Aisaia 51:16 - Nobonob Baibel

¹⁶ ⌊Amu Yawe Nug ele atte.⌋ “Da dahil nai ag oɗelagppa mekkul. Da ag atognoadkkulnu, da eppelppa ag tonadkkul. Da, da hab hein, wan ele hemi, amu gemu da ag Juda danab ah, da ag amelagppa attem. ‘Ag am danab ah dahilaɗ.’ ” Yawe Nug anam atte.

Aisaia 51:16 ပူးပေါင်းရင်းမြစ်များ

Aisaia 59:21

Amu Yawe Nug atte. “⌊Danab ah ag oolag eɗuom ele⌋, da, ge da, da ag ele imu hekkunignu nug tituana nai qakkak hettem. Da dahil Ouɗi, Nug ahilagppa daatte, amu da heppi, Nug ag, ag bekkalkad aɗelkad ele, amu ag bekkalkad aɗelkad ele amu, Nug ag oh ele gemu, hanhan ele anam daaglag. Laa, dahil nai, ag oɗelagppa daatte amu, da heppi, nai amuam ag oɗelagppa, ag bekkalkad aɗelkad ele oɗelagppa, amu ag bekkalkad aɗelkad buɗulkad oɗelagppa ele gemu, hanhan ele anam daakku.” Yawe Nug anam atte.

Aisaia 49:2

Yawe Nug he, dahil nai am qep aeg elenab bia dayom; Nug keeke enanag laa danab eppegppa dayeye atognotte, Nug amubianab da atognoiɗom. Ao, Yawe Nug heiɗe, da lat doɗo aeg uɗat haknu babaittak daatte, da amubianab nuhig uɗat hekkulnu babaittak daaiyi, danab nug lat aeg nuhig abenppa ma atognotte bia, Nug da atognoiɗtte.

Jon 17:8

Nai oh na da meɗame ele amu, da ag mattai aoppig. Da nahip-ppanu uɗimi amu, ag genab dootteb; na da meiɗe uɗimi, ag amu ele oolagppa genab dootteb.

Duteronomi 18:18

amunu da nai ag amelagppa akkulnu amu, da geha danab laa ag oolagppanu na bia epeɗidkkul. Da geha dahil nai propet amu medappi, nug ag amelagppa nai oh da nug madakkununab appi amu, nug tutukku ab dooglag.

Jeremaia 31:33

Amu Yawe Nug imu ele atte. “Anam amunu, nug tituana nai qakkak bau, da heppi, ag Israel danab ah, da ag ele haen amuppa hekkunig am inam. Da heppi, dahil ɗo oh ahilag dabmakppa daakku. Ao, da heppi, dahil ɗo oh ag oolagppa daakku. Da ahilag Kayak daakkul, ag am dahilad danab ah daaglag.

Aisaia 66:22

Yawe Nug ele atte. “Amu hab bau, wan bau da hekkul ele amu, keeke aɗit amu hanhan da noolppa daaglah, amubia amu, ag Israel ag onilag am hanhan dayebeb, ag buɗulkad ele am iitta ii memana.

Sekaraia 13:9

Am Yawe Nug imu ele atte. “Danab nug silwa o gol babaitta epeɗia awak daakkunu uɗat hette, amubia laa bau daaglag amu, da heppi, ag oolag dubuttid iitta daaglag. Ag da onilppa eppeg, da ahilag unuqittak dookkul. Da ahilagnu, imuam dahilad danab ah, appi, ag, Yawe, Nug am ihinig Kayak, akkulag.” Yawe Nug anam awa atte.

Aisaia 50:4

Naɗi Yawe Nug da oɗel ehanitte, da nai ena madikkulnu elele amunu, da nai enappa danab ah ag uug nau doon oitteb ele, da ag ehanadkkulnu elele daattem. Deɗ oh buttua Nug maɗeɗile, da ahattem. Nug da maɗeɗile ahai, Nug he, da daul hume, Nug aɗi atte amu, da dim lamidkkulnu dabmein aute awe daattem.

Aisaia 48:13

Da eppelppa wan hemi. Da eppelppa hab ele hemi. Gemu amu, keeke amu oh dahil ɠagattagppa tutukku ena daatteb.

2 Pita 3:13

Amge Kayak Nug hab bau, amu wan bau ele megakkunu nai qakka aum amunu, ig keeke amunu neegttem. Amuppa genab tutukku hak kobol aakkuib daakku.

Aisaia 65:17

Yawe Nug atte. “Aɗinu ⌊am anam bekku⌋? Antteg! Da heppi, hab bau, wan bau ele daaglah. Tumainu keeke am laanu dabmakppa ii daama, laa nug amu dab iinab mema.

Hibru 8:10

Amu Naɗi Nug tuɗitta inam ele aum. “Nug tituana nai qakkak bau, da heppi, ag Israel danab ah, da ag ele haen amuppa hekkunig am inam. Da heppi, dahil ɗo oh ahilag dabmakppa daakku. Ao, da heppi, dahil ɗo oh ag oolagppa daakku. Geha da Kayak ahilag daakkul; ag am dahil danab daaglag.

Jon 3:34

Yo, laa Kayak me uɗiom amu, Nug Kayak nai maditte. Aɗinu? Kayak Nug nuhig Ouɗi ambak medatte.

