Aisaia 45:9 - Nobonob Baibel

⁹ Danab nug laa nug heittom ele, nug nuhignu nai hette amu, danab amunu am gadonnab gadon. Ao, danab ag waa aoɗak qatti laa, ag amubia aakkuib daatteb, amu danab nug laa nug heittom ele nuhignu nai hette ele amu, nug waa aoɗak qatti kuɗum oolagppa bia daatte aakkuib amunu, nuhignu am gadonnab gadon. Waanu lekkoh nug aha, nug waa keeke hak danab amegppa, ‘Na aɗi hekkutnu hettem,’ attete? O waa nug aha, ‘Laa heiɗtte ele amu, nug eppeg iitta,’ attete?

Aisaia 45:9 ပူးပေါင်းရင်းမြစ်များ

Job 10:9

O Kayak, na attem henan heiɗme amu, na amu dabmekkutnu oɗ medattem. Na heiɗme, haen amuppa na waa keeke hak danab wan awa waa hette, amubia na da heiɗme; gemu na heppe, da eɗuen, gappud daakkulte?

Job 33:13

Aɗinu na Nug amegppa naittuɗ hena, Nug danab dilag nai doya, nob ii medattenu attem?

Job 40:2

“Laa nug da, Da Dakka Ɠagattag Oh Ele, nug da ele nai auɗ ona auɗ dotte ele amu, nug da daul ele batakkute? Ge, laa nug da, Kayak, nug da naippa yaaiɗtte amu, nug da mattiminu nob aakku da meɗaɗ!” awa aum.

Job 9:12

Nug keeke laa danab eppegppanu aɗitta aokkunu heebeb amu, laa nug ii aomanu akkunu elelete? Iitta! Ao, laa nug Nug amegppa, ‘Na attem hena aottem,’ akkunu elelete? Iitta!

Job 9:4

Kayak Nug keeke oh dootte, doyak dabmak ena nuhig am bodok iitta. Nuhig ɠagattag ele okkai, naɗi ele. Laa nug wagai ma, Kayak eɗidkkunu haaha eɗidkkute? Iittanab iitta!

Prowerb 21:30

Doyak dabmak ena ele laa, o diignu doyak tutukku laa, o maittak awak laa; amu oh oolagppanu Yawe eɗidkkunu elele iitta.

Eklisiastis 6:10

Aɗi keeke daatte amu, keeke amu oh am onilkad ataɗattak daatteb; amu danab ag attem daatteb am miag atia dayom. Kayak Nug ɠagattag oh ele, amu laa Nug ele nai apeɗ ona, apeɗ dokkunu elele iitta.

Aisaia 10:15

Amu king nug anam atte, amge Kayak Nug atte. “⌊Da am Kayak amunu, da oɗmak imu oɗ mettem.⌋ Hebeb laa nug nukka nuhignu, ‘Okkai am da dakka; da amu, da danab nug da aɗaila, ad okkultte ele, da nug eɗidttem,’ attete? Amu so laa nug nukka nuhignu, ‘Da okkai daattem. Da laa nug da aɗaila uɗat hette ele, da nug eɗidttem,’ attete? Bu laa am danab aɗatte ele huma he, nuhigppa laa bu medattete? Daɗib laa ele danab aɗatte ele humattete? Amu oh iitta!” awa atte.

Aisaia 29:16

Amu ag ahilag dabmak am eɗuaknab daatte. Ag waa keeke hak danab, nug wan nug amuppa keeke hette ele, nug wan amu ele aa laippu bia dabmettebte? Amu wan waa nug aha, danab waa amu heumnu, “Nug da ii heiɗom,” akkute? O wan waa laa nug aha, danab heumnu, “Nug keeke laa ii dootte,” akkute? ⌊Amge ag dabmak eɗutteb ele ag amu, ag anam bia hetteb.⌋

Aisaia 45:10

Laa nug aha, mameg amegppa ‘Na aɗinu menuiɗme? ⌊Na eheɗ heme⌋,’ atte amu, nuhignu gadonnab gadon. Ao, laa nug aha, anig amegppa, ‘Aɗinu na da dokkulnu guittak doome? ⌊Na nau heme,⌋’ atte amu, nuhignu gadonnab gadon.” Yawe Nug anam atte.

Aisaia 64:7

O Yawe, ig hipunin heut, na ig ii ehanigttem. Ig hipunin heut, na he, ig ihinig hipunin waappa daat nauhttem. Ig anam aakku daattem amunu, auntai laa na ii unuqidtte. Yo, ig am anam aakku daattem amunu, auntai laa na tutukku dim lamidkkunu ii hette.

Aisaia 64:8

O Yawe, ig am anam aakku daattem, amge na ig Mamenig daattem. Na waa keeke hak danab bia daattem, ig am wan, waa haknu, ig amubia daattem. Na ig oh heigme.

Jeremaia 18:6

“O Israel danab ah, da waa keeke hak danab hette bia amu, da ele amubia hekkulnu elele iittate? O Israel buɗub, wan am waa, hinai keeke hak danab eppegppa daatte, amubia ag da eppelppa daatteb.

Jeremaia 36:29

Na nai amu oh buk itoɗiak ele laappa yona, na Juda dilag king Jehoiakim amegppa inam appe doyaɗ! ‘Yawe Nug inam atte. “Na buk itoɗiak ele laa amu manae ewe, na ame. ‘Jeremaia, aɗinu na Babilon dilag king nug genab uɗia, wan imuppa ban ha heeb, wan nauhakib dayebeb, ippa danab, doɗ ele ii daamna buk amuppa yaame?’ aon ame.” ’ ” Jeremaia nug nai amu doyom.

Jeremaia 50:24

O Babilon, da pelem meppi, na laippun, ii dabmettemppa tekkut. Babilon danab ah, ag da, Yawe, ag da ag banel uɗippig amunu, kekeɗ ag uɗin anadna diiglag.

Daniel 4:35

Danab ah wanppa daatteb ag Nug bia iitta. Ag Nug ele ouaqattak daalob, am danab ah ag ii daalob bia daalob. Nug habppan ɠagattag oh, wanppan danab ah ele gumattette, ag Nug waappa daatteb, Nug ag aɗi hekkulagnu dabmette amu, Nug he, ag hetteb. Kayak Nug aɗi hekkunu dabmette amu, laa nug heeb, ii hemanu elele iitta. Laa aitta, Nug amegppa, ‘Aɗinu na anam heme?’ akkunu elelete? Iitta!

1 Korint 10:22

Ig anam hepput, Naɗi Kristus Nug ihinignu, dahilppa anam daalon dabmak aɗa daakkunu dabmettemte? Ig nuhig ɠagattag eɗidkkunignu elelete?