Aisaia 5:8 - Nobonob Baibel

⁸ O gadonnab gadon, ag danab ag lag kuɗum, wan kuɗum ele aonna, ahilagnu qagmetteb. Ag anam hetteb, amu geha ag wan oh aoppeg, danab laa ag daaglagnu aben laa ii daama. Ag akka, ⌊Kayak anamnu ii aum bia,⌋ agib appa daaglag.

Aisaia 5:8 ပူးပေါင်းရင်းမြစ်များ

Job 15:28

amge nug aab laala hatteg nauhppig, nug amuppa daakku. Ao, nug lag laala, danab ah ii daattebppa, nug aguppa daakku; nug lag nauhkkulagnu hettebppa daakku.

Job 20:21

Nug eɗua daɗek dayaya, ee lakkunu laa ii anidma. Ao, nug keekenu elele ii daama.

Prowerb 15:27

Danab nug baubau awaknu hik qak dootte amu, nug uug he, baekkudppa dilagppa ele bette; amge danab nug lokkumakppa eheɗ haknu ehanittak awaknu o mettaknu, nug amunu nau ninig ele dootte amu, nug bau daakku.

Esekiel 11:15

“Danab bekka, na awanad amapad, ge, na awanad amapad, na ag ele tiilag laippu, amu Israel danab ah laa ele, ag oh Babilon wanppa diia ukka laih me dayak danab ah daatteb amu, Jerusalem danab ah ag ahilag ohnu inam atteb. ‘Yawe Nug he, ag umanab gona daatteb, ag Yawe guguittak ii daatteb. Yawe Nug wan imu ihinig daakkunu mekkom,’ aon atteb.

Esekiel 33:24

“Danab bekka, kekeɗ ag Israel wan heeg nauhom amu, Israel danab ah appa daatteb ele ag inam atteb. ‘Abraham nug danab laippuib, amge Kayak wan imu mette, nug wan imu oh awom, amge ig am kuɗum amunu, genab Kayak he, ig wan imu ihinig daakkunu aomut daattem,’ aon atteb.

Amos 1:13

Yawe Nug inam atte. “Amon danab ag hipunin kuɗum heppig amunu, da ool nauhtte. Da ool nauhtte amunu, da ag bu madakkul. Da oppoɗi bak dahil heppi, iitta ii mema. Hipunin laa ag heppig am, ag wan tuɗidna aoglagnu ag Gileatnu ah oolkad ele qep elabppa oolkad oppatattegeg nauhppig.

Maika 2:1

Danab ag hipunin hekkulagnu maittak aotteb, ahilagnu am gadonnab gadon. Ao, ag abenppa niina, ag eheɗ hekkulagnu dabmakppa ib maditteb, ahilagnu am gadonnab gadon. Ag keeke hekkulagnu ɠagattag ele amunu, ag tuqan eheɗ hekkulagnu dabmenana, wagɗe buttua ag ahan, eheɗ amu hetteb.

Maika 2:2

Danab amu, ag laa dilag wan amelag qe aolobnab dabmak eheɗ aon, ag wagai menan aotteb. Ao, danab amu, ag laanu lag amelag qe, wagai menan aotteb. Ag hambuppuak kobol, ib eheɗ amuppa danab laanu lag hamu aotteb. Ao, ag lailkad dilag aulkad, ag keeke amu ib eheɗppaib hamu aotteb.

Habakuk 2:6

Nug anam haaha daatte, amge da, Yawe, da heppi, wan atu ohppan danab ah ag nuhignu, ‘Keeke hamunab,’ iite doon, nug aon aon qettaglag? Ag nug aon aon qettan, inam akkulag. ‘Laa nug wagai ma, danab ah dilag keeke yab awa, qagmette ele, nuhignu am gadonnab gadon. Ao, laa nug keeke lokkumakppa awaknu duttuna hak kobol dim lamitta, en kuɗum aotte amu, nuhignu am gadonnab gadon. Nug amu tuɗitta ii hema,’ aon akkulag.

Matyu 23:13

O gadonnab gadon, ag ɗo gumak danab-Parasia amu ɗo mehuqak danab ele. Ag hambuppuak danab. Ag dabmeig! Ag Kayaknu ɗo maɗoɗnu od danab ah amelagppa maitteb. Ag akka amu ag amuppa ii notteb. Am danab ah ag amuppa nokkulagnu hetteb amu, ag ippulag oo netteb.