Aisaia 49:8

Amu Yawe Nug atte. “Haen da ii helom bia me, da na ehanidkkulnu ena doyeye, da nahip unuqittak doyen ehanidkkul. Ao, ehanitteb, padal ii mak haenppa amu, da na ehanidkkul. Da na nena qemananu ehanitten, da heppi, na gamag danab daappe, da danab ah ele nai qakkagnig. Nai qakkak amuppa amu, da nahip-ppa ag ehanadppi, Juda danab ag eɗun, ahilag wan hele-ettak daakku amu, ag bappaidkkulag. Amu nai qakkak amuppa ele amu, da nahip-ppa heppi, wan maha maha oh am mamelkad eppelkadppa eɗun daaglag. Ao, aun nug wan anen anen mameg daappig amu, ag buɗulkad ag eɗun anam daaglag.

Sam 92:13

Ag am ad laa aben enanagppa eppaeg ba auta aotte, amubia ag Yawe laugppa daan, ena betteb. Ao, ag ihinig Kayak laugppa enaib daatteb.

Duteronomi 33:27

Kayak bauklel Nug ahilag padal mak eɗitta ena dayaknu ehanittak daatte. Nug eppeg am alet anam, ag oɗakkiatte daatteb. Nug heeb, ag Israel ag kekeɗ ahilkad lamadkkulag. Nug aakkuib, ‘Ag kekeɗ ahilkad heppeg nauheg!’ atte.

Eksodas 33:22

Na tena daappe amu, haen binag amahlak oppiaawak ele dahil na guguitta uɗiebeb, geha da na men oɗe laappa inittoya, da eppel na tonittebeb, da qe-eɗitten gobippi,

Revelesen 1:1

Kayak Nug Jesus Kristus Nug nuhikkud maɗi nid, ag aɗi keeke bekkunu daatte ippunadkkunu Jesus ippunittom. Ippunitte, Jesus he, nuhig engel laa Jon amu ippunitteb, nug amu bukppa yaakkunu uɗiom.

Sekaraia 8:8

Ag eɗun, Jerusalem daaglagnu da omaladppi, ag eɗun uɗin daaglag. Ag uɗin dahilad danab ah daappeg, da ahilag Kayak daakkul. Da ahilagnu oo metta ii uuak kobol, nai doya mala hettoɗia epeɗia elele mettak kobol ele dim lamidkkul,” awa atte.

Jeremaia 32:38

Ag dahilad danab ah daaglag, da ahilag Kayak daakkul.

Aisaia 60:21

Ag Juda danab ah oh ag genab tutukku hak kobolib dim lamidnana, ag ahilag wan aon, amuppa hanhan daaglag. Laa ag ahilag wan baula ii gumamna. Danab nug ee eppe, qaɗu ba okkai me, nuhig daatte, amubia ag Juda ag dahil daaglag. Danab keeke eppegppa he, nuhig daatte, amubia ag dahil daaglag. Da danab ah laa oh ag dahil binag amahlak oppiaawak ele anidkkulagnu da hak anam hekkul.

Aisaia 45:18

⌊Keeke amu oh am anamib bekku.⌋ Aɗinu? Yawe, Nug hab heum, Nug nukka am Kayak. Ao, Yawe, Nug wan heum amu, Nug wan ɠagattag daakkunu babaittom. Nug danab ag wanppa daaglagnu wan babaittom. Nug wan danab ah appa ii daamnanu ii babaittom. Iitta! Nug danab ah aguppa daaglagnu babaittom. Amu Yawe Nug atte. “Da am Yawe, laal ii daatte.

Sam 75:3

Haen wan nug uɗalele, danab ah wanppa daatteb ele ag uug doyegeg, daib da wan ɠagattag medattem. Sila.

Eksodas 4:15

Nug na anidkkunu uɗitte amu, ⌊nug uɗieb, uɗat imu, da na medattem ele amu, uɗat amu haknu haen beeb,⌋ na nug amegppa appe, nug am geha nai amu oh mehuqkku. Da am geha aa keeke aɗi mattiglahnu ippunatppi, aɗi keeke hekkulahnu ele ippunatppi, aa hekkulah.

Sam 91:4

Ai laa nug nakkud haugppa dabmadatte bia, Nug na atognoidkku. Ao, nahip padal mak eɗitteb ena dayaknu aben Nug haug waappa daakku. Ge, nuhig oo metta ii uuak kobol, amuam nahip guppiɗ, aria nahip wan buue te aɗ itak bia, Nug amubia ele daakku.

Aisaia 57:19

Da amu heppi, Juda danab ag uug doon gaatteb amu, ag eɗun, ena doon, da onil humaglag. Da heppi, danab ah ag uma daatteb, laa ag guguittak daatteb ele amu, da heppi, ag oh maɗoɗ daaglag. Ge ag maɗoɗnab daan oiglag. Da heppi, ag enaib daan oiglag.” Yawe Nug anam atte.

Jeremaia 1:9

Yawe Nug anam awowa, Nug eppeg bahia, da oɗel lauɗitta, Nug da amelppa aum. “Da dahil nai na oɗenppa aakku memi.

Jeremaia 24:7

Da heppi, ag da Yawe, ag da dooiɗkkulagnu, ag oolag okkai daakku. Ag oolag eɗueb, ag meulag ohppa dahilnu daaglagnu oolag daakku amunu, ag dahilad danab ah daaglag, da ahilag Kayak daakkul.