Aisaia 50:3 - Nobonob Baibel

³ Da hei, hab hinqak daatte. Ao, da hei, hab lamen teppu eleppa tonak bia daatte ⌊amunu, da ag ehanadkkulnu elele⌋.” Yawe Nug anam atte.

Aisaia 50:3 ပူးပေါင်းရင်းမြစ်များ

Eksodas 10:21

Paro nug anam he, dimppa amu Yawe Nug Moses amegppa inam aum. “Gatatu teppu naunab ele Isip tonakkunu amu, na eppen humappe, attan taɗ! Gatatu amuam diig laa; gatatu teppu ele amuam, keeke laa danab nug eppegppa aɗatte, amubia,” awa aum.

Aisaia 13:10

Amu deɗ amuppa habppan hoɗopai ag amahlak ahilag ii wan mettamna. Am genab, habppa hoɗopai huu mak daatteb, ag amahlak ahilag wan ii mettamna. Aam bau bette am amahlak nuhig wan iinab mettama; kalam nuhig amahlak ele wan ii mettama.

Aisaia 8:22

ag ele neegppeg, honap wanppa gokku, amge geha ag keeke ena laa ii anidmana. Iitta! Geha ag uug nau, uug amunu haen nau ele anidnana, amuib ag aben ohppa gatatu ele anidkkulag. Uug nau amuib aben oh gatatu ele tona dayebeb anidna, baɗaglag. Geha ag uug amu, haen nau amu ele uun, oolna laih gokkulagnu am, ahilagnu ib laa iitta; ⌊laa nug⌋ heeb, ag gatatu nauppaib wana daaglag.

Jeremaia 4:28

Da dahilad danab ah bu anam madakkulnu ain malami; da nai dahil ii baolipa. Ao, da maittak amu awen malami. Da dabmak dahil ii eɗupa, amunu bu amu anam daakku. Anam dayebeb, wanppa danab ah ag mahiak okkai hekkulag. Habppa gatatu manak daakku.

Matyu 27:45

Aria, aam ameg 12ppa gatatu na, wan amu oh tone ukke, tueb aam ameg ewamppa batom.

Revelesen 6:12

Kayak Nug anam he amu, Sipsip Nag Nug buk itoɗiakppa qataqak ebqak 6 tolele anidmi. Tole, mim okkai wanppa neum. Aam gatatu mane, wan gatatu manom. Gatatu mane amu kalam nug kokoɗ, tiig bia, dayom.