Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Aisaia 51:12 - Nobonob Baibel

12 Amu Yawe Nug atte. “Da, ge da, da oo mak madattem. Danab am keeke gai-iitta, oh mauhtteb amunu, aɗinu ag danabnu baɗadtteb? Ao, aɗinu ag danab bekkalkad, ag gikkiɗah bia paha nauhtteb ele amu, aɗinu ag ag baɗadtteb?

အခန်းကိုကြည့်ပါ။ ကော်ပီ




Aisaia 51:12
37 ပူးပေါင်းရင်းမြစ်များ  

Ban daup ikki nug nai ana male amu, aakku Yawenu engel nug Elaiya amegppa aum. “Na danab amu ele gokkulahnu aib baɗame. Na ahappe, Nug ele ukkeɗ!” awa aum. Aakku Elaiya ahe, aa king gumidya gopiɗ.


Yawe Nug da ele daattep amunu, da ii baɗapa. Ao, ⌊Yawe Nug ag ii paɗatteb hekkulag dayeb amu⌋, danab ag dahilppa aɗi eheɗ laa hekkulagnu elele daaglag? Laa iitta.


Ag mauhna, ag eɗun gappud metteb. Ao, ag mauhtteb haen amuppa, ag keeke oh hekkulagnu maittak aoppig amu ukka, iitta mette.


Dabmak ag ii dootteb ele amu inam. Nau hak danab ag gikkiɗah enanag bette, amubia betteb. Yo, danab ah ag nau hetteb ele, ag enanag anam betteb. Amge ag padal mena autna aoglag.


Danab kuɗum ag gumak danab nug ii helo bia me, nug ehanadkkunu hetteb; amge nai doya mala hettoɗia epeɗia elele mettak kobolnu amu, danab ah ag amu Yawe, nuhigppanu aotteb.


Genab, Padal ii maknu ehanittak oh da aomi amu, Kayak Nug ehanittak amu oh diig daatte; da nuhignu oolppa genab doye, da geha ii baɗapa. Aɗinu? Yawe, ao Yawe, Nug am ɠagattag dahil. Nug uɗat ena hette, diig amunu da gamag ahak ahi edattem; Nugib dahil Padal ii maknu ehanittak daye, da padal ii memi.” Ag laib laib geha anam ahi ettaglag.


Danab oh ag wanppa haen elab ii daatteb, ag haen tutuib daan mauhtteb, ag danabib daatteb amunu, ag danab laanu, nug ag ehanadkkunu aib oolagppa genab dooppig.


Ag ahilag Kayak, Nug atte. “Ag dahilad danab ah oo mak matteg! Ao, ag ɠagattag qatteg!


⌊Ag hipunin henana, padal mekkulagnu elele,⌋ amge da, da Yawe, da diilnu dabmak anuqak awewe, da ahilag hipunin uhuqen madattem. Da ahilag hipunin uhuqen matten, da daul atie, baula dab-ii-mettem.


Yawe Nug danab ah nuhikkud oo mak madatte, Nug nuhikkud danab ah bu okkai aoppig dilagnu oo bodoetta le mak dootte amunu, ag hab daup, ag oo gamag ahak doon, baalag okkaippa eig! Yawe Nug anam hette amunu, danab ag oo gamag ahak dootteb, amubia keeke oh wanppa daatteb, ag oolag gamag ahaɗ! Nug anam hette amunu, danab ag oo gamag ahak doon, ahi ettaladtteb, amubia ag qauko, ag oo gamag ahak doon ahan, ahi etteg!


⌊Yawe Nug Abrahamnu anam heum⌋ amunu, genab Nug heeb, danab ag Sion eɗun bappaidppeg, ag Juda ag oolag mekku. Yo, Nug Sion nauhom antta heeb, danab ag Sion bappaidkkulag. Nug heeb, Juda wanppa aben laala atu taɗak beppig daatteb amu, aben amuam Iden dayom bia daaglag. Ao, Nug heeb, Juda wanppa aben wan meu waknu nakokib elele amu, ag am Yawenu dad bia daaglag. Danab ah ag Sion appa, Juda wanppa ele daaglag amu, ag oolag gamag ahebeb, ag, Yawe amegppa, “Ena hen mekkame,” doon anan, ahi ettaglag.


O Juda danab ah, ag aab nauhak daatte bia daatteb amu, Yawe Nug oo mak ag madakku. Ao, Yawe Nug ag laa eppelagppa dayaknu qagaiettakppanu eɗua uhuqak ha madakku. Anam amunu, ag laippun ahan, gamag ahaknu ele ahi ettalatteg!


