Aisaia 5:5 - Nobonob Baibel

⁵ ⌊Iitta! Da amu oh elele hemi⌋ amunu, gemu da muɗi grep dad dahilppa keeke laa hekkulnu dabmemi amu, da ag amelagppa akkul. Gemu da dadnu aɗ keeke qaun ele eppak amu oadppi ukkeb, muɗi grep dad dahil am, doɗ ag wana, ee lanan daaglagnu aben daakku. Ao, da dadnu men aɗ aoɗppi neeb, doɗ ag dad ooppa nona, tappanna, ⌊ee lanan daaglag⌋,” awa aum.

Aisaia 5:5 ပူးပေါင်းရင်းမြစ်များ

Genesis 11:4

Anam daye amu, ag appig. “Ahappeg, ig ihinig aab okkai hetu! Aab ooppa ig lag attan ta ukkak hepput, koɗokko ta, hab yaɗ! Ig anam heta, ig oninig humapput, attan tekku. Ig matatuta, laih laih ii gomata. Ig iguppaib daagnig,” aon appig.

Genesis 11:7

Am anam daatte amunu, ig nota hepput, ag nai laippu ii mattinna, dimppa ag akka akka nai ahilag ii doomna,” awa aum.

Nehemaia 2:3

Da baɗami, amge da king amegppa ami. “O king, na hanhan bau daakkutnu ool daatte. Amge da alai aɗi dakkeɗalag, da mamelad aɗi ag aguppa daan oin mauheg boumadppig amu, kekeɗ ag aab okkai amu heeg nauhe, ag aab amu aɗnu od ele aab aɗuppa manatteg eoppig. Ag anam heppig, amu da oolppa uug okkai doottem,” awe ami.

Sam 89:40

Na gilil nug talilittak daappig loppaɗe neum. Ao, na ban haknu aben ɠagattag oh, nug aguppa ena daakkunu daappig amu, na aben ɠagattag amu oh loppaɗe, nena qena nauhakib daatteb.

Sam 89:41

Laa oh ag uɗitteb, ag nuhigppa yab hetteb. Ao, nuhig mudippan laippu ag nuhignu, “Keeke hamunab,” dootteb.

Prowerb 24:31

Da dad amu eɗitten ugekke, uud keeke qaun ele aben ohppa bak daaegeg anidmi; wan amu ohppa uɗ bak dayom; amu men aɗ am loppaɗa, na qak dayeye anidmi.

Eklisiastis 3:3

Danab aqeb mauhkkulagnu haen daatte; danab ehanatteb, eɗun ena daaglagnu haen ele daatte. Danab keeke loppaɗkkulagnu haen daatte; danab ag keeke buuglagnu haen ele daatte.

Aisaia 10:6

Anam amu, da Kayak, da heppi, Asiria danab, ag danab ah laa, danab ah amu ag dahilnu, dahil haknu ele uuak dootteb, ⌊am Israel danab ah aakku,⌋ da ag danab ah dahil amu bu mattaglagnu ahilag wanppa gokkulagnu gokkulag. Ao, da, Kayak, da Asiria ag danab ah amu ag oo nauhak da meɗatteb, ⌊am Israel danab ah aakku,⌋ da ag danab ah dahil amu dahil bu aoglagnu heppi, ag ahilagppa gokkulag. Da Asiria ag banelag gona, Israel dilag keeke, ahilag en ele aoglagnu heppi gokkulag. Yo, da Asiria ag gona, Israel eheɗ hattan, tappaladppeg noppeg, oɗoɗadna autna aoglagnu heppi gokkulag.

Aisaia 25:10

⌊Aɗinu ag anam akkulag?⌋ Yawe Nug geha Sion qauko anam ena atognokku, amge Moap aɗi, ag eheɗ naunab aoglag. Makau ag gikkiɗah qaɗaiettak tappan oinna biieg, gikkiɗah biiak ele kaboliak daatteb, kekeɗ ag Moap dilagnu amubia hekkulag.

Aisaia 28:18

Ag Mauhak ele nug tituanna nai qagappig daatte amu, da nai amu heppi nauhkku. Ao, ag mamak aben ele nai mattin, nug tituanna nai qagappig amu, da heppi, nai amuam na qekku amunu uug nau, okkai amu uɗieb, ag nauhna autnanab aoglag.

Aisaia 28:3

Israel danab ag spak mena, Samaria onig attannab human, laa oh eɗattak anambia dootteb, amge kekeɗ ag uɗin eheɗ tappan oɗoɗppeg, nug nauha niia, padal mekku.

Aisaia 32:10

Ag gemu ag uug laa ii dootteb, ag, “Ig eheɗ laa ii anidmata,” dabmena, anam dootteb, amge haen elab iitta, maɗ laippu maha nakoknab laa ele uueb amu, ag ottaikkulag. Aɗinu? Haen amuppa ag grep meu nakok laa iinab anidmana. Ao, ad oh meu ii omana.

Jeremaia 18:11

Anam amunu, Jeremaia, na danab ah Jerusalem daatteb, Juda danab ah laa oh ele inam amelagppa appe doyeg! ‘Yawe Nug inam atte. Antteg! Da uug naunab ahilagppa bekkunu babaittette daattem, da ag nau aoglagnu ib aakku ooɗttem amunu, ag anen anen ag nau tuɗidna hemananu ag oolag eɗueb, ag ahilag kobol, ahilag hak ele tutukku dayaɗ!’

