Aisaia 5:16 - Nobonob Baibel

¹⁶ ⌊Ag anam aakku daaglag⌋, amge Yawe Nukka Ɠagattag Oh Ele, Nug geha nai doya mala hettoɗia epeɗia elele mettak kobol nuhigppanu binag okkai aokku. Ao, Kayak Oppiaawak Ele, Nug genab tutukku hak kobolib dim lamidtte, Nug kobol amuppa heeb, danab ah ag nuhig oppiaawak dayak anidkkulag.

Aisaia 5:16 ပူးပေါင်းရင်းမြစ်များ

1 Stori 29:11

O Yawe, habppanu keeke oh, wanppan keeke oh ele am nahipadib daatteb amunu, na onin, ɠagattag ele. Na ebehin ele, na binag amahlak oppiaawak ele. Na dagom onig ɠagattag ele. Na ɠagattag okkai naɗi ele daattem. Gumak uɗat oh am nahipib, na laa oh eɗattak, oh ikkilag daattem.

Sam 21:13

O Yawe, na danab nahip ɠagattag ippunadkkutnu unuqidttem. Na am ɠagattag okkai ele, amuppa na hak okkai okkai hettem. Amu ig ahi ettatta, hak okkai okkai amu dabmetata, na binan humagnig.

Sam 46:10

Yawe Nug atte. “Danab ah wanppanu, ag toettan daan, ag imu doyeg! Da am Kayak. Da geha wanppan wan anen anen oh dilag king daakkul. Ao, da geha wan ohnu king daakkul.”

Sam 9:16

Yawe Nug hanhan nai doya mala hettoɗia epeɗia elele mettak kobol dim lamidtte amu, danab ah ag amu dootteb, amge nau hak danab ag akka ahilag pelemppa notteb. Ag amu dabmetteg! Sila.

Aisaia 12:4

Haen amuppa ag gamalag aheb, geha ahi inam ettan akkulag. “Ag Yawe onig attan humeg! Ag Nug unuqitteg! Ag danab ah wan ohppa amelagppa keeke ena oh Nug heumnu appeg doyeg! Nug laa oh eɗattak, attannab daatte amu, ag danab ah oh amelagppa aig!

Aisaia 2:11

Amu Yawe Nug anam uɗia, Nug beɗuppa tak danab oh onilag qeeb nekku. Nug heeb, dada danab ag nena qekkulag. Yawe Nugib haen amuppa onig okkai, binag ele daakku.

Aisaia 2:17

Am haen amuppa Yawe Nug beɗuppa tak danab tabatteb nona, uɗalag nekku. Ao, haen amuppa Yawe Nug dada danab ah onilag qeeb nekku. Nigul oh danab ag binalag metteb amu, ag oh iitta mekkulag. Yawe Nugib haen amuppa onig okkai, binag ele daakku.

Aisaia 2:9

Danab ag dottolkad amu noolagppa dup nona binag metteb. Ge! Danab ag nigul amu noolagppa dup nona, ikkilag wan yaatte. ⌊O Yawe, nahipad danab ah ag kobol amu ii uunna,⌋ ag na ahilag hipunin uhuqna madakkutnu ib oo netteb.

Aisaia 28:17

Da amu hekkulnu amu da nai doya mala hettoɗia epeɗia elele mettak kobolib dim lamidkkul. Ao, da genab tutukku hak kobol dim lamitten hekkul. Ag kayak hambuppuak dilagnu, ‘Ag am padal mak eɗitteb ena dayaknu ehanittak ihinig daatteb’ atteb, amge gu, ulah huana ele uɗiya heeh, keeke nauhtte, amubia dabmak hambuppuak amuam iitta mekku. Ao, ag kayak hambuppuak dilagnu, ‘Ag am ihinig lokkumak aben daatteb’ atteb, amge le ui naɗi keeke oh ihe gotte bia, dabmak hambuppuak amuam nauhkku.

Aisaia 29:23

Aɗinu? Da heppi, Jakop buɗub ag huana apatppeg, nid ahilkad kuɗumnab daappeg, ag amu anidna, haen amuppa amu, ag da onil oppiaawak ele dabmenana, ag dahil nai dim lamidkkulag. Ag da, da am Jakop buɗub dilag Kayak Oppiaawak Ele amu, ag da oppiaawak daattem doon autna aon, anan oiglag. Ao, ag da noolppa, da am Israel dilag Kayak amu, ag da noolppa ebehilag oh bodoetta le meebeb oiglag.

