Aisaia 40:4 - Nobonob Baibel

⁴ Ag ib uɗem elele ukkak daakkunu, ag oolnu noak elele mettan, qauko nakok buun, elele mettan, ib qe ta qe nak am ele tutukku elelenab mettan, ib bai biappa gotte am heppeg, uɗem dayaɗ!

Aisaia 40:4 ပူးပေါင်းရင်းမြစ်များ

Prowerb 2:15

Ib ag oittebppa am kaliak, am tutukku iitta. Ao, ahilag hak unuqagppa amu, appa kaliak daatte, am tutukku iitta.

Aisaia 40:3

Doyeg! Da laan baag inam eewo doottem. “Atu taɗakppa ag Yawe uɗikkunu ib babaitteg! Ao, wan meu waknu nakokib elele, appa ag ib tutukku, tak nak iitta ele ihinig Kayaknu babaitteg!

Aisaia 40:5

Ag anam heppeg, geha Yawenu binag amahlak oppiaawak ele am miag atia dayebeb, danab ah oh ele anidkkulag.” Yawe Nug anam mattiom daatte amunu, am anam bekku.

Aisaia 42:11

Ag danab ah atu taɗakppa daatteb, atu taɗakppan keeke oh ele ag baalag okkaippa Yawe binag meig! Kedar buɗub, ag Yawenu oolag gamag ahaɗ! Ag danab ah Sela daatteb amu, ag oo gamag ahak doon, ahi etteg! Ge, ag oo gamag ahak doon, ag qauko attan taadna daanna, ag laa, ag amu dooglagnu baalag okkaippa eig!

Aisaia 45:2

“Da geha anuqe ukken, na uug nau nittamanu da danab nug laa ag ib laappa oiglagnu ib bappaidtte bia, da ehanitte, nahip ib babaitte medakkul. Amu danab laa, aab okkai, o iitta lag laa ooppa nokkunu od brasppa hattak, o manak qaknu keeke aenppa hattak okkulatta, ooppa notte, amubia da na ehanitten, qagaiettak okkai anidkkut amu, da mautkkul.

Aisaia 49:11

Da heppi, qauko ag eɗun aon, ib daaglag, amu ib da bappaidttem ele, amu oh am ib enaib daaglag.

Aisaia 62:10

Ag Juda danab ah ag danab ah ag uɗin, Yawe binag mekkulagnu, ag Jerusalemnu ahan, dimittim gona ehanatteg! Ao, ag Juda danab ah ag danab ah ag Yawe binag mekkulagnu ag ahilag ib babaitteg! Ag men oh agappeg ukkeb! Danab ah ag Jerusalem uɗiaknu ib anidkkulagnu, ag Juda, ag pilak laa, ag amu anidna uɗiglagnu humappeg taɗ!

Esekiel 17:24

Amu wanppan ad oh ag danab daaloblob, ag dahilnu inam doolob, ‘Nug Yawe, Nug he, ad elab ag tutu daatteb, amu Nug he, ad naunau ag elab tetteb. Nug he, ad bau ag bunaɗtteb, amu nug he, ad bunaɗak ag bau daatteb. “Da, Yawe, da nai madittem. Da aɗi keeke hekkulnu ami amu hekkul.” ’ ” Naɗi Yawe Nug anam atte.

Esekiel 21:26

Amu Naɗi Yawe Nug atte. “Keeke oh gemu daatte am anamib ii daama amunu, na nahip igippan lamen, king haɗ ele awe! Danab ag gemu onilag iitta, ag danab okkai daaglag, am danab ag gemu onilag ele daatteb amu, ag danab onilag iitta daaglag.

Sekaraia 4:7

Amu engel nug Yawe oɗeppanu nai anam ana, nug nai tuɗitta aum. “Keeke aɗi, qauko naɗi, o aɗi keeke laa, keeke amu nug Serubabelnu ib iinab oo nema. Qauko laa daakku dayeb, Kayak Nug heeb, qauko amu honap na, uɗem daakku. Nug anam heeb, Serubabel nug Kayaknu mettid lag ha malakku. Nug ha malebeb, danab ah ag enan, Kayaknu itittak enappa lag imu beum! Kayaknu itittak enappa lag imu beum! ekkulag,” awa aum.

Luk 18:14

Jesus Nug nai amu mattiowa, Nug baula amelagppa aum. “Da ag amelagppa attem, Kayak he, takis awak danab nug genab tutukku hak danab daye, eɗua laugppa ukkom, amge danab laa nug am anam iitta. Amunu laa nug onig humatte amu, Kayak Nug heeb danab amu nug onig nekku, amge danab nug onig qe nette amu, Kayak Nug danab amu nug onig humakku,” awa aum.

Luk 3:5

Ag ib uɗem elele ukkak daakkunu, ag oolnu noak elele mettan, qauko nakok buun, elele mettan, ib kaliak amu tutukku mettan, amu ib qe ta qe nak am ele tutukku elelenab metteg!

1 Samuel 2:8

Yawe Nug he, daɗek danab ag gappudppan ahan, ag nau ii daatteb. Ao! Nug he, ag uhuɗppa ii daatteb; ag aben enappa daatteb. Genab! Yawe Nug he, daɗek danab ag king tiigppan danab ele heɗep nena daatteb. Yo! Nug he, ag sia king, sia amu onig ele amu, ag sia amubiappa daatteb. Yawe Nug amu oh hekkunu elele. Aɗinu? Yawe Nug wan imu ohnab mameg daatte. Ao, Nug wan imu oh ma, babaittom daatte.