Aisaia 40:12 - Nobonob Baibel

¹² Aun yu, le oh ele eppegppa gokkaɗe ukke, gane daatte doyom? Aun nug habnu elab dookkunu nug eppeg melemel daakkunu ha ma ukke, habnu okkai aakku doyom? Aun wan ohnu gappud awa, kalegppa ina aɗom? Aun nug qauko oh dilag uug dookkunu, qauko amu oh skelppa maattom? Aun nug qauko nakok oh dilag uug dookkunu qauko nakok amu oh skelppa maattom?

Aisaia 40:12 ပူးပေါင်းရင်းမြစ်များ

Job 28:25

Kayak Nug ulah ɠagattag gane metta; Nug yu nuhig okkai attem daakkunu mettom.

Prowerb 30:4

Aun nug hab aabppa tewowa, eɗua neum ele? Aun nug ulah awa, eppegppa aɗom? Aun nug yu, lamen nuhigppa hautom? Aun nug wan imu oh heum? Laa amu heum am onig aun? Nug bekka ele am onig aun? Na doottem amunu, ⌊da ele dookkulnu,⌋ na appe doyei!

Aisaia 48:13

Da eppelppa wan hemi. Da eppelppa hab ele hemi. Gemu amu, keeke amu oh dahil ɠagattagppa tutukku ena daatteb.

Jeremaia 31:37

Anam amu, Yawe Nug imu ele atte. “Danab laa nug hab genab melemel ma, elab amu gane dookku dayeb, o danab nug wannu ukku ohnu keeke hettoɗia, amu oh doya malakku dayeb amu, da Israel dilag eheɗ hak dabmein, Israel buɗub oh geɗadkkul, amge anam iinab bema,” awa atte.

Amos 4:13

Yawe Nug anam attenu diig am, Nugib am laa qauko heum, Nugib am laa Nug he, ulah iwala oitte, Nugib am laa Nug dabmak nuhig danab ah ippunadtte, Nugib am laa Nug he, aam bette haenppa gatatu nette, Nugib am laa Nug qauko attan igippa ele oitte; Nugib am laa Nug keeke amu oh hette. Nug am Yawe Kayak Nukka Ɠagattag Oh Ele. Nug onig am aakku.

Revelesen 20:11

Da amu anttena amu, da imu ele anidmi. Da sia king okkainab, hakkab ele, amuppa Kayak Nug heɗep na dayeye anidmi. Wan imu, hab ele nug noobppanu ooleh, aben laa aa daaglahnu ii dayom.