Aisaia 41:18 - Nobonob Baibel

¹⁸ Da qauko attan, appa ad keeke ii daatte amu, da appa heppi, le noa gokku. Ao, oolnu noakppa da heppi, le qeppuɗia bak kuɗum daakku. Da heppi, atu taɗakppa le gottu kuɗum daaglag. Ao, atu taɗakppa, wan huana qaɗaiedatte, aben amuppa da heppi, le qeppuɗia bak kuɗum daakku.

Aisaia 41:18 ပူးပေါင်းရင်းမြစ်များ

Sam 104:10

Yawe Nug he, le qeppuɗin bena, oolnu noakppa notteb. Ao, lenag qauko gamag gamag, bai heqoppa madmad gotteb.

Sam 105:41

Nug he, le huana menppan neum. Le amu na, atu taɗakppa le okkai laa bia ukkom.

Sam 107:35

⌊Amge Nug ele he,⌋ atu taɗak eɗue, appa le ameg kuɗum daappig. Nug he, wan qaɗaiettak eɗua, lenag kuɗum daan madmad goppig.

Sam 126:4

O Yawe, na ihinig danab ah baula itadkkutnu oɗ medattem. Na oot mekkan, gu ne, Negeb appa le am le ibuppa baula dayaya gotte, amubia na ig itigkkutnu oonig daye oɗ medattem.

Sam 46:4

⌊Am le naɗi, le amunu le ippu danab eppelagppa buuppig ele, le ippu amu ag danab ah gamag ahak okkai madatteb, amubia⌋ Kayak Nug danab ah ag nuhig aab okkaippa daatteb ele, Nug ag gamag ahak okkai madatte. Aab okkai amuam Kayaknu tituanak daatte, Kayak Attannab Nug amuppa daatte.

Aisaia 12:3

Haen laa geha uɗikku, haen amu uɗieb, geha ag Yawe ehanatte, ag padal ii meppig dabmena, gamag ahak aoglag; danab nug le baag diie, baag qaɗaiette, le ena mattia antta laawo gamag ahatte bia, ag gamalag ahakku.

Aisaia 30:25

⌊Yawe Nug keeke bappaidkku amu,⌋ haen amuppa am inam bekku. Kekeɗ kuɗum ag aqakppa mauhppeg, kekeɗ dilag bannu keeke ele nauhppeg, le ⌊enanag⌋ qauko okkai okkaippanu, qauko nakok okkaippanu ele nekkulag.

Aisaia 32:2

Haen amuppa kobol inam bekku. Danab okkai amu oh ag gilil ulah qehagtte bia daaglag. Ao, ag ulah huanak uɗieye, danab nug padal mak eɗitteb ena dayaknu abenppa ukka daatte, ag aben amubia daaglag. Okkai danab amu ag atu taɗak, le iitta ele, ag appa le laa noa gotte bia daaglag. Ao, ag wan laappa, aam gakkaɗak naunab nau neene, danab nug men okkainab logoppa ukka daatte, ag lokko amubia daaglag.

Aisaia 33:21

Amu ig aab amuppa daapput, Yawe Nug ihinig gumikkak ɠagattag okkai ele dayaya gumigkku. Ig aguppa danab ag le okkai okkai, le naunau ele daugppa daatteb bia daagnig, amge kekeɗ dilag uub naɗi, ban haknu amu, ag appa ii temana. Ao, ban haknu uub ɠagattag laa appa ii goma.

Aisaia 35:1

⌊Amu Aisaia nug haen laa dimppa, haen amunu nug inam aum⌋. Dimppa amu, atu taɗakppa, amu atu taɗak huana qaɗaiedatte ele amu, aben amuppa wanppan keeke oh ena beppeg, gamag ahak daakku. Ao, wan meu waknu nakokib elele, wan amuam gamag ahak daakku. Amu appa, bala onig lili mappatadtteb bia, bala huan mappatadkkulag.

Aisaia 44:3

Aɗinu ⌊ag ii baɗamnanu attem⌋? Da heppi gu huana wan qaɗaiettakppa na, leppu medakku. Ao, da heppi, gu huana neeb, le naunau kuɗum wan qaɗaiettakppa gokkulag. Da anam hekkul amu, anamib da dahil Ouɗi ag buɗulkad madakkul. Ao, da dahil itittak ena ag buɗulkad madakkul.

Aisaia 48:21

⌊Ag gobeppeg, haen amuppa kobol digdig Yawe Nug Israel Isipnu diia ukke daappig bia daaglag. Yawe Nug Israel Isipnu diia ukkom, haen amuppa⌋ Nug omalatte, ag atu taɗakppa oippig, amge ag le baalag ii diiom. Nug he, le ahilagnu menppa neum. Ao, Nug he, men oppate, le huanaknab noa ukkom.

Aisaia 58:11

Ag amu hekkulagnu dayeb amu, Yawe Nug ulum matta, atu taɗak gakkaɗak nau eleppa Nug le, ee keeke, ag bau daaglagnu laa ele madakku. Nug ag beɗulag ele ɠagattag madakku. Nug amu heeb, ag dad le elelenab aotte bia daaglag. Ag le qeppuɗia bette, deɗ laa ii qaɗaiedatte amu, ag le amubia daaglag.

Aisaia 65:13

Ag nau amu hetteb amunu, Naɗi Yawe Nug inam atte. “Dahilad danab ah, ag am dahilad maɗi nid maɗi ah ele amu, ag ee lakkulag, amge ag nau hetteb ele, ag enug aqakku. Dahilad danab ah ag le oug lakkulag, amge ag nau hetteb ele, ag le baalag diikku. Dahilad danab ah ag oolag gamag ahakku, amge ag nau hetteb ele, ag uɗalag nekku.

Joel 3:18

Haen amuppa amu, grep dad meu enanag otteb ele, am qauko oh tonadkkulag. Amu ag Israel, ag ahilkad makau, meeme ele qaukoppa gikkiɗah lanan daanna, huh huanaknab mattaglag. Le nakok Juda wanppa daatteb amu, ag ii qaɗaiettamna. Laa ele, Yawenu mettid lag ooppanu amu, le laa uɗiaya, oolnu noak ad akasia betteb amu, aben amu oh le madakku.

Sekaraia 14:8

Aria, deɗ amuppa amu le laa, le amu he, danab bau daatteb ele, le amuam Jerusalemnu nan gokku. Le amu laih am Mauhak Leppa ukkebeb, laih am Mediterenia yuppa gokku. Aam haenppa, oug haenppa ele le amu am anam ukkakib gokku.

Revelesen 22:1

Amu dimppa engel nug le laa, le amuam bauklel le, nug le amu ippuniɗom. Le amuam men onig kristal, dubuttid nakok laa iitta, amubia dubuttid nakok laa iitta ele daatte. Le amuam Kayak amu Sipsip Nag ele, ahilah sia kingppanu ba

Revelesen 7:17

Aɗinu? Sipsip Nag Nug gamagppa sia king ⌊anuqak⌋ guguittak daatte amu, Nug ahilag gumak danab ena dayaya, geha gumattebeb gona, moɗ laappa, le qeppuɗia bette ele, amuppa ag bauklel le aoglag. Amu Kayak nug geha amelag leb oh amelagppanu obikku,” awa aum.

Ikki Danab 15:19

Nug anam unuqitta male, amu Lehi appa Kayak Nug he, le huanak wanppa aben tappiɗ naɗinab bia, appa qeppuɗia be, Samson nug lawowa ɠagattag awowa, nug aben amu onig ataɗa, En Hakore aum. Aben amu gemu ⌊nai imu yaak haenppa⌋ ele Lehi appa daatte.