinignu Kayak unuqidtte.

2 Korint 5:21

Kristus Nug eheɗ laa ii heum amge Kayak he, Nug ihinig mana mettak dayeye, Kayak Nug hipunin ihinig oh awa, laippu qagma Nug qaɗeppa me, Nug mawom. Anam amunu, gemu Kayak Nug Kristusnu uɗat okkaippa ig anikka, ihinignu, “Genab tutukku hak danab,” awa akkunu elele.

Pilipai 2:17

Ag Jesusnu oolagppa genab dootteb, diig amunu ag Kayak waappa daan, Nug oɗe dim lamidtteb. Anam amu, amuam ag doɗ manan Kayak medatteb bia. Aria, da am wain gokkaɗaknu ofa ahilag mana mettak amu qaɗeppa gokkaɗaknu bia daakkul dayeb amu, da maɗoɗppan gamag ahak doottem, amu da ag ele maɗoɗppan gamag ahak amu dooglagnu ool daatte.

Kolosi 2:15

Nug Satannu daup laa ag gumak uɗat ɠagattag ele hetteb, amu laa ag gumak uɗak okkai ele hetteb amu, Nug ɠagattag ahilag aɗatta, ad emaitakppa Nug ag eɗattowa, nug danab amelagppa diia, keeke hamu bia hattom.

Taitus 2:14

Kristus Nug ig ihinig nau hak ohnu qagaiettakppanu eɗua uhuqak hekkunu, ig nuhikkudnab danab ah oppiaawak ele daatta, kobol ena tutukku aakkuib hekkunignu dabmak aognignu amu, Nug ihinignu mauhom.

Hibru 12:2

Amu ig amenig ukkeb, Jesus, Nug am ooppa genab doyaknu diig daatte, Nug ooppa genab doyak ihinig elelenab medakku diig ele amu, ig Nug anidtu! Jesus Nug anukka maɗoɗppan gamag ahak geha dimppa anidkkunu dabmeum amunu, Nug ɠagattag dayaya, ad emaitakppa uug doyaya, guittak awa mauhom. Ad emaitakppa mauhaknu amu uɗa nak ele, amge Nug dimppa maɗoɗppan gamag ahak okkai aokkunu dabmaama, uɗa nak amunu dab-ii-meum; am keeke hamu bia doyom. Nug amu hewowa, Nug hab aabppa, Kayak eppeg naɗiap-ppa heɗep na dayom.

Hibru 7:25

amunu, Nug danab ag nuhigppa Kayak gukkuidna watteb ele, Nug ag eɗua diieb, bauklel hanhan daaglagnu elele. Aɗinu? Nug hanhan ahilagnu Kayak unuqidkkunu bauklel daatte.

Hibru 9:24

Amuam Kristusnu mauhakppa beum. Kristus Nug Kayaknu mettid lag ooppa, danab ag eppelagppa heppig ele, Nug amu ooppa ii noum. Iitta! Nug hab aabppanab ukkom amunu, gemu Nug Kayak noobppa miag atia teum dayaya, danab ig ehanikkakka daatte.

Hibru 9:26

Nug laa hetteb bia helo amu Nug haen kuɗum, Kayak wan heum uɗie, gemu haen imu ele guittak awawa daalo, amge anam iitta. Haen nakok malele, Kristus Nug haen laippu aakkuib wanppa na, hipunin uhuqkkunu nukka Nug beɗu mana mettak bia Kayak mettom.

Hibru 9:28

amubia Kristus Nug danab kuɗum dilag hipunin uhuqa madakkunu Nug nukka haen laippu aakkuib, Nug beɗu mana mettak bia Kayak mettom. Nug anam heum amu dimppa Nug baula eɗua uɗikku, amge hipunin uhuqkkunu iitta. Nug danab ameg mena daatteb ele amu eɗua diikkunu uɗikku.

1 Jon 2:1

O nid naunau dahilad, ag hipunin ii hemananu da nai imu ye madattem. Amge laa nug hipunin hekku amu, ihinig ehanittak, Nug am gamag danab, Nug Mame toppa daatte. Nug Jesus Kristus; Nug am genab tutukku hak danab.

1 Jon 2:12

O nid naunau dahilad, Jesus Kristus onigppa Kayak Nug hipunin ahilag uhuqa mattom amunu, da ahilagnu yaattem.