Aisaia 40:7 - Nobonob Baibel

⁷ Anana am tuɗitta aum. “Gikkiɗah bunaɗtte, bala mauɗna, nena qetteb. Aɗinu? Yawe Nug ulah iwale, ahilagppa gotte. Am genabnab genab, danab ah ag gikkiɗah bia paha mauhtteb.

Aisaia 40:7 ပူးပေါင်းရင်းမြစ်များ

Job 14:2

Bala ag hamu paha bena, eɗun bunaɗna iitta metteb bia amu, danab oh ag anam hetteb; lombig itotog wanppa paha ukka qettoɗtte, amubia danab oh ag anamnab hetteb.

Job 4:9

Kayak Nug ouɗi nakokib ahilagppa iwale, danab nau hetteb ele ag nauhtteb. Ge, Nug ahilagnu oo nauhak doya he, ag mauhtteb.

Job 41:21

Nug le ooppanu ba, ulah iwalele, nug ouɗi am gakkaɗaknab, keeke heeb eokku bia; am aab aɗu doa gotte bia.

Sam 102:4

Dahil uttu taub am oɗe ele, gikkiɗah le iittanu qaɗaiedatte bia daatte amunu, da ee laa lakkulnu enug ii iwe ii lattem.

Sam 103:15

Ihinig deɗ wanppanu amu, amuam gikkiɗah bia; bala haɗag mappata mauhtte, amubia ig mauhttem.

Sam 103:16

Ulah nug bala iwale, iitta metteb; aben amuppa bala appa ii daappig bia daatte. ⌊Ig ele amubia daattem.⌋

Sam 90:5

Ao, na hee, danab ah laippun mauhtteb. Ge, ag am gikkiɗah buttua bette, amubia daatteb.

Sam 90:6

Buttua amu, gikkiɗah bette. Amge tueb am qaɗaietta bunaɗtte.

Aisaia 11:4

Amge nug geha kobol genab tutukku ele dim lamitta, nug daɗek danab ah dilag nai am epeɗia bappaidkku. Ao, nug nai doya mala hettoɗia epeɗia elele mettak kobol dim lamitta, nug danab ah huu laa ag keekenu tutu meppig daatteb, nug amu dilag nai am epeɗia bappaidkku. Nug ab, geha danab ah kobol nau heppig ag bu aoglag. Ao, nug geha naiib ab, nau hak danab ag mauhkkulag.

Aisaia 37:27

Appan danab ah ag ahilag ɠagattag iitta me, ag oolag uug nau qe, ag uɗalag neum. Ag am datta keeke eppak, keeke amu digma baaba, gai-iitta daatte bia daappig. Ao ag gikkiɗah aben laa wan teppu iittanabppa appa be, ulah gakkaɗak nau uɗia he, okkai ii meum haenppa bunaɗtte, ag amubia daappig.

Aisaia 40:24

Danab okkai amu ag am bala danab ebatte, ag amubia daatteb. Nug eppe, okkai mekkunu haaha, diɗi wanppa digma noono, ulah gakkaɗak uɗia he bunaɗtte, amubia Kayak Nug he, danab okkai amu ag iitta metteb. Ag ulah ee aeg dappunkkeg mawa uma gotte, amubia Kayak Nug he, ag ii daatteb.

Aisaia 51:12

Amu Yawe Nug atte. “Da, ge da, da oo mak madattem. Danab am keeke gai-iitta, oh mauhtteb amunu, aɗinu ag danabnu baɗadtteb? Ao, aɗinu ag danab bekkalkad, ag gikkiɗah bia paha nauhtteb ele amu, aɗinu ag ag baɗadtteb?

Hagai 1:9

Amu Yawe Nukka Ɠagattag Oh Ele Nug anam anan, Nug imu ele atte. “Ag keeke kuɗum aoglagnu dabmeppig, amge ag keeke nakokib aoppig. Ag keeke aoppig ele amu, da hei, iitta meum. Aɗinu? Ag anen anen oh ag laulkadppa ahilag uɗat hetteb, amge da laul am nauhakib daatte,” awa atte.

Jems 1:10

Amge ig Kristen lainig laa nug enub ele amu, nug anukka, “Da am enul okkai ele amunu da am danab okkai ɠagattag ele daattem,” anam dabmak awom, gemu ⌊nug Jesusnu ooppa genab dootte, nuhigppaib ehanittak hanhannu aotte amunu,⌋ dabmak alag, amuam iitta meum, diig amunu nug ele maɗoɗppan gamag ahak dookku am ena. Aɗinu? Bala haɗag paha qaɗaiedatteb, amubia enubnu keeke am anam aakku iitta mekku.

Jems 1:11

Ig doottem, aam nug naɗi ma, na he, bala mauɗe, nug haɗag na qe, nuhig bala anttak aakku nauhtte. Amubia enub danab nug uɗat nuhig haaha dayaya mauhkku; ⌊nuhig keeke ii ehanitteb, nug tuɗid bau daakku⌋.