Aisaia 49:4 - Nobonob Baibel

⁴ Amge da ami. “Da uɗat hemi amu, amuppa aɗitai laa ena ii beum. Yo, da uɗat hei, dahil ɠagattag iitta meum, amge uɗat amu oh hamu ukkom. Anam daatte, amge uɗat da hemi, amuppa da nob ena aokkulnu daatte, amuam Yawe eppegppa daatte. Yo, da uɗat hemi, amuppa nob aokkul ele amu, amuam Kayak toppa daatte.”

Aisaia 49:4 ပူးပေါင်းရင်းမြစ်များ

1 King 19:10

Yawe Nug anam oɗ mette, Elaiya nug nob ma aum. “O Yawe Kayak Nakka Ɠagattag Oh Ele, da na oɗen haen oh dim lamidkkulnu yag-nab-bak doyen hettem, amge Israel danab ah ag na hee, na ag ele ag nug tituanna nai qagappig amu, ag nai amu tippalna ii dim lamidtteb. Ag amu henana, ag qaɗab nahip ele loppaɗna, ag nahipad propet laa oh ele qep elabppa aqaeg mauhppig; da dakka iikku daattem, amu gemu ag da ele iuppeg mauhkkulnu mattiɗtteb,” awa aum.

Prowerb 29:26

Danab kuɗum ag gumak danab nug ii helo bia me, nug ehanadkkunu hetteb; amge nai doya mala hettoɗia epeɗia elele mettak kobolnu amu, danab ah ag amu Yawe, nuhigppanu aotteb.

Aisaia 25:1

O Yawe, na dahil Kayak! Da na binan mein, na onin attan humakkul. Aɗinu? Na keeke oh hekkutnu anukka maittak aome amu, na maittak amunu oo metta ii uuak kobol dim lamidnana, aakku heme. Amu, na keeke heme amu, keeke amuam keeke okkainab, danab andatta ottaitte.

Aisaia 35:4

ag danab ah ag baɗan oitteb ele amelagppa inam appeg doyeg! “Ag ɠagattag dayeg! Ag aib baɗappig! Ahilag Kayak Nug ag ehanadkkunu uɗia, kekeɗ ahilkad amu, Nug ag eheɗ heppignu nob tutukku madakku. Nug uɗia, ahilkad kekeɗ nob madatta, bu nau madakku. Nug ag ehanatteb, padal ii memananu uɗikku.” Ag anam aon aig!

Aisaia 40:10

Antteg! Naɗi Yawe Nug aakku uɗitte. Nug am ɠagattag okkai okkai ele. Nug geha nuhig ɠagattag okkai okkai eleppa danab ah gumadkku. Antteg! Nug nob ena nuhikkud danab ah madakkunu awa uɗitte. Nug geha nob ena danab ah anen anen ag aɗi heppig, amu eleleppa madakku.

Aisaia 40:27

O Jakop buɗub, aɗinu ag inam atteb? Ao, ag Israel danab ah, aɗinu ag wagai mena, inam atteb? “Yawe Nug dahil ib ii dootte. Ao, Kayak dahil Nug nai doya mala hettoɗia epeɗia elele mettak kobol ii dim lamitta, da ii ehaniɗtte.” ⌊Ag anam atteb, amge amuppa ag eheɗ hetteb.⌋

Aisaia 57:21

“Ge, nau hak danab, ahilagnu amu, maɗoɗ nakok laa ii daatte.” Dahil Kayak, Nug anam atte.

Aisaia 59:18

Nug nuhig kekeɗ, ag kobol aɗi aɗi heppig amu, Nug amu andatta amunu, bu elele madakku. Nug danab ah ag nuhig kekeɗ daan oitteb ele, Nug amu dilagnu oppoɗi beebeb, bu madakku. Ao, Nug laa ag nuhignu, “Ihinig kekeɗ,” dootteb amu, Nug ahilagnu ag eheɗ heppignu dabmaama, bu madakku. Nug danab ah wan miagnu, wan umanu ele, Nug ag nob atten awaknu daatteb amu, nug anamib madakku.

Aisaia 61:10

Da padal mepanu Yawe Nug ehaniɗom, amuam Nug lamen ena da beɗulppa melo, amubia daatte. Ge! Kayak he, da genab tutukku hak danab daattem, amuam Nug lamen elab enanag da beɗulppa melo, amubia daatte. Nug anam heum amunu, da nuhignu enanagnab doottem. Ge! Da nuhignu oo gamag ahak okkai doottem. Lamen Nug dahilppa meum amu, amuam danab nug ah aokkunu haaha, nug igippa lamen enanag, mana mettak danab mette bia mette amu, lamen dahilppa meum am amubia. Yo, ah nug danab aokkunu haaha, nug bala enanag beɗuppa mette amu, lamen dahilppa meum am amubia.

