Aisaia 5:12 - Nobonob Baibel

¹² Ag hobul hena, hobulppa wain lanana, ag harp, laia, tambarin, amu dumuttum eleppa musik digdignu hetteb. ⌊Ag keeke amu hekkulagnu doon autna aotteb⌋, amge ag Yawe Nug aɗi keeke hette amu, ag amunu dab-ii-metteb. Ao, ag Yawe Nug eppegppa aɗi aɗi hette amu, ag amu iinab anidna dabmetteb.

Aisaia 5:12 ပူးပေါင်းရင်းမြစ်များ

Genesis 31:27

Aɗinu na hambuppuak kobol hena, da amel qakkana, lokkumna da amelppa ii anana uɗime? Na da amelppa alom amu, da tambarin, harp ele dilah musik hakppa, ahiettakppa ele oo gamag ahak ele uuidppi uɗilom.

2 Samuel 19:35

Da maɗ dahil am 80 teum daatte. Da keeke kuɗumnu, atten am enanag, keeke atten am enaib dookkulnu elele iitta. Da, da nahip maɗi nid amu, da ee lainne, da ee o le miti tutukku dookkulnu elelete? Da danab ah ahi edatteb, da ag baalag tutukku ena dookkulnu elelete? O dahil naɗi, dahil king, da na ele oh goɗa daalop amu, da uug okkai na mettalom. Amu da anam helom am ena iitta.

Sam 28:5

Ag Yawe Nug aɗi heumnu dab-ii-metteb. Yo, ag Yawe Nug eppegppa aɗi heum amu, ag dab-ii-metteb. Ag amunu ii dabmetteb amunu, Nug geha lag alag laa bia loppaɗatteb nekkulag. Nug eɗua ii buuma, ag nauhakib nauhkkulag.

Aisaia 22:13

Amge antteg! Ag oo doyak kobol amu ii hemana. Iitta! Ag oo gamag ahak doon, ahi goɗak, hobul ee naɗi hena, sipsip aqan, makau baalag otaɗadnana, henan lanana, ag wain ele lakkulag. Lanana ag akkulag. “Doppeg, haen elab iitta ig mauhkkunig amunu, ig ee le ele aot latu!,” akkulag.

Aisaia 24:8

Ag gamalag ahak muttub qena, tambarinppa musik iinab hemana. Laa ag gamag ahak huanak dootteb ele amu, ahilag muttub qak iinab daama. Harp-ppanu musik gamag ahak ele amu, amu ele iitta mekku.

Aisaia 29:1

⌊Yawe atte.⌋ “Ig alanig Dawit nug anukka aab okkai Jerusalem awa dayom, dahil qaɗab am aguppa daatte, amge ag danab ah ag gemu Jerusalem appa daatteb amu, ahilagnu am gadonnab gadon. Ag maɗ anen anen oh, ag haen oh qagmak gamag ahak ele hetteb, da ag hekkulagnu ami amu, ag amu henan tuɗidna hetteb,

Aisaia 5:19

Laa ag, “Ig nuhig uɗat anidkkunignu Israel dilag Kayak Nug keeke laa ihinignu dabmette ele amu, keeke amu Nug paha haɗ!” atteb amu, ahilagnu am gadonnab gadon. Ao, laa ag, “Ig amu doognignu, Israel dilag Kayak Oppiaawak Ele Nug aɗi keeke hekkunu maittak awom amu, Nug amu heeb baɗ!” aon atteb amu, ahilagnu am gadonnab gadon. ⌊Ag padal mekkulag.⌋

Aisaia 56:12

Ag akka akka nug amegppa mattin atteb. “Ahappeg! Ig gota, wain aotu! Ao, ig gota, bia aot lapput ukkeb, oonig didikku. Ig amu hetata oipput, butti am ele deɗ ena, gemu bia daakku, amge gemu bianab ii daama. Iitta! Buttinu oo gamag ahak am gemunu eɗidkku,” aon atteb.

Esekiel 26:13

Amu da Yawe, da heppi, ag Tair danab ah ag baula muttub qenan, ahi ii ettamna. Ag baula harp-ppa ahi ii qemana.

Daniel 5:23

Na amu helom, amge na ii heme, gemu ele ii hettem. Iitta. Na Naɗi, hab attan daatte, na Nug ele mehqak hekkulahnu hettem. Na he, laa ag nuhig mettid lagppan kap akkan uɗieg, na, nahipad okkai, na waatad, am na waatad amge waatadnab iitta ele ag amuppa wain lanana, ag kayak dottolkad golppa, silwappa, brasppa, aenppa, adppa, menppa hak ele binalag meppig. Kayak dottolkad amu ag keeke laa amelagppa anidkkulagnu iitta, ag daulagppa keeke laa dooglagnu iitta, ag dabmakppa keeke laanu diignu doyak tutukku aoglagnu elele iitta. Na amu heme, amge na Kayak, Nug nahip bau dayak, nahip oiyak ele Nug eppegppa aɗatte amu, na Nug binag ii meme.

Luk 16:19

Jesus Nug ele aum. “Anukka enub danab laa dayom, am nug hanhan beɗuppa lamen perpel, aria linen lamen hakkab eleib mettom. Am nug hanhan ee ena enaib lattom.

1 Korint 14:7

Keeke bau iitta, amge oqotti otte amu, amuam dumuttum o iitta laia keeke, nug oqotti ena digdig ii heeb, danab ag ahi baag attem doolom?

Jut 1:12

Danab nau amu ag hanhan ag danab nai imu aotteb ele, ag ahilag hobul oo mauhak ele, hobul amuppa ag ele qagmena daanna, ee lanana, ag hobul dubuttid medatteb, amge danab amu ag ii baɗatteb. Ag akka agib ehanadkkulagnu hetteb. Danab amu ag am lombig laa, gu ahilagppanu ii nette; ulah iwalatte gotteb, amubia. Ag am ad, meu awak haenppa meu ii otte bia. Ag am ad bunaɗom, danab ag ad diig hiɗappig bia daatteb.

1 Samuel 12:24

Amge ag dabmenan, ag ebehilag oh Yawenu bodoetta le meeb, ag oo metta ii uuak kobol dim lamidna meulag ohppa Nug waappa daan, Nug oɗe dim lamitteg! Ag keeke okkai okkai, Nug ahilagnu heum ele amu, ag keeke amu ele dabmenan oiyeg!