Aisaia 51:3 - Nobonob Baibel

³ ⌊Yawe Nug Abrahamnu anam heum⌋ amunu, genab Nug heeb, danab ag Sion eɗun bappaidppeg, ag Juda ag oolag mekku. Yo, Nug Sion nauhom antta heeb, danab ag Sion bappaidkkulag. Nug heeb, Juda wanppa aben laala atu taɗak beppig daatteb amu, aben amuam Iden dayom bia daaglag. Ao, Nug heeb, Juda wanppa aben wan meu waknu nakokib elele amu, ag am Yawenu dad bia daaglag. Danab ah ag Sion appa, Juda wanppa ele daaglag amu, ag oolag gamag ahebeb, ag, Yawe amegppa, “Ena hen mekkame,” doon anan, ahi ettaglag.

Aisaia 51:3 ပူးပေါင်းရင်းမြစ်များ

Genesis 13:10

Anam a amu, Lot nug neekke ukke, Jodannu uɗem anttom. Uɗem amuppa amu, le kuɗum ele. Anttak nuhig am Yawe Iden wanppa dad enanag heum bia, o Isip wan, Soar guguittak daatte ele, amubia. Haen amuppa Yawe nug aab okkai aɗit onilah Sodom, Gomora ele ii he nauhpiɗ.

Sam 85:8

Amu da Kayak Yawe Nug aɗi atte, da amu dookkulnu daul humakkul. Aɗinu? Nug nuhikkud danab ah, ag nuhignu oo metta ii uuak kobol dim lamidtteb ele, Nug ag maɗoɗ matteb daaglagnu nai ana qagatte, amge ag eɗun, anukkanu Kayak dab-ii-maama hak kobol aib heppig.

Aisaia 12:1

Haen amuppa amu ⌊Israel danab ah, Juda danab ah ele ag oh laib laib⌋ geha ahi inam ettan akkulag. “O Yawe, na dahilnu oot nauhom, amge gemu nahip oo nauhak amu na uume. Ao, na uunna, nai ena da meɗan oo mak meɗame amunu, da na binan humakkul.

Aisaia 25:9

Haen keeke amu beppeg, danab ah ag inam akkulag. “Antte! Imuam ihinig Kayak. Ig nuhignu oonigppa genab doomut, Nug ig ehanikke, ig padal ii memut. Ao, imuam Yawe, ig nuhignu oonigppa genab doomut, Nug ig padal mematanu ehanikkom amunu, ig oonig gamag huan ahaɗ!” Ag anam akkulag.

Aisaia 35:6

Danab ag baelag laih nauhak ele, ag tappan gonana, oolna tena oolna nenana, ahi ele goɗappeg, danab ah ag oɗelag qamutak ag geha nai mattinna, oo gamag ahak okkai doon, ewak okkai hekkulag. Yawe heeb, wan meu waknu nakokib elele, appa le okkai huanak daakku. Ao, atu taɗak, appa lenag kuɗum daaglag.

Aisaia 41:16

Danab nug ulah ee aeg dappunkkeg iwale ukkaknu uɗat hette, amubia ag Israel ag ahilkad kekeɗ heppeg iitta mekkulag. Ulah ɠagattag ee aeg dappunkkeg mawa, umanab ukke, baula miag ii daatte, amubia ag Israel ag heppeg, ahilkad kekeɗ ag qettoɗna malaglag. Ag miag iinab daamna,” awa atte. Ag Israel, ag ahilkad kekeɗ ag anam daaglag. Ag anam daaglag, amge ag Israel, ag Yawenu oolag gamag ahakku. Ao, ag Yawenu, Nug am Israel dilag Kayak Oppiaawak Ele, Nug ag Israel, ag nuhikkud maɗi nid maɗi ah ele daaglagnu tituanattom amu, ag nuhignu oo gamag ahak huanaknab dooglag.

Aisaia 43:19

Antteg! Da keeke bau hettem. Keeke amuam geha iikku bekkun daatte. Ag iite anidtteb? Da atu taɗakppa ib laa madakkul. Ao, da wan meu waknu nakokib elele, da appa le hadappi gokkulag.

Aisaia 44:26

Da dahil propet, ag am dahilad maɗi nid, da aɗi nai ag madattem amu, da hei, nai amu meu otte. Ao, da aɗi nai dahil propet oɗelagppa mettem amu, da hei, nai amu genab bette. Amu da Jerusalemnu attem, ‘Israel danab ah ag eɗun, aguppa daaglag.’ Ao, da Juda dilag aab, ‘Danab ag aab amu eɗun bappaladkkulag,’ attem. Ge! Kekeɗ ag Jerusalem, Juda dilag aab naunau ele heeg nauhppig amu, da aab amu ohnu attem. ‘Da heppi, ag ena, babaittak daaglag.’

Aisaia 49:13

Yawe Nug danab ah nuhikkud oo mak madatte, Nug nuhikkud danab ah bu okkai aoppig dilagnu oo bodoetta le mak dootte amunu, ag hab daup, ag oo gamag ahak doon, baalag okkaippa eig! Yawe Nug anam hette amunu, danab ag oo gamag ahak dootteb, amubia keeke oh wanppa daatteb, ag oolag gamag ahaɗ! Nug anam hette amunu, danab ag oo gamag ahak doon, ahi ettaladtteb, amubia ag qauko, ag oo gamag ahak doon ahan, ahi etteg!

Aisaia 49:19

Amu ag Israel, ag ahilkad kekeɗ ag uɗin heeg, ahilag wan am nauhak, hele-ettak daatte. Ge, ag heeg, ahilag wan am nauhakib daatte. Amu da heppi, ahilag wan eɗua, ena dayebeb, ag Israel ag appa ambak daaglag. Wan amuam nakok dayebeb, ag huanak daaglag. Amu laa ag heeg nauhppig ele amu, ag uma daaglag.