Jeremaia 21:4

‘Yawe, Israel dilag Kayak, Nug atte. “Ag Juda, ag gemu Babilon ele ban hetteb. Ag aab okkaippa daatteb. Babilon ag aab dimittim ag oo mattan aqadkkulagnu maadna daatteb. Ag Israel ag ban hekkulagnu lat, lat doɗo, ban haknu keeke laala ele eppelagppa daatteb, amge da heppi, ⌊Babilon dilag daup ag keeke amu ag eppelagppanu aɗualadna,⌋ ag amuppa ag Juda aqaglag. Amu da heppi, Babilon dilag daup ag aab okkai imu ooppa uɗiglag.

Jeremaia 28:8

Anukkanunab haen uɗiak, aria na anin, amu da anil ele ii menuitpiɗ, haen amu ohppa ele propet ag dimppa aɗi bekkunu nai madippig. Ag geha ban daakku, haen naunab daakku, amu oɗe nau danab kuɗum aqe mauhtteb, ag keeke ewam amu oh wan atu kuɗumppa bekkulagnu, amu ɗo maɗoɗ ɠagattag, amuppa ele bekkulagnu madippig.

Jeremaia 45:4

Nai amunu amu, Yawe Nug aum. “Jeremaia, na nug amegppa imu ele appe doyaɗ! ‘Yawe Nug inam atte. “Da danab nug keeke babaitta, eɗua loppaɗtte, amubia da heppi, keeke da Juda wanppa bappaidmi ele am nauhakib daakku. Da danab nug keeke eppe be, eɗua hiɗatte, amubia da wan imuppa aɗi aɗi eppaladmi amu, da hiɗakkul.

Gayak Nai 1:15

Naɗi Nug ig Juda, ihinig daup ɠagattagnab dimattom. Ao, Nug daup laa ag ig Juda, ihinkad nid bau maduduɗadkkulagnu onilagppa eum. Naɗi Nug danab grep meu tappa leppu awaknu abenppa grep meu baegppa tappe, meu nauhtte, amubia Nug he, Juda danab ah ag nauhadppig daatteb.

Gayak Nai 2:6

⌊Kekeɗ ag⌋ dad heeg nauhtte, amubia Nug he, Nug laug nauhaknab daatte. Ao, Nug he, danab ah Nug noobppa qagmekkulagnu lag, lag amuam nauhom daatte. Yawe Nug he, Juda danab ah ag Sion tena, hobul dayaknu haen epeɗiak, Sabat ele dabmekkulagnu amu, ag amu hekkulagnu elele iitta. ⌊Juda danab ah ag hipunin heppig amunu,⌋ Yawe oo nauhak huanaknab doya; Nug king, mana mettak danab ele geɗattom.

Gayak Nai 4:12

Wan imuppan wan laa oh dilag king, danab ah ele, ag kekeɗ ag Jerusalem ⌊eɗadna, aab amu aoglagnu⌋ ooppa nokkulagnu elele daaglagnu oolagppa genab ii dooppig.

Daniel 8:13

Aria, da Daniel, da tuleglegppa amu antten, da laa Kayaknu oppiaawak ele daatte, nug nai mattieye, laa, nug ele Kayaknu oppiaawak ele, nug nug amegppa nai laa aum am, da ahilah nai doomi. Nug oɗ metta inam aum. “Tulegleg danab imu anidtte ele, nug tuleglegppa keeke digdig anidtte. Amu keeke amu oh ba malakku; amu haen gane laa ele ukkeb, keeke amu oh ba malakku? Tuleglegppa nug inam anidtte. Qeqeɗi amu nug heeb, deɗ oh Kayaknu mana mettak ii hemana, nug tappe nak nau heeb, nauhak okkainab daakku, nug heeb, Kayaknu mettid lag am nug eppegppa dayaya, keeke hamu bia daakku, amu nug Kayaknu daup eɗatta, heeb nauhkkulag,” awa aum.

Hosea 2:12

Nug laa ag nug ele niippig, ag nug nob mettanna, grep dad, ad fignu dad ele medappignu aum, amu diig amunu da geha nuhig grep dad, ad fignu dad ele heppi nauhkkulag. Ao, da geha heppi, muɗi qaun ele huananab teguadkkulag, doɗ dakkuɗ aakkuib ag meulkad lakkulag.

Hosea 2:14

Yawe Nug anam mattia, Nug tuɗitta aum. “Anam amge, da geha kobol enappa nug eɗue aokkul. Geha da nug omale ukken, atu taɗakppa nai bodoettakppa, elelenab nug amegppa nai madikkul.

Luk 21:24

Geha laala ag qep elabppa mauhkkulag, am laala, ahilkad kekeɗ ag ag diin gona, wan laa ohnu oolagppa maadppeg daaglag. Amu iitta aɗi ag uɗin, Jerusalem aon daana, uug medappeg ukkeb ukkeb, ahilag haen Kayak tituanom ele maleb malakku.

Revelesen 11:2

Amge na Kayaknu mettid lagnu haɗap, iitta aɗi ag aguppa oitteb amu, na haɗap amuppa melemel aib meme. Haɗap amuam melemel maknu dimittim dayaɗ! Aɗinu? Kayak Nug haɗap amu iitta aɗi ag amuppa daaglagnu otiom. Amu iitta aɗi ag Jerusalem, aab okkai amuam Kayaknu amu, ag aab amu kalam 42 eheɗ naunab hettaglag.