Aisaia 41:9 - Nobonob Baibel

⁹ Da umanabnu diiatti, ag iguppa daatteb. Ao, da wan batakppanu diiatte hei, ag uɗin, iguppa daatteb. Da ag amelagppa, ‘Ag am dahil maɗi nid,’ ami. Da ag tituanadmi. Da ag ii geɗadmi.

Aisaia 41:9 ပူးပေါင်းရင်းမြစ်များ

Sam 135:4

Ag Yawe binag mekkulagnu diig am, Nug Jakop buɗub nuhikkud daaglagnu tituanattom. Ao, Nug Israel danab ah ag nuhikkud danab ah, nuhig en okkainab bia daaglagnu tituanattom.

Sam 94:14

Aɗinu Yawe Nug amu hette? Nug danab ah nuhikkud di-ii-mattama. Ao, Nug nuhikkudnab danab ah ii uuadma.

Aisaia 11:11

Aria haen amuppa Naɗi Nug baula inam hekku. Danab eppeg bahia, keeke laa aɗa, nug eppeg eɗua aotte, amubia Naɗi Nug nuhikkud danab ah oɗo yaak Asiria wanppa daatteb, Isip wanppa daatteb, Kus wanppa daatteb, Elam wanppa daatteb, Babilon wanppa daatteb, Hamat wanppa daatteb, yunu nudppa daatteb ele eɗua diikku.

Aisaia 14:1

⌊Yawe Nug geha Babilon heeb nauhkku.⌋ Aɗinu? Yawe Nug Israel danab ah dilagnu oo doya, oo madakku. Nug anukka ag nuhig danab ah daaglagnu Nug tituanattom, anamib geha Nug baula tituanatteb, ag nuhig daaglag. Amu Nug heeb, Israel ag eɗun gona, wan ahilagppanab daaglag. Ag daappeg, wan laihnu danab ag geha uɗin, Israel oolagppa daaglag. Daanna, Jakop buɗub bia bena daaglag.

Aisaia 41:2

Aun nug kobol genab tutukku ele dim lamitta haaha, okkai laa aam bedeppa daatte amu, nug nug dabmak metta he, nug yagbak doya aha, ⌊wan kuɗum eɗadkkunu dabmaama hette⌋? Laa nug danab amu he ahom amu, nug wan kuɗum awa, okkai amu eppegppa mette. Ao, laa Nug danab amu he ahom amu, Nug he, okkai amu nug king eɗadtte. Okkai amu nug qep elab nuhigppa wan amu oh he nauhna, gappud bia daatteb. Yo, nug lat nuhigppa king amu oh eɗatte, ag nauhna autna aotteb.

Aisaia 41:8

Wan laappan danab ah ag anam baɗan hetteb, amge Yawe Nug atte. “Ag Israel, ag am dahilad maɗi nid maɗi ah ele daatteb. Ao, ag Jakop buɗub, da ag tituanadmi. Ag am da layal Abraham buɗub.

Aisaia 42:1

Yawe atte. “Antteg! Imuam dahil maɗi nid; da nug haen oh elele daakkunu ɠagattag medattem. Ao, imu amu, da nug tituanmi; da nuhignu enanagnab doottem. Da dahil Ouɗi Nug medappi, dahil maɗi nid nug danab ah oh nai doya mala hettoɗia epeɗia elele mettak kobol ippunadkku.

Aisaia 44:1

⌊Uug Israel dilagppa anam bekku,⌋ amge Yawe, Nug ag Israel ag anilkad oolagppanu ii doppig haenppa hatta, atognoatta, butti aɗi ele ag ehanadkku amu, Nug atte. “O ag Jakop buɗub, ag am dahil maɗi nid maɗi ah ele, ag dahil nai doyeg! Ao, ag Israel danab ah, da ag tituanadmi amu, ag nai imu doyeg! Jakop buɗub, ag am dahil maɗi nid maɗi ah ele, ag aib baɗappig. Ao, ag Israel danab ah, da ag tituanadmi amunu, ag aib baɗappig.

Aisaia 45:4

Da Jakop buɗub, ag dahilad maɗi nid maɗi ah ele amu, da ag eheɗ daatteb anidttem amunu, da ahilagnu dabmak anuqak awewe, ehanadkkulnu hettem. Ao, da Israel danab ah, da ag tituanadmi amu, da ag eheɗ daatteb anidttem amunu, da ahilagnu dabmeinne, da ehanadkkulnu hettem. Da ehanadkkulnu hettem amunu Sairus, da na oninppa ein, uɗat imu mettami. Na da ii dooiɗttem, amge da na binan okkai mettami.

Malakai 1:2

Yawe Nug Israel amelagppa atte. “Da ahilagnu oo mauhak doye, gemu ele doottem,” awa atte. Yawe Nug anam aakku atte, amge ag, Israel danab ah, ag Nug amegppa atteb. “Na ib adekkuppa genab ihinignu oot mauhom, gemu ele oot mauhtte ippunigkkutnu od medattem?” aon atteb. Ag anam atteb amu, Yawe Nug inam iikku amelagppa atte. “Esau am Jakop awag, me da ag alalag Jakopnu ool mauhom.

Luk 13:29

Amu geha danab ah ag aam bedeppanu, aam nodeppanu, yau uɗitteppanu, yawalti uɗitteppanu ele uɗina, ag Kayaknu ɗo maɗoɗppa nona, hobulppa daaglag.

Duteronomi 14:2

Aɗinu? Ag Israel, ag am danab ah, Yawe, ahilag Kayak, Nug ahilagnu, nuhignu tituanak daatteb anadtte. Wanppan danab ah oh oolagppa, Yawe, ahilag Kayak, Nug ag danab ah nuhignab daaglagnu tituanattom. Ag am keeke enanagnab laa bia nuhignu daatteb.

Jems 2:5

O lailad, ag doyeg! Danab ag wanppan danab oh noolagppa daɗek daatteb ele, danab amu Kayak Nug ag ooppa genab doyak ɠagattag aɗan oiglagnu, ag nuhig ɗo maɗoɗ ooppa, Kayak Nug danab ag nuhignu oolag mauhtte ele ag aguppa daaglagnu nai qakka aum amu, ag amu ooppa daaglagnu tituanattom daatteb.

Revelesen 5:9

Ikki danab 24 ag anam hena, ag ahi bau laa inam edappig. “Na buk itoɗiak amu aona, qataqak oh tolakkutnu ehah ele. Aɗinu? Ag heeg, na mauhme, amu na danab ah huu ohppanu, nai ohppanu, beɗulag iɗu iɗu ohppanu, wanppan wan ohppanu ele na tiinppa hipuninnu qagaiettakppanu eɗua uhuqak hena, Kayak mettame.

1 Samuel 12:22

Ag Yawe aib dimedappig. Iitta. Ag Nug dim lamidkkulag. Aɗinu? Yawe Nug amunu ena doya, Nug ag danab ah nuhikkud daaglagnu tituanattom amunu, Nug onignu dabmak anuqak awa, Nug ag, ag am nuhikkud danab ah amu, Nug ag uuatta, di-ii-mattama.