Aisaia 52:6 - Nobonob Baibel

⁶ Anam amunu da heppi, danab ah dahilad ag ⌊oolag eɗueb, ag da dim lamiɗna,⌋ da onil doon, ⌊ɠagattag daappeg, wanppan danab oh ag amu anidkkulag⌋. Ao, anam amunu da heppi, danab ah dahilad ag ⌊oolag eɗueb, ag da dim lamiɗna,⌋ ag daib, ‘Da iikku daattem,’ attem doon, ag ⌊ɠagattag daappeg, wanppan danab oh ag amu anidkkulag⌋,” awa atte. Yawe Nug anam awa atte.

Aisaia 52:6 ပူးပေါင်းရင်းမြစ်များ

Esekiel 20:44

O Israel danab ah, ag amu dabmena, ag da, da onilnu dabmak anuqak awen, da ahilag hak nau, eheɗ hak ahilag ele, da amunu heppi, ag padal mena iitta mekkulagnu elele, amge da anam ii hemi amu, ag amu dabmena, ag dooglag, da am Yawe.” Naɗi Yawe Nug anam atte.

Namba 23:19

Danab ag hambubutteb, amge Kayak Nug am danab iitta, amu Nug ham-ii-bubutte. Ao, danab ag ahilag dabmak baolitteb, amge Nug am danab bekka iitta, amu nug nuhig dabmak ii baolitte. Yawe Nug keeke hekkunu atte amu, Nug hette. Nug keeke hekkunu nai ana qagatte amu, Nug genab anamib aakku hette.

Eksodas 33:19

Nug anam a amu, Yawe Nug Moses amegppa eɗua, nob ma inam aum. “Da geha dahil kobol ena oh na ippunittoya, geha da onil, Yawe, da amu na noomppa mehuqkkul. Doye! Da danab laanu oo gai-iitta doya oo metta ehanittak kobol dim lamidkkulnu ool daatte dayeb amu, da aakku hekkul, o da danab laanu oo bodoetta le maknu kobol dim lamittaknu ool daatte dayeb amu, da anam hekkul.

Sam 48:10

O Kayak, na am binan okkai ele amunu, danab ah wan atu ohppan ag na binan metteb. Nahip hak am genab, tutukku aakkuib.

Aisaia 49:23

Ag Juda amu, king laala ag ag mamelkad daaglag. Kuin laala ag anig nid huh medatte, ag ahilagnu anambia daaglag. King aɗi amu, ag Juda ahilagnu okkai doon, ag ag noolagppa gatelag qaun ona, gomelna ag iɗulag wanppa mekkulag. Ag ag baelagppa dup nona binalag mekkulag. Ag amu hekkulag amunu, ag Juda, ag da am Yawe doon, laa ag da amel metteb ele, ag uɗa nak ii doomna ele dooglag.” Yawe Nug anam atte.

Aisaia 42:9

Antteg! Keeke da anukka bekkulagnu ami amu, ag aakku beppig. Gemu da keeke bau laanu appi dooglag. Keeke bekkulagnu ii digmeppig ele amu, da ai, ag bekkulagnu daatteb,” awa aum.

Eksodas 6:3

Anukka da Abraham, Aisak, am Jakop ele gumatte nei, ag da onil, Kayak Nukka Ɠagattag Oh Ele, ag amuppa da dooiɗppig. Amge da onil Yawe, da onil amuppa, ag da dooiɗkkulagnu amu, da ii ippunadmi.

Eksodas 3:13

Kayak Nug anam a amu, Moses nug Kayak amegppa inam awa aum. “Haen da ukken, Israel gumatte tein, ‘Ig mamenkad aɗi dilag Kayak Nug da meiɗe, ag gumatte uɗimi,’ appi, ag da, ‘Nug onig aun?’ oɗ meɗaglag amu, da nai aɗi am, ag amelagppa appi dooglag?” awa aum.

Aisaia 40:9

O Sion danab ah, ag nai ena madippeg, laa dooglagnu maɗi ahilagppa daatte, amunu ag qauko laa attan teig! Ao, Jerusalem danab ah, ag nai ena madippeg, laa dooglagnu maɗi ahilagppa daatte amunu, ag qalan, enan mehuqeg! Ag qalan ena akkulagnu aib baɗappig. Ag, “Ahilag Kayak Nug uɗitte,” anana, Juda aab okkai, aab nakok ele ooppan danab ah appeg doyeg!

Aisaia 60:16

Ag Juda, ag nid nug anignu huh latte, amubia ag wan atu laihnu keekeppa ena daaglag. Ao, nid nug anig huhugppa huh latte amu, amubia laa ag ena daaglagnu keeke mattaglag. Ag amu hekkulag amunu, ag imu dooglag. Da, da am Yawe. Amu laa nug ag ehanatte, ag padal ii metteb amu, amuam da. Laa nug ag qagaiettakppanu eɗua uhuqak ha madatte amu, amuam da. Da am Laa Ɠagattag Okkai ele, Jakop da binal meum ele.

Jeremaia 31:34

Amu da heppi, ig nug tituana nai qakkak amu heta malota amu, danab laa nug layagtai, o awagtai, o amagtai baula amegppa, ‘Na Yawe doye!’ ii ama. Iitta. Ag anam ii amananu diig am, ag ohnab, danab onig iitta, danab onig okkai ele, ag oh da dooiɗna oiglag amunu, ag laa nug laa amegppa, ‘Na Yawe doye!’ akkunu ii hema. Aɗinu? Da ahilag nau hak uhuqen madakkul. Yo, da ahilag hipunin daul atikku.” Yawe Nug anam atte.