Aisaia 30:18

Diig amunu amu, ⌊Ag oolag eɗueb,⌋ Yawe Nug oo bodoette enanag maɗoɗ ele hak kobol dim lamittatta, amuppa ag ehanadkkunu oo huan daatte. Ao, Nug ⌊ag oolag eɗueb,⌋ Nug ahilagnu oo bodoetta le mekkunu babaittak daatte. Aɗinu? Yawe Nug am Kayak haen oh nai doya mala hettoɗia epeɗia elele mettak kobol dim lamidtte. Amu aun aɗi ag Yawe ameg metteb ele amu, ag am itittak ena aoppig daatteb.

Aisaia 33:10

Yawe Nug atte. “Gemu da ahakkul. Ao, da gemu kobol okkai heppi, danab ah ag da onil okkai meɗaglag. Ge, da uɗat okkai heppi, ag da binal okkai meɗaglag.

Aisaia 33:5

Yawe Nug laa oh dilagnu eɗattak daatte. Aɗinu? Nug hab aabppa dayaya, Nug heeb, nai doya mala hettoɗia epeɗia elele mettak kobol, genab tutukku hak kobol ele aa Sion appa ambak daaglah.

Aisaia 57:15

Aɗinu? Yawe, Nug attannab dayaya, keeke laa ohnab eɗadtte, Nug hanhan daatte, nug onig am oppiaawak ele amu, Nug atte. “Da aben attan, aben oppiaawak ele, da amuppa daattem, amge da danab aun laa, nug nukka nuhignu, ‘Da am danab ena, onil okkai ele,’ ii dabmette, nug nukka nug onig qe nette amu, da danab amu ele daattep. Da danab nug nukka nug onig qe nette amu, da nug ooppa ɠagattag qedakkulnu, da anam hettem. Ao, da danab nug nukka nuhignu, ‘Da am danab ena, onil okkai ele,’ ii dabmette amu, da nug nuhig ouɗippa ɠagattag qedakkulnu, da anam hettem.

Aisaia 6:3

Amu engel-serep amu ag oh anen anen, ag laa anen anen ag agakka nug amegppa ag inam aon enana daappig. “Yawe Nukka Ɠagattag Oh Ele, Nug oppiaawak, Nug oppiaawak, Nug oppiaawak. Yawe Nukka Ɠagattag Oh Ele, Nug oppiaawak ele. Nuhig binag amahlak oppiaawak ele am wan oh elele mettom daatte,” aon enan daappig.

Aisaia 61:8

Yawe Nug atte. “⌊Da ahilagnu anam hekkul.⌋ Aɗinu? Da, da Yawe, da nai doya mala hettoɗia epeɗia elele mettak kobolnu ool mauhtte. Ao, am anam, amge, da yab awak, hipunin hak laa ohnu ele amu da eheɗ nau ninig ele doottem. Da ⌊dahilad danab ah ag da tutukku dim lamiɗtteb ele,⌋ da Yawe, da oo metta ii uuak kobol dim lamitten, ag nob ena madakkul. Da nob ena matten heppi, da ag ele ig nug tituana nai qakkak hanhannu hekkunig.

Aisaia 8:13

Amu Yawe Nukka Ɠagattag Oh Ele, na Nugib am oppiaawak ele doye! Na ⌊Nug noobppa eheɗ hemananu, na⌋ nuhignuib baɗak doye! Ao, na nuhignuib ebehin oh bodoetta le maɗ!

Esekiel 20:41

Da hei, gemu ag wanppan wan laalappa daatteb. Ao, da hei, gemu ag wan digdigppa matatun gona daatteb. Amu da ag wan atu amuppanu qagmatten omaladppi, ag uɗin, ahilag wanppa daanna, da danab nug kalu danab ile muttuɗig enanag bette mana, muttuɗig enanag dootte, da ahilagnu muttuɗig ena, amubia doyen, da ag dahiladnab daaglagnu diiadkkul. Da ag diien heppi, danab ah wan atu ohppanu ag da ag Israel oolagppa oppiaawak daattem dooglag.

Esekiel 28:22

anana, ‘Naɗi Yawe Nug inam atte,’ awona, nai imu ele appe doyeg! ‘O Saidon danab ah, da ahilag hak amunu eheɗ doyeye ool ii madattem. Da dahil uɗat ag oolagppa heppi, laa anidna, ag da am binag amahlak oppiaawak ele daattem, ag amu dooglag. Da Saidon danab ah bu matten, da ag oolagppa oppiaawak ele daattem ippunadppi, ag dooglag, da am Yawe.

Esekiel 28:25

Amu da Naɗi Yawe, da inam attem. “Qinob dimppa Israel danab ah ag wan laalappa matatun gona daatteb amu, da ag eɗuen diiatten, ahilag wanppa maadkkul. Da ag oolagppa dayeye, da oppiaawak daattem wanppan wan ohppan danab ah ippunadkkul. Haen amuppa Israel ag wan ahilag, da wan amu dahil maɗi nid Jakop mettami amu, ag aguppa daaglag.

