Aisaia 52:8 - Nobonob Baibel8 Ag Juda danab ah, ag daulag human doyeg! Ahilag aɗi uɗitte anittak danab ag ⌊laa nai ena awa uɗieb anidna, nuhig nai doon,⌋ ag Yawe Nug eɗua, Sion daakkunu uɗieb, ag amelagppanab anidkkulagnu dooglag. Anam amunu, ahilag aɗi uɗitte anittak danab ag gamag ahak doon, huan ekkulag. Ao, ag gamalag aheb, ag ekkulag. အခန်းကိုကြည့်ပါ။ |
Aisaia 52:8
34 ပူးပေါင်းရင်းမြစ်များ
⌊Danab dahil da oɗelppa ii awe, da dimittim wain oiiyi⌋, aɗi uɗitte anittak danab ag aab okkaippa appa ahilag uɗat henan oinna, ag da aniɗna ⌊ag dahilnu, “Ah nau,” doon⌋; ag makkuɗilna, guittak meɗappig. Ag amu henana, ag ulahnu lamen dahil aɗan, ɠagattag aɗan, eeɗna aoppig; aɗi uɗitte anittak danab amu, ag aakku, ag amu heppig.
Qinob, haen amuppa Yawe Nug nuhikkud danab ah Nug eppegppa guittak aoppig ele oh ihilag ita heeb, ihilag oh qaɗaiedakku. Nug anam heebeb, kalamnu amahlak, am aamnu amahlak bia dayebeb, aamnu amahlak gemu amahlak laippu daatte, haen amuppa nuhig amahlak am amahlak eblaih aɗit bia daakku. Deɗ eblaih aɗitnu amahlak deɗ laippuppa haen amuppa daakku.
Ao, danab ah Yawe Nug ehanatte, ag qagaiettakppa ii daatteb ele, ag eɗun uɗiglag. Ag eɗun uɗin, gamag ahak, amu maɗoɗppan gamag ahak ele Sion tena, hanhan oo gamag ahak amu doon daaglag. Oo gamag ahak amu ahilagppa ambak dayebeb, uugnu oo doyak, oo uug mettak ele amu, ahilagppa nakok laa iinab daama.
O Sion danab ah, ag nai ena madippeg, laa dooglagnu maɗi ahilagppa daatte, amunu ag qauko laa attan teig! Ao, Jerusalem danab ah, ag nai ena madippeg, laa dooglagnu maɗi ahilagppa daatte amunu, ag qalan, enan mehuqeg! Ag qalan ena akkulagnu aib baɗappig. Ag, “Ahilag Kayak Nug uɗitte,” anana, Juda aab okkai, aab nakok ele ooppan danab ah appeg doyeg!
⌊Yawe Nug atte.⌋ “Ag Babilonnu ahan ukkeg! Ao, ag Babilon oolagppanu ahan, oolna ukkeg! Ag gonana, ag, ‘Yawe Nug ig Jakop buɗub, nuhikkud maɗi nid maɗi ah ele, Nug ig laa eppelagppa dayaknu qagaiettakppanu eɗua uhuqak ha mekkom,’ mattinna eig! Ag wan atu ohppan danab ah dooglagnu nai amu appeg doyeg!
Yawe Nug atte. “Ag laa, ag dahil nai mattiglagnu daatteb, ag Israel danab ah ag dahil nai dooglagnu nai amu huana eppeg doyeg! Ag qinonob aib madippig! Trampet huana gaatte bia eppeg doyeg! Ag dahilad danab ah, ag da waalppa daaglagnu uun, dahil nai tappaeg neene oitteb, ag amunu appeg doyeg! Ao, ag Jakop buɗub, ag hipunin digdig henan oitteb amu, ag amunu appeg doyeg!
