Aisaia 42:2 - Nobonob Baibel

² Nug ewak laa ii hema. Ao, Nug baag okkaippa ib naɗippa danab amelagppa nai ii mattima.

Aisaia 42:2 ပူးပေါင်းရင်းမြစ်များ

Aisaia 42:1

Yawe atte. “Antteg! Imuam dahil maɗi nid; da nug haen oh elele daakkunu ɠagattag medattem. Ao, imu amu, da nug tituanmi; da nuhignu enanagnab doottem. Da dahil Ouɗi Nug medappi, dahil maɗi nid nug danab ah oh nai doya mala hettoɗia epeɗia elele mettak kobol ippunadkku.

Aisaia 42:3

Danab laa elele iitta, qao laa wak ele daatte bia, Nug heeb, nauha autanab ii aoma. Ao, danab laa elele iitta daatte, lam qauhkkunu hette bia, Nug heeb iitta ii mema. Amge nug nai doya mala hettoɗia epeɗia elele mettak kobol am danab ah wan ohppanu tonadkkunu nug oo metta ii uuak kobol dim lamitta heeb bekku.

Sekaraia 9:9

Danab ah ag Sion appa daatteb, ag oolag huana gamag ahaɗ! Yo, danab ah ag Jerusalem daatteb, ag oolag gamag aheb, huana eig! Antteg! King ahilag Nug ahilagppa aakku uɗitte. Nug genab tutukku hak kobol haaha, nug danab ah ehanatteb, padal ii memananu kobol ele dim lamitta haaha uɗitte. Nug nukka Nug onig qe ne, ⌊Nug danab onig iitta bia,⌋ Nug donki laa attan dayaya uɗitte. Yo, Nug donki nag laa ⌊nakok okkai meum⌋ attan dayaya uɗitte.

Matyu 11:29

Ag gugappan tuqai dahil aon gukkalagppa mewona, ag dahilppa dabmak aweg! Aɗinu? Da am wagai mak danab iitta, amu da am oo doyak ele. Ag anam henana, ag oolagppa uug iitta oiglag.

Luk 17:20

Amu haen laa ɗo gumak danab-Parasia ag Jesus oɗ mettan appig. “Haen ganeb Kayaknu ɗo maɗoɗ am uɗikku?” aon appig. Aon aeg amu Jesus Nug nai ahilag amu nob ma aum. “Kayaknu ɗo maɗoɗnu uɗiak am danab ah ag amelagppa anidkkulagnu elele iitta.

2 Timoti 2:24

Naɗinu maɗi nid nug am nug mehqak kobol ii hema. Iitta. Nug danab ah oh noolagppa oo bodoettak ele daakkuoitte. Nug ippunittak danab ena daakkuoitte, amu nug dagom ele dayaɗ!

1 Pita 2:23

Danab ag nuhignu nai eheɗ appig, amge Nug nai eheɗ ahilagnu nob ii meum. Nug guittak awom, amge nuhig guittak amunu Nug ag nob nau aoglagnu ii aum. Jesus Nug amu ii heum, me Nug Kayak, epeɗiakppa keeke oh eleleppaib epeɗidtte amu, Nug nukka Nug beɗu oh Nug eppegppa meum.