Esekiel 36:23

Ag Israel ag heeg, da onil wan laalappa danab ah dilag neekkakppa hamu bia dayom, gemu ele daatte. Anam amunu da heppi, danab oh ag da onil okkai, oppiaawak daatte dooglag. Ag Israel ag heeg, da onil danab amu dilag neekkakppa nauhak dayom, gemu ele daatte, amge da Yawe, da ag Israel, da ahilagppa da am oppiaawak daattem ippunadppi, wanppan wan ohppan danab ag da oppiaawak daattem anidna, ag dooglag, da am Yawe.’ ” Naɗi Yawe Nug anam atte.

Esekiel 38:16

Ag dahilad danab ele ban hekkulagnu uɗinna, ag lombig wan tonatte bia wan amu tonaglag. O Gog, butti aɗi, haen laa, wanppan wan ohppan danab ag da dahil hak nahip-ppa hekkul, ag amuppa da am Kayak doon, da oppiaawak daattem ele dooglagnu, da heppi, na Israel wan banelag uɗikkut,’ awa atte.” Yawe Nug anam aum.

Esekiel 38:23

Da amu heine, da heppi, danab ah ag da onil ɠagattag ele daattem, da oppiaawak daattem ele anidkkulag. Da heppi, wanppan wan digdig danab ag da dooiɗkkulag. Da keeke amu oh heppi, ag dooglag, da am Yawe.” Yawe Nug anam atte.

Daniel 4:37

Am gemu amu, da Nebukatnesar, da hab attannu King, Kayak, Nug aɗi hette amu, Nug tutukkuib haaha, Nug nai doya mala hettoɗia epeɗia elele mettak kobol ele dim lamitta hette amunu, da Nug binag okkai, onig okkai ele medattem. Laa ag dada danab daan oitteb ele, Nug heeb, ag onilag iitta daaglagnu elele.” Nebukatnesar nug anam aum.

Lewitikas 10:3

Aria, Moses, Aron amegppa aum. “Yawe Nug anukka imunu inam aum. ‘Laa ag da gukkiɗna uɗitteb amu, ag da oppiaawak daattem doon, gumiɗna dokkulagoitte. Am danab ah oh, ag da binal okkai ele daattem doon oiglagoitte’ awa aum.” Moses nug anam a, Aron nug bakkum dayom.

Namba 20:13

Kobol imu Meriba appa beum; appa amu Israel ag Yawenu naittuɗ meeg, Nug am oppiaawak daatte ag ippuanattom.

Rom 2:5

Kayak Nug na oot eɗukkunu oo daatte, amge na nakka na he nahip dabmak am ɠagattag eppak daye, na oot ii eɗutte. Kobol amuppa amu na nakka eheɗ hak nahip-ppa na Kayaknu oppoɗi bak na nidakkunu huana aakku qagmettem. Yo, deɗ laa Kayaknu oppoɗi bak miag atieb, Kayak Nug nuhig kobol tutukkuppa na epeɗitteb amu na geha nob nau aokkut.

1 Pita 1:16

Amuam Kayak naippa, Kayak Nug appa nai laa atte amubia. Nai amuam inam. “Da oppiaawak daattem amunu, ag ele oppiaawak dayeg!”

1 Pita 2:15

Kayak Nug ag danab dabmak tutukku iitta dilag nai, maittak iitta ele, ag nai amu kobol ena ahilagppa qeppeg nekkunu oo daatte.

1 Pita 3:15

Iitta. Ag oolagppa Kristus Nugib am ahilag Naɗi daatte doyeg! Keeke ena ag aoglagnu dabmak aɗan oitteb ele amu, laala ag amunu diignu oɗ madappeg, ag nai nob mekkulagnu bappaidna daaglag,

Revelesen 3:7

Nug anam ana, Nug nai tuɗitta aum. “Na nai da attem imu Piladelpia Kristen tamaniaknu ikki danab, nuhignu inam ye! Nai imu, laa Nug oppiaawak ele, Nug kobol genabnu diig, Nug Dawitnu ki aɗa, Nug od matultte amu, laa nug manakkunu elele iitta, od Nug maitte amu, laa nug matulkkunu elele iitta, nuhigppan uɗitte.

Revelesen 4:8

Hab daup waɗele Kayaknu bauklel aotteb ele, ag oh haulkad eblaih laippu ele, ag haulag qaɗeppa, waappa ele amelkad doɗo kuɗum ele. Ag tuqan amun ele Naɗi binag menana, inam atteb. “Naɗi Kayak Nukka Ɠagattag Oh Ele, Nug oppiaawak, Nug oppiaawak, Nug oppiaawak. Nug gemu daatte, anukka dayom, dimppa uɗikkunu ele daatte.” Amun, tuqan ele ag anam anana daatteb.