Juda danab ah, aɗi uɗitte anittak danab ag aab okkai Jerusalem ena daakkunu aab amunu aɗppa daan, ehanidnana, maɗi ahilag hetteb amu, amubia da ag ena daaglagnu ahilag ehanittak danab maatti daatteb. Ahilag ehanittak amu ag amunppa, tuqanppa ele toettan ii daamna. Ag Yawe unuqidkkulagnu ii uumna. O danab ah ag Yawe unuqidtteb ele amu, ag hik aon daaglagnu aib heppig!
Israel danab ah ag oolag huana gamag ahakku amunu, ag Sion qaukoppa tena, ag qalan ahi ettaglag. Yo, Yawe Nug ag keeke ohnu madakku amunu, ag oolag huananab gamag ahakku. Nug ag ee aeg, wain bau, amu olip goɗen ele madakku. Nug heeb, sipsip, makau ele nalkad kuɗumnab menuadkkulag. Dad, gu ele awawa, meu huana otte, amubia ag elele daaglag.
Ag, amu ag buɗub dimppa dokkulag ele, ag dahilnu ebehilag oh bodoetta le mekku dayeb amu, ag ena, elele daaglag. Anam amu, ag dahilnu ebehilag oh bodoetta le mekkunu da heppi, ag oolag unuqagppa, ahilag dabmakppa ele ag da noolppaib dup nona, da binal mekkulagnu, ag da oɗelib dim lamidkkulagnu dabmak anam daakku.
ag gamag ahak okkai doon oiglag. Danab ah ele ag ewau matulak aonna, ag gamag ahak doon oiglag. Danab ag Yawe laugppa daan, ena heme anaknu ofa hekkulag. Ag doɗ amu main, Yawe mettanna, ag inam akkulag. ‘Yawe Nug am enaib. Ao, nuhig oo mauhaknab kobol ii iitta mette. Anam amunu, ig Yawe Nukka Ɠagattag Oh Ele, ig Nug amegppa “Ena hen mekkame,” aot atu!’ Ag anam akkulag. Ag anam akkulagnu diig am, da heppi, ag ahilag wanppa enaib daaglag.” Yawe Nug anam awa atte.
Yawe Nug Jerusalem danab ehanatteb, kekeɗ eɗaɗkkulag, deɗ amuppa amu Nug aun aɗi Jerusalem daatteb, Nug amu dilag guppiɗ daakku. Nug ehanatteb, aun laa nug ɠagattag iittanab ele ag oolagppa daatteb, ag ɠagattag ahilag am Dawitnu bia oiglag. Amu Dawit buɗub ag Jerusalem danab ah gumadkkulag. Ahilag gumak, amuam tatam Yawenu engel laa ag omalatta gumattom, ag amubia gumadkkulag; Kayak gumadtte bia daakku.
Anamib gemu ig Kayak baegppa daatta, Nug attem daatte anidkkunignu amu ig nuhig kobol amu laih nakok nakokib, ig keeke lettod ena iittappa anidttem, amubia anidta doottem, oh ii doottem. Dimppa gogtak haenppa amu, ig Kayak attemnab daatte anidkkunig. Gemu da laihib doottem. Dimppa da Kayak Nug dooiɗtte, amubia da haen amuppa keeke oh antten dookkul.
Ag tamaniak ooppa daatteb ele amu, ag ahilkad ikki danab waalagppa daanna, ahilag nai ele dim lamitteg! Ikki danab ag ehanadkkulagnu hena, hanhan ag atognoadnana uɗat hetteb amu, ikki danab amu ag amunu geha Kayak amegppa mehuqkkulag, amunu ikki danab ag uug doomnanu, ag maɗoɗppan gamag ahak dooglagnu amu, ag laa ag ag waalagppa daanna, ahilag nai dim lamitteg! Tamaniak danab ah ag uug doon ikki danab dilag nai dim lamidppeg, ikki danab ag uɗat ahilag hekkulagnu uug doon hekkulag dayeb amu, tamaniak danab ah ag kobol amuppa ehanittak ena ii aomna.
ကြော်ငြာတွေ