Aisaia 47:1 - Nobonob Baibel

¹ Yawe Nug atte. “Ag Babilon danab ah ag enub danabnab aɗeg, ah makkun, uug nuhigppa be, nug aben enanag nuhig uua, wan qaɗeppa gappudppa heɗep na daatte, amubia ag ahilag aben enanag uun nona, gappudppa dayeg! Genab, ag Babilon danab ah, ag ah makkun laa, mameg am en naɗi okkai ele, nuhigppa uug be, gemu nug sia enanagppa ii daatte, nug noa wanppa hamu daatte, ag amubia wanppa dayeg! Aɗinu? Laa ag tatam ah makkun amu anidna, nuhignu, ‘Nug iɗu tuqaknab, uɗat laa hekkunu iinab daatte,’ appig, amge gemu nug nauhom daatte amunu, ag anam ii atteb, amubia ag Babilon danab ah, ahilagnu ele anamib bekku.

Aisaia 47:1 ပူးပေါင်းရင်းမြစ်များ

Job 2:13

Ag anam hena, ag Job nug guittak naɗi, nau ele doyom anidppig amunu, ag wana, wanppa heɗep nena daanna, ag nai nakok laa ii mattieg ukke, deɗ eblaih aɗit, tuqan eblaih aɗit ele ag anamib bakkum daappig.

Job 2:8

Ihiud nug beɗuppa anam be, Job nug waa aoɗak qatti laa awa, uhuɗppa dayaya, waa qatti amuppa gaɗappa ihi naud ⌊nahig qeeqe⌋ lahaɗom.

Sam 137:8

O Babilon danab ah, ag nauhna autna aoglag. Ag eheɗ nau hegappignu, laa nug amunu bu madakku amu, nug gamag ahaɗ!

Sam 18:27

Amu na laa ag akka, ag onilag qeeg nette ele ehanatte, ag padal ii metteb. Ge, na anam hettem, amge na laa ag dada hena laa eɗadttebnu dabmak aotteb amu, na uɗa nak nau madattem.

Sam 89:44

Nug am king, amu nug king ɠagattag okkai naɗi ele dayom, amge na nug king abenppan awe, nug baula onig amu ele ii daatte. Ao, na nug king daamanu geɗidna autna aome.

Aisaia 13:1

Nai meunab ele Babilon wanppanu Yawe he, Amos bekka Aisaia doyom ele am iikku.

Aisaia 13:13

Amu bekkunu amu, da heppi, geha hab nug uɗalebeb, wan ele uɗalala kekuɗa, aben laappa, nuhig aben iittappa gokku.” Yawe Nug anam awa atte. Yawe Nukka Ɠagattag Oh Ele, Nug oppoɗi beebe, oo nauhak huanaknab ele bette amunu, deɗ amuppa amu oh bekku.

Aisaia 14:1

⌊Yawe Nug geha Babilon heeb nauhkku.⌋ Aɗinu? Yawe Nug Israel danab ah dilagnu oo doya, oo madakku. Nug anukka ag nuhig danab ah daaglagnu Nug tituanattom, anamib geha Nug baula tituanatteb, ag nuhig daaglag. Amu Nug heeb, Israel ag eɗun gona, wan ahilagppanab daaglag. Ag daappeg, wan laihnu danab ag geha uɗin, Israel oolagppa daaglag. Daanna, Jakop buɗub bia bena daaglag.

Aisaia 21:1

Nai meunab ele Babilon wanppanu Yawe he, Aisaia doyom ele am iikku. Wan laa, wan amuam atu taɗak, wan amunu danab ag danab ɠagattagnab, laa ag amu dilagnu baɗak eheɗ nau dootteb ele, amu wan amunu ban danab ag ulah ɠagattag kilibob atteb, Negeb atu taɗakppanu eheɗ uuetta uɗia, atu qette amu, ag amubia uɗin, Babilon heppeg nauhkku.

