Aisaia 52:7 - Nobonob Baibel

⁷ Danab laa nug qauko letata uɗia, danab ah amelagppa nai ena maditte, danab ah laa oh dilag neekkakppa amu, danab amu nug enanag hette anidtteb. Ge! Danab nug uɗia, nug nai ena, maɗoɗnu nai, ehanitteb padal ii maknu nai ele mattiaya, nug Juda danab ah amelagppa, “Ahilag Kayak Nug laa oh eɗatta, keeke oh gumatte,” atte amu, danab ah ag ahilag neekkak nuhignu am enaib anidtteb.

Aisaia 52:7 ပူးပေါင်းရင်းမြစ်များ

Sam 59:13

Wan imuppan wan anen anennu danab ah oh ag na Kayak, na ippa Israel daanna gumigttem, ag amu dooglagnu amu, na dahil kekeɗ dilagnu oppoɗin beeb heppe, ag padal mekkulagnu oɗ medattem! Ao, na ahilagnu oppoɗin beeb heppe, ag padal mena, laippu laa ii daamnanu unuqidttem! Sila.

Sam 68:11

Naɗi Nug keeke bekkunu aum, am danab ah kuɗumnab ag nai Kayak Nug heeb bekku, ag nai aumnu oo gamag ahak eleppa eppig.

Sam 93:1

Yawe Nug danab ah gumadtte! Nug king bala meum. Ao, Yawe Nug king lamen takkom. Nug am ɠagattagnab. Yawe Nug wan abennabppa meum. Aɗitai laa mautkkunu elele iitta.

Sam 96:10

Ag wanppan wan ohnu danab ah oh amelagppa, “Yawe Nug King daatte!” aig! Nug wan ha, abenabppa meum daatte amunu, laih wakkunu elele iitta. Ao, geha dimppa amu, nug hettoɗiak aɗa, danab ah nai doya mala hettoɗia epeɗia elele mettak kobolppa epeɗiadkku.

Sam 97:1

Yawe Nug am King! Wanppan danab ah oh ag gamalag ahaɗ! Ao, ag danab ah ag nud ohppa daatteb amu, ag gamalag ahaɗ!

Sam 98:2

Yawe Nug danab ah ehanitta, padal ii mak kobol nuhig danab ah ippuanattom. Ao, Nug aɗi hette, Nug genab tutukkuib hette amu, Nug amu wanppan wan anen anen oh dilag danab ah ippuanattom.

Sam 98:3

Am Yawe Nug oo mauhaknab kobol nuhig, oo metta ii uuak kobol nuhig ele Israel dilagnu dabmaama dim lamidkkunu nai anan qakkom. Yawe Nug anam hekkunu nai anan qakkom, amu Nug aakku heum. Ihinig Kayak Nug ehanikke, ig padal ii memut, amu wanppan danab ah oh ag amu anidppig.

Sam 99:1

Yawe Nug king daatte! Wanppan wan anen anen oh dilag danab ah ag hahaɗeg! Ao, Yawe Nug sia king nuhigppa, engel okkai-kerubim aɗit dottolah gamalahppa daatte! Wan nug uɗalaɗ!

Solomonnu Ahi 2:8

Doye! Laa dahilnu oo mauhtte ele, nug uɗitte! Ge, antte! Nug aakku uɗitte! Nug uɗiaya, nug qauko okkai tippalala; nug qauko nakok hamu tippala uɗitte.

Aisaia 24:23

Yawe Nukka Ɠagattag Oh Ele, Nug uɗia, Sion qaukoppa Jerusalem appa, danab ah nuhikkud dilag ikki danab noolagppa danab ah gumattebeb, Nuhig binag amahlak oppiaawak ele am miagib daakku. Anam amunu, aamnu amahlak, kalamnu amahlak ele am geha keeke hamu bia daakku. Aam o kalam danab daalo, am nug uɗa nelo.

Aisaia 33:22

Aɗinu keeke amu bekku? Yawe Nug ihinig gumak danab daatte. Nug ɗo nuhig ig megatte. Yawe Nug ihinig king daatte. Nug ehanikkebeb padal ii memata.

Aisaia 40:9

O Sion danab ah, ag nai ena madippeg, laa dooglagnu maɗi ahilagppa daatte, amunu ag qauko laa attan teig! Ao, Jerusalem danab ah, ag nai ena madippeg, laa dooglagnu maɗi ahilagppa daatte amunu, ag qalan, enan mehuqeg! Ag qalan ena akkulagnu aib baɗappig. Ag, “Ahilag Kayak Nug uɗitte,” anana, Juda aab okkai, aab nakok ele ooppan danab ah appeg doyeg!

Aisaia 41:27

Da dakka, da tatam Sion danab ah amelagppa, ‘Antteg! Israel danab ah ag eɗun uɗiglag,’ ami. Ao, da dakka, da Jerusalem danab ah nai ena amu mattami.” Yawe Nug anam awa atte

Aisaia 42:11

Ag danab ah atu taɗakppa daatteb, atu taɗakppan keeke oh ele ag baalag okkaippa Yawe binag meig! Kedar buɗub, ag Yawenu oolag gamag ahaɗ! Ag danab ah Sela daatteb amu, ag oo gamag ahak doon, ahi etteg! Ge, ag oo gamag ahak doon, ag qauko attan taadna daanna, ag laa, ag amu dooglagnu baalag okkaippa eig!