Aisaia 62:11

Yawe Nug wan atu ohnab danab ah dooglagnu nai imu mattiom. Nug aum. “Ag Juda danab ah amelagppa appeg doyeg! ‘Antteg! Laa nug ag ehanatteb, ag padal ii memananu uɗitte. Ge, antteg! Nug nuhig en okkai nuhikkud danab ah madakkunu awa uɗitte. Am ⌊genab⌋ Nug nuhig keeke enanag, nuhikkud danab ah madakkunu awa uɗitte, ag anam madippeg doyeg!’ ” Yawe Nug anam aum.

Aisaia 65:2

Da amu hein, amu da deɗ oh amun tuqan ele danab ah ag ahilag dabmak ɠagattag eppak daatte, da ag ehanadkkulnu heinne daami. Danab ah amu ag ib eheɗppa oitteb; ag akka ahilag dabmak dim lamidtteb.

Aisaia 65:23

Ag uɗat hamu ii hemana; am meu okku. Ag nid ahilkad uugppa daaglagnu ii menuadmana. Aɗinu? Da Yawe, da itadkkul. Da ag, ag buɗulkad dimppanu ele, da ahilagnu ele anam hekkul.

Esekiel 3:19

Na nug amegppa nau aomanu nai amu ii akkut dayeb am anam, amge na nau hak danab nug nau aomanu nai nug amegppa appe, nug nahip nai ii dookku dayeb, nug nau hak nuhig, eheɗ hak nuhig ele ii uua, tuɗitta hekku dayeb amu, nug hipunin nuhignu mauhkku, amge na am hipunin laa iitta. Na ii mauhmana.

Lewitikas 26:20

Ahilag uɗat oh am hamu; ahilag wan heeb, ee meu ii oma, ad ele meu ii oma.

Matyu 17:17

Nug anam a amu, Jesus Nug oɗeppa awa aum. “Ag oh oolagppa genab doyak iitta. Ag eheɗ haknu ag tiilagppa daatte! Da ag ele haen elab daamut, amge ag dahilnu oolagppa genab ii dootteb amunu, da ool uug ele. Ag haen ganeb ag dahilnu oolagppa genab dooglag? Ag nid omalna dahilppa doig!” awa aum.

Matyu 23:37

O Jerusalem, Jerusalem, na propet aqae mauhtteb, maɗi nid Kayak nahip-ppa maatte uɗitteb ele, na ag ele menppa aqae mauhtteb. Da haen kuɗum na begapad, matuk anig nakkud haugppa qagmaatta tonadtte, amubia qagmaadkkulnu hemi, amge ag uuppig.

Luk 24:26

Nug anam anana, Nug aa amelahppa nai tuɗitta aum. “Propet ag Kristus Nug ⌊hipunin uhuqkkunu,⌋ Nug guittak aokkununab daya awowa, anuqak abenppa daakkunu, ag Kayak oɗe aon, amunu iite yaappig?” awa aum.

Jon 1:11

Nug keeke heumppa na dayom, amge danab ag Nug ɗo ii mettan ii aoppig.

Rom 10:21

Amge Israel dilagnu amu nug aum. “Da amu hein, amu da deɗ oh amun tuqan ele danab ah ag oɗe ii dim lamittak danab ah, ag ahilag dabmak ɠagattag eppak daatte, da ag ehanadkkulnu heinne daami.”

2 Korint 12:15

Aria, da am dahil keeke oh ahilagnu agappi gokkunu uug laa ii doottem. Am dahil bau dayak ele, ag ehanadkkulnu maoppi gokkunu uug ii doottem. Da oo mauhak ahilagnu huanak doottem dayeb, ag amu anidna, ag dahilnu oo mauhak nakokib dooglagte?

2 Korint 2:15

Aɗinu? Danab laa nug ad uɗug muttuɗig enanag ele eɗippa me, muttuɗig otte amubia, ig Kayak noobppa Kristusnu muttuɗig enanag daatta, danab Kayak eɗua diiom, ag padal mekkulagnu ii oitteb, amu danab ag oolagppa genab ii dootteb, padal mekkulagnu oitteb ele amu, ag oh Kristusnu muttuɗig dootteb. Amge ag oh ahilagppa amu, muttuɗig amuam laippu bia ii daatte. Iitta.

Galesia 4:11

Ag anam hetteb amunu, da ahilagnu uɗat okkai hemi ele, da amunu, “Da hamutai kakidmi,” ainne, baɗe daattem.

Hibru 12:2

Amu ig amenig ukkeb, Jesus, Nug am ooppa genab doyaknu diig daatte, Nug ooppa genab doyak ihinig elelenab medakku diig ele amu, ig Nug anidtu! Jesus Nug anukka maɗoɗppan gamag ahak geha dimppa anidkkunu dabmeum amunu, Nug ɠagattag dayaya, ad emaitakppa uug doyaya, guittak awa mauhom. Ad emaitakppa mauhaknu amu uɗa nak ele, amge Nug dimppa maɗoɗppan gamag ahak okkai aokkunu dabmaama, uɗa nak amunu dab-ii-meum; am keeke hamu bia doyom. Nug amu hewowa, Nug hab aabppa, Kayak eppeg naɗiap-ppa heɗep na dayom.