Aisaia 49:8

Amu Yawe Nug atte. “Haen da ii helom bia me, da na ehanidkkulnu ena doyeye, da nahip unuqittak doyen ehanidkkul. Ao, ehanitteb, padal ii mak haenppa amu, da na ehanidkkul. Da na nena qemananu ehanitten, da heppi, na gamag danab daappe, da danab ah ele nai qakkagnig. Nai qakkak amuppa amu, da nahip-ppa ag ehanadppi, Juda danab ag eɗun, ahilag wan hele-ettak daakku amu, ag bappaidkkulag. Amu nai qakkak amuppa ele amu, da nahip-ppa heppi, wan maha maha oh am mamelkad eppelkadppa eɗun daaglag. Ao, aun nug wan anen anen mameg daappig amu, ag buɗulkad ag eɗun anam daaglag.

Aisaia 51:12

Amu Yawe Nug atte. “Da, ge da, da oo mak madattem. Danab am keeke gai-iitta, oh mauhtteb amunu, aɗinu ag danabnu baɗadtteb? Ao, aɗinu ag danab bekkalkad, ag gikkiɗah bia paha nauhtteb ele amu, aɗinu ag ag baɗadtteb?

Aisaia 52:9

O Juda danab ah, ag aab nauhak daatte bia daatteb amu, Yawe Nug oo mak ag madakku. Ao, Yawe Nug ag laa eppelagppa dayaknu qagaiettakppanu eɗua uhuqak ha madakku. Anam amunu, ag laippun ahan, gamag ahaknu ele ahi ettalatteg!

Aisaia 61:10

Da padal mepanu Yawe Nug ehaniɗom, amuam Nug lamen ena da beɗulppa melo, amubia daatte. Ge! Kayak he, da genab tutukku hak danab daattem, amuam Nug lamen elab enanag da beɗulppa melo, amubia daatte. Nug anam heum amunu, da nuhignu enanagnab doottem. Ge! Da nuhignu oo gamag ahak okkai doottem. Lamen Nug dahilppa meum amu, amuam danab nug ah aokkunu haaha, nug igippa lamen enanag, mana mettak danab mette bia mette amu, lamen dahilppa meum am amubia. Yo, ah nug danab aokkunu haaha, nug bala enanag beɗuppa mette amu, lamen dahilppa meum am amubia.

Aisaia 65:18

Amu da heppi, Jerusalem am danab ah oh enanagnab dooglagnu daakku. Da heppi, Jerusalem danab ah ag laa dilagppa gamag ahak mattaglagnu daaglag. Anam amunu, dahilad danab ah ag da aɗi aɗi hekkul, ag amunu hanhan oolag gamag ahaɗ!

Jeremaia 31:25

Aɗinu? Da heppi, danab ag beɗulag bodoedatte ele, ag ɠagattag aoglag. Da heppi, danab ag gai-iittanab daatteb ele, ag eɗun, ena daaglag.

Esekiel 28:13

Na daameppa am dad laa onig Iden, Kayak eppom, amubia. Na beɗun bala ele daakkutnu na hanhan men daden nob okkainab eleppa bala medattame. Men digdig amuam men rubi, men topas, men emeral, men krisolait, men oniks, men jaspa, men sapaia, men tekois, men beril ele. Danab amu heppig ag gol aon, bala hena, men amuppa qattaqeppig. Deɗ da Kayak, da na heitti beme amu, deɗ amuppa bala amu oh babaittak dayom.

Esekiel 36:11

Da heppi, Israel danab ah ag nid menuadppeg, appatna kuɗum daappeg, ahilkad doɗ ele anam hena daaglag. Da heppi, Israel danab ah ag daadppig bia daaglag. Daanna, da heppi, en okkai ele tatam daadppig amu, gemu ag amu eɗittak, okkainab ele daaglag. Da anam heppi amu, ag dooglag, da am Yawe.

Esekiel 36:35

Iitta. Ag neegna anidna, inam akkulag. ‘Wan imu kekeɗ ag heeg nauhakib dayom amu, gemu wan amu aakkuib dad onig Iden, Kayak eppom amu, dad amubia daatte. Aab kekeɗ ag heeg nauhppig amu, tatam ag hele-ettak daaegeg, gemu aab amuppa danab ah daatteb, aɗ ele itan, anamib daatteb,’ aon akkulag.

Joel 2:3

Amu tap-lokus amu ag ukkaegeg, aab ewak keeke ewe, iitta mette, amubia aɗi keeke ag gokkulagppa daatte, ag keeke amu heeg, keeke aab ewak bia daatteb. Ao, ag gotteb baelagppa amu, aab ewa dittia huan attannab taata, keeke ewe iitta mette, amubia daatte. Tap-lokus ag gonana, wan ag gokkulagppa daatte, amuam wan atu enanag, dad Iden bia, amge tap amu gotteb baelagppa, keeke laa ii daatte; atu taɗaknab bia. Keeke laa ii uueg daatte; iitta.

1 Pita 1:8

Ag Nug ii anidppig, amge ag nuhignu oolag mauhtte. Ag gemu ele Nug ii anidtteb, amge ag nuhignu oolagppa genab dootteb. Ag anam doona, ag ooppa genab doyak ahilkadnu gogppa tak, amuam Kayak eɗua diiadtte, ag amu aotteb amu, ag amu doonna, ag maɗoɗppan gamag ahak binag amahlak oppiaawak ele, danab aun nug amunu elele anaknu elele iitta, ag amu dootteb.