Maika 4:7

Da, Yawe, da heppi, danab ah da bu mattami ele, ag eɗun, huu digmen daaglagnu oɗo yaak danab ah daaglag. Ao, da heppi, danab ah kekeɗ ag diin gona, wan laappa diia ukka laih me dayak danab ah daaglagnu maatteg daatteb ele amu, ag eɗun, wan ahilagppa ɠagattag ele daaglag,” awa atte. Ag anam uɗin daappeg, Yawe Nug qauko Sion appa dayaya, hanhan danab ah amu gumadkku

Nahum 1:15

O Juda danab ah, ag qaukoppa neekkeg! Appanu laa nai ena awa uɗitte. Nug ahilag wanppa maɗoɗ daaglagnu nai awa uɗitte. O Juda danab ah, ag ahilag qagmak gamag ahak ele haenppa, ag gamag ahak ele daan, ag Yawe amegppa aɗi keeke genab hekkulagnu nai anan qagappig amu, ag anam heig! Aɗinu? Nau hak danab ag baula ahilag wanppa ban hekkulagnu ii temana. Iitta. Da heppi, nau hak danab ag nauhna autna aona, padal mekkulag.

Nahum 2:1

He nauhak danab ag heeg, Jakop buɗub ag nauhakib daatteb. Ao, diig amunu, Yawe Nug heeb, Jakop buɗub ag anukka ɠagattag, onilag okkai ele daappig bia daaglag. Ge, Israel ag ɠagattag, onilag okkai ele daappig, amubia Jakop buɗub ag anam daaglag. Anam amunu, O Niniwe danab ah, kekeɗ ag ag ele ban hekkulagnu uɗitteb. Ag uɗitteb amunu, Niniwe danab, ag ahan, ag aab aɗ ɠagattagnab ele ahilag dabmenana, ag ib aɗan daan, ag oolag ɠagattag qettan, ag ɠagattag daaglagnu dabmak aon dayeg!

Sekaraia 9:9

Danab ah ag Sion appa daatteb, ag oolag huana gamag ahaɗ! Yo, danab ah ag Jerusalem daatteb, ag oolag gamag aheb, huana eig! Antteg! King ahilag Nug ahilagppa aakku uɗitte. Nug genab tutukku hak kobol haaha, nug danab ah ehanatteb, padal ii memananu kobol ele dim lamitta haaha uɗitte. Nug nukka Nug onig qe ne, ⌊Nug danab onig iitta bia,⌋ Nug donki laa attan dayaya uɗitte. Yo, Nug donki nag laa ⌊nakok okkai meum⌋ attan dayaya uɗitte.

Matyu 25:34

Anam maattoya, da king daattem amunu, da danab ah naɗiap-ppa maadmi ele amelagppa akkul. ‘Ag inam doig! Mame Nug ag itittak ena mattom! Da Mamel Nug ɗo maɗoɗ ahilagnu haen wan bau beebe babaitta mattom.

Matyu 28:18

Anam heegeg, Jesus Nug ag gumatta doa, amelagppa aum. “Kayak Nug da keeke oh wanppanu, habppanu ele ikkilag daakkulnu meiɗom

Mak 13:10

Dahilnu Nai Ena wan atu ohppanu danab ah amelagppa mehuqppeg amu, malaknu haen miag daakku.

Mak 16:15

Daulag batowa, Nug ag amelagppa aum. “Ag ahan, wan atu ohppa gona, dahilnu Nai Ena danab oh amelagppa mehuqeg!

Luk 2:10

engel nug amelagppa aum. “Ag aib baɗappig. Da oo maɗoɗppan gamag ahak okkainu nai ena danab oh dilagnu awe nemi.

Luk 24:47

Amge laa ele ippunigtte. Amuam Kristus Nug hibaitteb, ⌊nuhikkud danab⌋ ag Kristus onigppa wan atu ohppanu danab ah amelagppa ag Kayak Nug danab ah dilag hipunin uhuqa madakkunu, ag oolag eɗuglagnu mehuqkkulagoitte. Ag uɗat amu Jerusalem digmekkulag. Kayak nai anam ippunigtte.

Epesus 6:15

Ag maɗoɗ, Nai Enanu dotte amu, ag amu baelag gaɗa bia aɗappeg noaɗ!

Revelesen 11:15

Aria, engel ebqak 7 nug trampet nuhig iwale amu hab aab appa da laa baalag okkaippa inam aeg doomi. “Wan ohppan gumak uɗat aakku eɗua, ihinig Naɗi, amu laa Nug danab ah dilag Padal ii maknu ehanittak daakkunu tituanom, am Kristus, Nug ele eppelahppa daatte. Naɗi Nug hanhan uɗat amu hekku,” aon appig.

Revelesen 14:6

Aria, da engel laa nug hagagaɗa, nug Nai Ena bauklel hanhannu ele, danab oh wanppa daatteb, amuam danab ah ag wanppan wan ohppanu, huu ohppanu, nai ohppanu amu beɗulag iɗu iɗu ohppanu ele, ag amelagppa mehuqkkunu hab waappa aben gamag amuppa ugekke anidmi.