Aisaia 50:9 - Nobonob Baibel

⁹ Naɗi Yawe Nug hettoɗiakppa nai ena dahilnu atte amunu, aun laa nai nauppa da yaaiɗkku? Laa ag anam hekkulagnu hekkulag dayeb amu, ag am lamen alag ma ukka nauhtte bia hekkulag. Ao, ag am lamen alag laa dittuɗ lappig, amubia daaglag.

Aisaia 50:9 ပူးပေါင်းရင်းမြစ်များ

Job 13:19

Aun laa nug da naippa yaaiɗkkunu elele? Laal iitta, amge laa anam hekkunu daalo amu, da oɗel qamuten mauhlom.

Job 13:28

Da am ad keeke beɗom daatte bia daattem; da lamen gawat heeg nauhom daatte amu, da amubia daattem.

Sam 102:26

Na hatame, amge aa iitta mekkulah. Ao, aa am iitta mekkulah, amge na amu hanhan daakkutib. Ge, aa geha lamen alag mette bia, alag meya, iitta mekkulah. Na geha danab nug lamen baolitte, amubia na hab wan ele baoliatppe, laa daaglah. Gemu daattep amu, aa iitta mekkulah.

Sam 39:11

Ig danab ah, ig hipunin heutut, na ig toligna, bu megattem. Dittuɗ laa lamen etaɗe nauhtte bia, na danab dilag en hee nauhtte. Ulah, danab noobppa eeɗtte ele, am keeke ɠagattag iitta. Ig ele anamib daattem. Sila.

Sam 54:6

O Yawe, na am ena amunu, da na noomppa ɗo hamu mettaknu ofa hekkul. Da na binan mekkul.

Aisaia 41:10

Da ag ele daattem amunu, ag aib baɗappig. Ao, da ahilag Kayak daattem amunu, ag oolag uug nau aib qeum. Da ɠagattag aqatten ehanadkkul. Ao, da hanhan genab tutukku kobol dim lamitten heinne, da eppel naɗiap-ppa ag nena qemananu aɗualadppi, ag ɠagattag aon daaglag.

Aisaia 54:17

Da amu oh hettem amunu, da ele heppi, daup ag bannu keeke aɗinab aɗan, ag Israel ele ban hekkulagnu amu, kekeɗ amu ag ag Israel ii eɗadmana. Amu danab ah ag Israel, ahilagnu aɗi hambuppuak nai eheɗ akkulag amu, ag Israel, ag nai amu tabappeg nekku. Ag danab ah, ag da, Yawe, ag dahilad maɗi nid maɗi ah ele daatteb amu, dahil ehanittak amuam ag aulag bia daakkunu madattem. Ao, ag da, Yawe, ag dahilad maɗi nid maɗi ah ele daatteb amu, ehanittak da ag madattem amu, amuppa da hei, tutukku hak ahilag aakku miag atitte.” Yawe Nug anam atte.

Jems 5:2

Ag enulag oh am beɗatteb. Amu dittuɗ ag ahilkad lamen ele oh am heeg nauhtteb.