Aisaia 23:12

Yawe Nug inam aum. “Saidon danab ah, ag baula gamag ahak doon, muttub ii qemana. Ag ah makkun laa, guittak okkai awom bia daatteb. Ag ahan, Saiprus nudppa gokkulagtai, amge ag gona, appa ele, geha ag ena, elele ii daamna. Iitta. Ag maɗoɗ ii anidmana,” awa aum.

Aisaia 26:5

Amu Yawe Nug dada danab ah onilag ele, Nug ag onilag qe nette. Ao, Nug ahilag aab okkai loppaɗe, aab amunu lag, aɗ keeke ele wanppa na qette. Nug he, aab amu nauha auta aotte. Ao, Nug he, aab amu na qa gappudppa daatte.

Aisaia 3:26

Aab Sion na eheɗ gaan, mahiak hekkut. Kekeɗ ag heppeg, danab ah Sion appa iinab daamna. Sion am na qa daakku.

Aisaia 37:22

da Yawe, da Senakeripnu nai uug elenu inam mattimi daatte. “Sion danab ah ag nahipnu ena iinab doon, ag aon aon nittaglag. Na oolna gobeppe, Jerusalem danab ah ag imidkkulag.

Aisaia 52:2

Ag Juda danab ah, ag gappudppan aheg! Ag ahan, ag abenlagppanab dayeg! Ao, ag Juda danab ah, laa ag aɗalatte, ag nug eppegppa daatteb ele amu, ag sen ag baalagppa qakkak daatte uhuqna, qakkak iitta oiyeg!

Jeremaia 13:18

Amu Yawe Nug da, Jeremaia, Nug da Juda dilag king, amu nug anig ele amelahppa inam appi dooglahnu aum. “Aa sia king ahilah uuya, honap neiɗ! Aɗinu? Aa tuɗidya, Juda dilag okkai ii daamya.

Jeremaia 46:11

O gadon, ag Isip danab ah ag eɗun ena daaglagnu ag oɗe danab nug Gileat appa marasin ena aokkunu gotte, ag amubia heig! Ag hekkulag, amge ag ib digdigppa eɗun ena daaglagnu hetteb, danab marasin digdig awe ii ehanidtte, amubia ag eɗun ena ii daamna. Ag danab oɗe nau awa, eɗua ena daakkunu marasin laa iitta, amubia ag eɗun, bau daaglagnu ib laa iitta.

Jeremaia 48:18

Ag danab ah Dibon daatteb, ag binag amahlak oppiaawak ele, ag binag amu uun, ag nena, wan qaɗaiettaknab, amuppa dayeg! Aɗinu? Laa nug Moap heeb nauhkku amu, nug ahilagppa banelag uɗia, nug ban ha, ahilag aab ɠagattag aɗ ele oh heeb nauhkkulag.

Jeremaia 50:1

Yawe Nug Babilon danab ah dilagnu, ahilag wannu ele aɗi bekkunu dayom propet Jeremaia amegppa a doya, laa amelagppa aum amu, nai amuam iikku.

Jeremaia 50:42

Daup amu ag lat, ban ele aɗaglag. Ag laa guittak mettaglagnu uug laa ii doomna. Ag laa dilagnu oo gai-iitta doya oo matta ehanittaknu kobol nakok laa dim ii lamidmana. Ag hos attan daanna oippeppeg, oqotti ahilag am yu heehe, oqotti otte amubia. O Babilon danab ah, ag ag ele ban hena aqaglagnu ag huu men uɗiglagnu bappaidkkulag.

Jeremaia 51:1

Yawe Nug inam atte. “Da heppi, huu laa, ag keeke heeg nauhtte ele, ag ahan, Babilon wan, wan amunu danab ah ele ban hekkulag.

Jeremaia 51:33

Amu Yawe Nukka Ɠagattag Oh Ele, Israel dilag Kayak, Nug inam atte. “Danab ag ee aeg mumuɗkkulagnu ee aeg mumuɗak abenppa mumuɗak uɗat amu baelagppa ee aeg ikkilkad huan tabatteb, amubia kekeɗ ag Babilon dilagppa hekkulag. Ge, danab ag wit keeke oɗuom anidna, ag gona otaɗadna aotteb, kekeɗ ag amubia hekkulagnu haen miag doum daatte,” awa atte.

