Aisaia 48:5 - Nobonob Baibel

⁵ Anam amunu, da keeke imu bekkunu anukkanab ai dooppig. Ao, keeke imu ag ii beppig haenppa da ai dooppig. Da amu heminu diig am, da anam ii helom, ag, ‘Dahil kayak dottog, nug he beum,’ alob. Ao, da anam ii helom amu, ag, ‘Dahil kayak dottog adppa hoiyak, laa aenppa ele hak amu, aa anam bekkunu aeh, aakku beppig,’ alob.

Aisaia 48:5 ပူးပေါင်းရင်းမြစ်များ

Aisaia 43:19

Antteg! Da keeke bau hettem. Keeke amuam geha iikku bekkun daatte. Ag iite anidtteb? Da atu taɗakppa ib laa madakkul. Ao, da wan meu waknu nakokib elele, da appa le hadappi gokkulag.

Aisaia 44:7

Aun laa da hemi bia laa heum daattete? Anam dayeb amu, nug mattiaɗ! Ao, laa anam heum dayeb amu, aria nug da noolppa dayaya, amunu oh mattieb doyei! Aun aɗi ag anukkanab keeke ii beumnu haenppa mattieg doomut? Aun aɗi ag butti aɗi attem bekku amu madippeg doognig.

Aisaia 44:8

O danab ah dahilad, ag aib ebehilag hahaɗeb baɗappig. Anukka da ⌊aɗi keeke bekkunu dayom amu,⌋ da amunu mattii, ag iite dooppig? Da ag amelagppa amunu iite ami? Ag am dahilad laa aɗi heehe anttomnu mattiak danab ah daatteb. Da aakkuib am Kayak, ahilag ehanittak, daattem. Da laa anam daattenu ii doottem,” awa atte.

Aisaia 45:20

Yawe Nug imu atte. “Ag danab ah wan atu laih laihnu, ag banppa ii mauhppig ele amu, ag qagmena uɗin, da noolppa daanna, ⌊dahil nai doyeg⌋! Aun aɗi ag kayak hambuppuak dottolkad maon oin, binalag metteb ele, ag am dabmak iitta. Ag kayak hambuppuak amu unuqadtteb, amge kayak hambuppuak amu ag ehanadkkulagnu elele iitta.

Aisaia 46:10

Da digmak haenppa keeke laanu gogppa tak haenppa bekku amu hei, miag atitte. Da anukkanab aɗi keeke butti aɗi bekku ai dooppig. Da attem. ‘Da aɗi keeke dabmein attem amu, da hei bette. Da aɗi oh hekkulnu hettem amu, da hekkul.’

Aisaia 48:3

⌊Yawe Nug atte.⌋ “Anukkanab da keeke bekkunu dayom ai dooppig. Ao, tatamnab aɗi keeke bekku amu, da ii beum haenppa ai dooppig. Ge, da ai doyeg, haen do, da laippun hei, aakku beppig.

Aposel 15:18

Anukka Kayak Nug nai amu mattia aum, amu gemu ele Nug anamib atte.