Amu ag auntai laa eheɗ baɗidppig amunu, ag da dimeɗan, dahilnu daulag atie, ag dahilnu dabmak ele ii aoppig? Ag eheɗ heegeg, haen elabnab uɗie, da bu ag paha ii mattami amunutai, ag bu mettak dahilnu ag ii baɗatteb?


Ag Juda danab ah amu, geha nid anig nug nuhig nid bekkitta, dabmedatte bia, da Yawe, da anamnab aakku ag dabmadakkul. Da anam aakku dabmatte bekkadppippi, ag Juda danab ah, ag oo mak aoglag,” awa atte.


“Haen danab ah imu ag, ‘Danab ah laa umu ag eheɗ hekkulagnu nai qagappig,’ aon atteb amu, na paha aib nai amunu genab doome. Amu haen danab ah ag nai amunu baɗan oitteb amu, na amunu aib baɗan oime. Ao, na amunu baɗak okkai aib aome!” awa aum.


Jeremaia nug Sedekaia amegppa anam a, King Sedekaia nug eɗua nug amegppa aum. “Amge Juda laala ag akka ag gona, ag beɗulag Babilon eppelagppa meppig daatteb amu, Babilon ag da ag eppelagppa meiɗkkulag dayeb, ag da eheɗ heiɗkkulagnu baɗattem,” awa aum


Ag Isip gokkulagnu diig am, ag Babilon dilag king aɗi ag ahilagnu aɗi hekkulagnu dabmenan baɗappig. Aɗinu ag anam dabmeppig? Babilon dilag king nug Ahikam bekka Gedalaia nug Juda wannu gawana daakkunu tituane, Netania bekka Ismael nug Gedalaia qe mauhom, am diig amunu ag Babilon dilag king nug aɗi hekkunu baɗan, ag oolna Isip wanppa gokkulagnu goppig.


Amu danab bekka, nahipnu amu, na ahilagnu aib baɗame. Ahilag nainu ele aib baɗame. Danab nug aben laappa, appa uud keeke qaun ele, nug amu ooppa dayaya, laih ukkeb, qaun yaama, o laih ukkeb, qaun yaamanu baɗatte, o danab nug apiap oittebppa daatte, nug laa beɗu aɗamanu baɗatte amu, na amubia daakkut, amge diig amunu na aib baɗame. Israel danab ah ag aɗi nai nahipnu mattiglag amu, na nai amunu aib baɗame. Ag attem heidkkulagnu hekkulag amu, na ahilagnu baɗak eheɗ nau aib doome. Aɗinu? Ag am nai tappe nak danab ah daatteb, ⌊amge da na atognoidkkul⌋.


Laa ag beɗulag aakkuib qekkulagnu elele, ag dottolag qekkulagnu elele iitta amu, ag amu dilag aib baɗappig. Iitta. Laa nug beɗulag, dottolag ele oh heeb, padal mak abenppa padal mekkulahnu elele amu, ag nuhignu baɗeg!


Da ag nid laa, nug anig mameg ele mauhpiɗ, nukkanab daatte, da amubia ii uuadpa. Iitta. Da gumatte uɗikkul.


Aria, amu dimppa amu, laih Juda appa, Galili appa amu Samaria ele, aben amu ohppa haen amuppa Kristen tamaniakppa maɗoɗ dayom. Kayak Ouɗi danab ah amu ehanatta ag oolag ɠagattag qe, ag Naɗinu ebehilag oh bodoetta le meeme, danab ah kuɗum ag Kristen tamaniak ooppa noppig.


Kayak naippa nai amunu inam daatte. “Danab oh ag gikkiɗah bia daatteb, binag amahlak oppiaawak ele ahilkad am bala haɗag bia daatte. Gikkiɗah qaɗaiedatte, haɗag oh mauɗna, nena qetteb,


Samuel anam a, amu Saul nug aum. “Genab, da hipunin hemi. Aɗinu? Da Yawenu haknunab anak, amu na oɗen ele dim ii lamidmi. Da dahilad daup baɗadmi amunu, da ahilag nai dim lamidmi,


Goliat nug anam e, Saul amu Israel ban danab laa ele ag doyeg, ag oolag uug nau qe, ag eheɗ nau baɗappig.


Dawit nug Akis baɗittom amunu, haen nug Akis, nuhikkud ehanittak ele gukkuattak dayom amu, nug nuhig oiyak kobol laappa oiyom. Nug ag oolagppa dayaya, kaaka laa bia heum. Nug anam ha, nug aabnu od okkai, nug amuppa kaaka nai ya, amu nug waɗu he na, akkaɗippa dayom.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