Jeremaia 51:51

⌊Ag Israel danab ah, ag atteb.⌋ “Wan laihnu danab ag Yawenu mettid lag, amuppa Oo Gun ele, Oo Gunnab Ele, aben amu oh am Yawenu tituanak daattep amu, ag amu ooppa noppig. Ao ag noppig amunu, danab laa ag eheɗ aon aon iqaeg, diig amunu ig uɗa nak nau guittak ele doottem. Uɗa nak ig tonikkom daatte,” aon atteb.

Gayak Nai 2:10

Juda danab dilag ikki danab ag oɗelag qamutna, wanppa hamu daatteb. Ao, ag wan gappud aon, ikkilkadppa paduduɗeg neeg, ag lamen heɗiag ele tagappig daatteb. Jerusalemnu ah makkun ag gatelag qaun ona, gomelna, iɗulag wanppa meppig, ⌊gemu ele uugppa daatteb⌋.

Gayak Nai 2:21

Nid bau, kaino ele ag oh laippu ibnu gappudppa nena qena, mauhadppig niitteb. Juda dilag nid bau, ah makkun ele qep elabppa mauhppig niitteb. O Yawe, na Juda dilag hipuninnu oot nauhe, amu babaittak deɗppa na he, kekeɗ ag aqaeg mauhadppig. Ao, na oo gai-iitta doya oo metta ehanittak kobol ii dabmena he, kekeɗ ag aqaeg mauhadppig.

Gayak Nai 4:5

Laa ag anukka ee ena enaib ladappig amu, ag gemu keeke iitta ele ib giginppa daatteb. Ao, laa ag lamen ena enaib tagattappig amu, gemu ag uhuɗppa daatteb.

Esekiel 26:16

Amu wan amuppan danab okkai ag Tairnu nai doon, haen amuppa ag sia king ahilagppanu ahan, honap nena, ag lamen enanag uɗona, ag lamen elab kobol kobol koitak ele tagatteb ele uɗaglag. Ag baɗak eheɗ nau doon, ag wanppa daanna, ag Tairnu danab ah dilag aab na qeumnu dabmak huanaknab aonna, ottaikkulag.

Esekiel 28:17

Na beɗun ohppa keeke anttaknu eheɗ laa ii dayom amunu, na nakka, nahipnu enanag doome; na dada danab bena daame. Ao, na binan nahip okkainab ele dabmena, na doyak dabmak ena ele nahip hee, kaliak dayom. Na anam heme amunu, da buɗitti, wanppa nome. Ao, da hei, na king laa noolagppa keeke hamu bia daye, ag na aon aon nidappig.

Jona 3:6

Ag anam heeg, Niniwe dilag king nug Jonanu nai doya, nug sia king uua, kingnu lamen elab enanag uɗa, lamen heɗiag ele awa ma, uhuɗppa dayom.

Hagai 2:22

Da heppi, king laala dilag sia king nena qena, nauhak daaglag. Da heppi, wanppan ɗo maɗoɗ laala dilag ɠagattag am iitta mekku. Da heppi, bannu karis, danab lamidtteb ele ag nena qeppeg, hos, ban danab hos attan oitteb ele ag ele nena qekkulag. Amuam danab amu lailkad eppelagppa bekku.

Sekaraia 2:7

O Sion danab ah, ag Babilon appa diia ukka laih me dayak danab ah daatteb amu, ag appanu eɗun uɗin, Jerusalem ippa dayeg!

Revelesen 18:7

Nug nukka nug binag amahlak oppiaawak ele metta, nug keeke ena ena digdig kuɗumnab hik qe aokkunu ha awom amunu, ag nug guittak, gayak ele melemel amuppaib metteg! Aɗinu? Nug ooppa, ‘Da kwin, da ah qab iitta amunu gayak baag laa dahilppa ii bema,’ dada nai atte.