Aisaia 4:5 - Nobonob Baibel

⁵ Amu Yawe Nug ⌊anukka lombigppa dayaya, Nug Israel Isipnu omalatta uɗiom bia,⌋ Nug heeb, lombig am Sion qaukoppa dayaya, tonakku. Amunppa amu, lombig boppala daakku, tuqan amu, lombig amuam aab bia eokku. Am danab ah ag mettid hekkulagnu qagmeppeg, lombig nug na, ahilagppa boppalkku. Aɗinu? Yawenu binag amahlak oppiaawak ele, binag amahlak oppiaawak ele amuam keeke amu oh tonatta, piag bia daakku.

Aisaia 4:5 ပူးပေါင်းရင်းမြစ်များ

Nehemaia 9:12

Amunppa na lombig teppu ele attan takppa daan, noolag aon gonana, tuqan na aab ewak okkai attan takppa daan, noolag aonna, amahlak mattan, atten atten oiglagnu daye ippunadnana, noolag aon gome.

Sam 105:39

Yawe Nug amunppa ehanatta he, lombig ikkilagppan blanget bia tonatte goppig. Ao, tuqanppa amu Nug he, aab dittiak naɗi gatatuppa amahlom.

Sam 111:1

Ag Yawe binag meig! Da meul ohppa genab tutukku hak danab ah, am Jakop buɗub ag Kayak dim lamidtteb ele, da ag ele qagmeta, Yawe amegppa, “Ena hen mekkame,” akkul.

Sam 78:14

Nug amunppa lombigppa ag noolag awa ukkom. Ao, tuqan haenppa Nug aab ewewe, amahlak amuppa ag noolag awa ukkom.

Sam 85:9

Genab, binag amahlak oppiaawak ele nuhig ihinig wan imuppa daakkunu, Nug danab ah ag nuhignu ebehilag oh bodoetta le mette ele padal ii memananu ehanadtte.

Sam 89:7

Danab ah Kayaknu oppiaawak ele daatteb, ag laippu qagmena amu, ag Kayaknu ebehilag oh bodoetta le mak dootteb. Laanu iitta. Ao, laa Kayak talilidna daatteb ele amu, danab nug ag anatteb, nug ebehi oh bodoetta le mekku, amge laa nug Kayak antteb, nug ebehi oh bodoetta le ma auta autanab aokku.

Eksodas 14:24

Ag anam ukkaegeg, Yawe Nug lombig teppu ele attan tak amuppa, aab ewak okkai attan tak eleppa dayeye, wakkaɗkkun miag dayeye, Nug neekke, Isip ban danab dilagppa no, Nug he, dabmak ahilag kabolie, ag eheɗnab baɗappig.

Eksodas 24:16

Amu Yawenu binag amahlak oppiaawak ele qauko Sinaippa ne, Israel ag Yawenu binag amahlak oppiaawak ele amu aab ewak okkainab, keeke ewe iitta mette bia anidppig. Am lombig nug deɗ eblaih laippu ele anam qauko amu tona daye, aria deɗ eblaih aɗitppa, Yawe Nug lombig ooppa dayaya, Nug Moses ⌊nuhigppa tekkunu⌋ onigppa eum.

Eksodas 26:1

Yawe Nug amu hekkulagnu anana, Nug keeke laanu inam aum. “⌊Danab uɗat amu hetteb ele amu,⌋ ag mettid haknu peh lag dahil heig! Ag mettid haknu peh lag amu hekkulagnu ag linen muɗi hakkab, linen muɗi kaala iɗu iɗu, am ed, perpel, kokoɗnab ele amu, ag muɗi amu oh aona, ag lamen eblaih laih ele oh amuppa akkeg! Ag lamen eblaih laih ele amu akkona, ag lamen qaɗeppa bala koitaknu ag danab uɗat amu haknu doyak okkai ele madappeg, ag engel okkai-kerubim dottog lamen amuppa koitatteg!

Eksodas 26:7

Aria, dimppa ag lamen laa, mettid haknu peh lag dahil tonakkunu henana, ag lamen 11 meeme uɗigppa heig!

Aisaia 32:18

Am dahilad danab ah ag aben maɗoɗ ele daaglag. Ao, ag laulkadppa baɗak iittappa daaglag. Ge, ag aben uug ii betteppa hik aon daaglag.

Aisaia 33:20

⌊Genab, Yawe Nug anam heeb, danab nau amu ii daamna,⌋ na neegppe ukkeb, Sion anidkkut; Sion appa amu, ig ihinig qagmak gamag ahak ele hettem. Ao, na neegppe ukkeb, na Jerusalem anidkkut. Na neegna anidna, Jerusalem am aab maɗoɗ daatte anidna, na Jerusalemnu, aab amuam peh lag hanhannu bia anidkkut. Aab amuam danab nug pehnu pin elab wanppanu ii aotte, peh hanhan aguppaib daatte, aab amuam anamib daakku. Ao, peh laanu muɗi ii pagutte, peh am hanhan qappakib daatte amu, aab amuam anamib daakku.

Aisaia 37:35

Da aab okkai imu ehanitte, guppiɗ bia daabppi, ena daakku. Da, da laa ag dahilnu dabmak pehettak iitta aomnanu, da amunu dabmak anuqak awewe, aab imunu guppiɗ dayeye, da dahil maɗi nid Dawit amegppa keeke laa hekkulnu ami amu, da amunu ele dabmak anuqak awewe, aab imunu guppiɗ daakkul.” Yawe Nug anam atte.

Aisaia 46:13

Da hei, danab nug da noolppa genab tutukku daakkunu kobol aakku miag uɗiom daatte; am uma ii daatte. Ao, dahil padal ii memanu ehanittak am paha uɗikku; laa nug heeb, ib am keldoak ii daama. Da danab ah Sion daatteb ehanadppi, ag padal iinab memana; da heppi, dahil binag amahlak oppiaawak ele am okkainab Israel oolagppanu miag atikku.” Yawe Nug anam atte.

Aisaia 60:1

Jerusalem danab ah, Juda danab ah ele, ahilag amahlak uɗiom. Ao, Yawenu binag amahlak oppiaawak ele amu, amuam ahilagppa beum daatte. Anam amunu, ag ahan, aam danab ah amahlak madatte bia, ag danab ah laa oh Yawenu amahlak matteg!

Aisaia 60:2

Aɗinu? Antteg! Gatatu wan atu laa oh tonom niitte. Ao, gatatu teppu ele danab ah oh tonattom niitte. Gatatu ag tonattom niitte, amge Yawe Nug ag Juda gumatta uɗiom daatte. Ao, nuhig binag amahlak oppiaawak ele am amahlak bia ahilagppa honaɗtte.

Matyu 18:20

Ao, danab aɗit, o ewam aakkuib ag da onilppa, aben adekkuppa qagmekkulag amu, da ele ag oolagppa daakkul,” awa aum.

Matyu 28:20

Ag keeke oh da ag amelagppa haknunab ami amu, ag amu oh ele ippuanatteg! Ag doyeg! Da haen oh ag ele daapput ukkeb, gog tak haenppa batakku,” awa aum.