Aisaia 51:2 - Nobonob Baibel

² Ag ag mamelag Abraham neegna antteg! Ag Sarah, nug ag alalag ah tatamnu, nuhigppanu ag doppig amu, ag neegna nug atteg! Aɗinu? Da Abraham onigppa emi, haen amuppa amu nug nukka laippu dayom, amge da nug ititten hei, nug buɗub kuɗum beppig,” awa atte.

Aisaia 51:2 ပူးပေါင်းရင်းမြစ်များ

Genesis 22:17

amunu, diig amunu da genabnab genab na itidkkul. Da itidppi, na buɗunad ag appatna, abuɗ le ihippa, o hoɗoppai bia kuɗum daaglag. Ag kekeɗ eɗadna, ahilkad aab diiglag,

Genesis 24:1

Amu haen Abraham nug wanppa oiyeye, Yawe Nug nuhig keeke ohnu itittom. Itittette amu, Abraham nug kaino meum.

Genesis 24:35

Yawe Nug dahil okkai Abraham keeke ohnu itittom amunu, nug enub kuɗum ele; sipsip, makau, kamel, donki, silwa, gol, maɗi nid maɗi ah ele.

Aisaia 29:22

Anam ⌊amge Yawe Nug heeb, Israel ag genab oolag eɗuglag⌋ amunu, Yawe, Nug Abraham hipuninnu qagaiettakppanu eɗua uhuqak heum ele, Nug Jakop buɗub dilagnu inam atte. “Israel danab ag baula uɗa nak ii doomna. Ge! Ag baula uɗa nak nau doon, iɗulag hakkab ii eppama. Iitta!

Aisaia 41:8

Wan laappan danab ah ag anam baɗan hetteb, amge Yawe Nug atte. “Ag Israel, ag am dahilad maɗi nid maɗi ah ele daatteb. Ao, ag Jakop buɗub, da ag tituanadmi. Ag am da layal Abraham buɗub.

Aisaia 43:27

Ag mamelag tatamnu amu, nug hipunin heum. Ahilag ikki danab ag da oɗel tappaeg neum.

Aisaia 48:1

Ag Juda, ag ahilag nai ɠagattag qettaglagnu henana, ag Yawe onigppa ɠagattag qedatteb. Ao, ag ahilag nai ɠagattag qettaglagnu henana, ag Israel dilag Kayak onigppa hetteb. Ag amu hetteb, amge ag doyak diig genabib, ag amuppa ii hetteb. Ge! Ag kobol genab tutukkuppa ii hetteb. Amu ag Jerusalem, aab amuam Yawenu tituanak daatte amu, ag aab amunu, “Am ihinig aab okkai,” atteb. Ag anam anana, ag Yawe Nukka Ɠagattag Oh Ele, ag nuhig ehanittakppa ena oittebnu ele atteb. Ag amu hetteb, amge O Jakop buɗub, laa ahilagnu Israel atteb amu, ag doyeg! Ao, ag Jakop buɗub, ag alalag Juda amu, ag doyeg!

Aisaia 60:22

Ag Juda ag oolagppanu aab ikki laa, aab ikki amuam danab kuɗum iitta amu, ag dahil ehanittakppa appatna, kuɗumnab daaglag. Ao, aab ikki nakoknab, aab ikki laa oh aab ikki amu eɗidtteb amu, aab ikki amuam appatppeg, huu naɗinab, ɠagattag ele daakku. Da am Yawe. Da keeke imu bekkunu haen uɗieb amu, da paha heppi bekku.” Yawe Nug anam atte.

Aisaia 63:16

Anam, amge o Yawe, na am ig Mamenig. Abraham nug ig ii dooiglo. Ge, Israel nug ihinignu, “Imu, ag am da buɗulad iitta,” alotai. Amge O Yawe, na am ig Mamenig. Na nakka aakkuib, na anukkanu uɗie, gemu ele, na qagaiettakppanu eɗua uhuqaknu ehanittak ihinig daattem.

Esekiel 33:24

“Danab bekka, kekeɗ ag Israel wan heeg nauhom amu, Israel danab ah appa daatteb ele ag inam atteb. ‘Abraham nug danab laippuib, amge Kayak wan imu mette, nug wan imu oh awom, amge ig am kuɗum amunu, genab Kayak he, ig wan imu ihinig daakkunu aomut daattem,’ aon atteb.

Duteronomi 1:10

Yawe, ahilag Kayak, Nug he, ag appatna, ag ebqak huanak, kuɗumnab, ag hoɗoppai habppa daatteb bia daatteb!

Duteronomi 26:5

Anam heeb, na Yawe, ahilag Kayak, Nug noobppa inam akkut. “Da mamelad aɗi ag am Aram danab, appalag diig iitta ele oinna, ag hubhub Isip wanppa nona daanna, ag appatna, huu okkainab bena, ɠagattag daappig.

Josua 24:3

Amge da na alan Abraham wan Yupretis appanu awe, Kanan wan ohppa omali oiyom. Da nug buɗub kuɗumnab mettami. Da nug Aisak metten,