Aisaia 41:22 - Nobonob Baibel

²² Ag ahilag nai heppeg, miag atieb, ag aɗi keeke bekkunu daatte ele appeg dootu! Ele amu, ig dabmeta autta aognignu, ig keeke amunu gog tak doognignu amu, ag keeke ba mala ukkom, ag keeke amunu diig madippeg dootu! Iitta dayeb amu, ag butti aɗi, aɗi keeke bekkunu daatte appeg dootu!

Aisaia 41:22 ပူးပေါင်းရင်းမြစ်များ

Aisaia 41:26

⌊Da nug amu hekkunu ii hak haenppa ami, amge⌋ ag kayak hambuppuak oolagppanu aun nug digmak haenppa ig imu bekkunu daatte a doomut? Ao, ag oolagppanu aun nug amu mattie doomut amunu, gemu ig, ‘Nug genab mattiom,’ akkunignu elele? Ge, ag oolagppan laa nug anam ii mattiom. Laa nug anukka, kobol imu ii nak haenppa ii mattie doomut. Laa nug ag oɗelagppa kobol imunu nai nakoknab laa iinab doyom.

Aisaia 42:9

Antteg! Keeke da anukka bekkulagnu ami amu, ag aakku beppig. Gemu da keeke bau laanu appi dooglag. Keeke bekkulagnu ii digmeppig ele amu, da ai, ag bekkulagnu daatteb,” awa aum.

Aisaia 44:7

Aun laa da hemi bia laa heum daattete? Anam dayeb amu, nug mattiaɗ! Ao, laa anam heum dayeb amu, aria nug da noolppa dayaya, amunu oh mattieb doyei! Aun aɗi ag anukkanab keeke ii beumnu haenppa mattieg doomut? Aun aɗi ag butti aɗi attem bekku amu madippeg doognig.

Aisaia 45:21

Ag danab ah laih laihnu banppa ii mauhppig ele, ag kayak hambuppuak binag metteb amu, ⌊ahilag kayak amu⌋ ag butti aɗi, aɗi bekkunu daatte appeg dootu! Ag amu hekkulagnu ag laippu daan mattieg! Aun nug anukka kobol bekkun daattenu mattiom. Ao, aun nug anukkanab uug imu bekkunu aum? Am da, da Yawe, da amu iite hemi? Kayak laa ii daatte. Da Kayak, da genab tutukku hak kobol aakkuib hettem. Da eheɗ laa ii hettem. Da danab ah ehanatti padal ii metteb. Kayak laal ii daatte.

Aisaia 45:22

Amu ag danab ah oh wan atu ohnu ag padal memananu ag da dim lamiɗna, ehanittak da eppelppanu aweg! Aɗinu? Da aakkuib Kayak daattem. Kayak laal ii daatte.

Aisaia 46:10

Da digmak haenppa keeke laanu gogppa tak haenppa bekku amu hei, miag atitte. Da anukkanab aɗi keeke butti aɗi bekku ai dooppig. Da attem. ‘Da aɗi keeke dabmein attem amu, da hei bette. Da aɗi oh hekkulnu hettem amu, da hekkul.’

Aisaia 48:14

Amu ag Israel danab ah ag gukkuiɗna uɗin, nai dahil doyeg! Kayak hambuppuak laa nug aha, keeke bekkun daatte a dooppigte? Iitta! Amge da Yawe, da attem. Danab laa, ⌊Sairus⌋ da nug tituanmi ele amu, nug dahil dabmak Babilon dilagnu heeb bekku. Ao, nug aha, Babilon ele ban hekku.

Aisaia 48:3

⌊Yawe Nug atte.⌋ “Anukkanab da keeke bekkunu dayom ai dooppig. Ao, tatamnab aɗi keeke bekku amu, da ii beum haenppa ai dooppig. Ge, da ai doyeg, haen do, da laippun hei, aakku beppig.

Jon 13:19

Da imu ii beumppa iikku ag amelagppa attem amunu dimppa beeb amu, ag oolagppa genab dooglag, da am Kayak Bekka.

Jon 16:14

Nug dahilppanu aɗi awom amu, Nug ag amelagppa madikku amunu, amuppa Nug da binal amahlak oppiaawak meɗakku.