Aisaia 4:1 - Nobonob Baibel

¹ Haen amuppa geha ah eblaih aɗit ele ag danab laippu laa aɗaglag. Ag aɗan, ag inam amegppa akkulag. “⌊Ig igakka nug gumat daagnignu elele.⌋ Ig igakka, anen anen ee ihinig latata, amu ig igakka anen anen lamen ihinig ele takkagnig. Amge ig am danab laa ii aomut amunu, ig uɗa nak nau guittak ele doottem. Anam amunu, uɗa nak nau guittak ele amu iitta mekkunu amu, na ig gamunig daakkutnu oɗ medattem,” aon akkulag.

Aisaia 4:1 ပူးပေါင်းရင်းမြစ်များ

Genesis 30:23

Anam dayeye amu, nug Jakop ele oiyya, nug oo ele daya, nug nid danab menua, nug aum. “Kayak Nug dahil uɗa nak nau guittak ele he, iitta meum,” awa aum.

2 Samuel 6:23

Amu Saul aɗeg Mikal nug haen amu ii nak nug nid laa ii menuom, amu dimppa ele ii menuewe ukke, mauhom.

Aisaia 10:20

Amu haen amuppa am inam bekku. Israel danab ah ag oɗo yaak danab ah ⌊daaglag⌋. Ge, Jakop buɗub laippu laippu qagaiettakppa ii mauhadppig amu, ⌊ag daaglag⌋. Ag daanna, ag wanppanu okkai laa nug eheɗ hattom ele, ag nuhignu ehanittak aoglagnu ii dabmemana. Iitta. Haen amuppa Israel ag Yawe, Israel dilag Kayak Oppiaawak Ele, Nug ag ehanadkkunu ag genabnab Nug onigppa enana, ameg mekkulag.

Aisaia 13:12

Da heppi, geha danab ah kuɗum ag mauhkulag; am gol ena dubuttid iitta ele kuɗum wanppa ii daatte, amubia danab ah laippu laippu geha daaglag. Ao, da geha heppi, danab ah mauhkkulag; Opir appanu am gol enanag daatte, amge gol amubia wan laalappa ii daatte, Opir appa ele kuɗum ii daatte, amubia danab ah laib laibnab geha daaglag.

Aisaia 17:7

Haen amuppa danab ah diig ohnu ag geha laa ag hattom ele ehanadkkunu neekkidkkulag. Ao, ag Israel dilag Kayak Oppiaawak Ele, ag Nug ehanadkkunu ag amelag human, Nug neekkidkkulag.

Aisaia 2:11

Amu Yawe Nug anam uɗia, Nug beɗuppa tak danab oh onilag qeeb nekku. Nug heeb, dada danab ag nena qekkulag. Yawe Nugib haen amuppa onig okkai, binag ele daakku.

Aisaia 2:17

Am haen amuppa Yawe Nug beɗuppa tak danab tabatteb nona, uɗalag nekku. Ao, haen amuppa Yawe Nug dada danab ah onilag qeeb nekku. Nigul oh danab ag binalag metteb amu, ag oh iitta mekkulag. Yawe Nugib haen amuppa onig okkai, binag ele daakku.

Aisaia 3:6

Amu haen amuppa danab laa nug ukka, awag o amag diig laippu ele, nug nug amegppa inam akku. “Na saket ele amunu, na ihinig ikki danab daakkut. Na ihinig ikki danab daanna, kinipan ameg okkai hume tak imu oh na geha gumanna, ⌊ig ehanigkkut⌋,” awa akku.

Aisaia 54:4

Ag baula uɗa nak ii doomna amunu, ag aib baɗappig. Ao, danab laa ag baula heppeg, ag laa noolagppa uɗa nak nau guittak ele ii doomna amunu, ag dabmak kuɗum aib aoppig. Aɗinu? Yawe Nug heeb, uɗa nak ag nid, nid ahin bau daan, kobol kobol heppignu dootteb amu, ag uɗa nak amu daulag atikku. Ao, Yawe Nug heeb, ag ah laa, gamu mauhe, daɗek nau dayaya oiye, danab laa nuhignu nai nau appig, amubia laa ag ahilagnu madippig amu, ag nai amu baula dab-ii-memana,” awa atte.

Jeremaia 15:8

Kekeɗ ag danab kuɗum aqadppeg, ah qab huanak, kuɗumnab, abuɗ yu ihippa daatte, amu eɗittak daaglag. Kekeɗ ag danab ah keeke amunu ii dabmetteb haenppa, ag nid bau, ag anilkad ele aqadkkulagnu pahanab ahaglag. Ge, da heppi, baɗak eheɗ nau ele, guittak okkainab ele pahanab nid bau, ag anilkad ele dilagppa uɗiglah.

Luk 1:25

“Naɗi Nug dahilnu oo doye ehaniɗa, uɗa nak dahil danab oh amelagppa oppiom,” awa aum.

Luk 21:22

Aɗinu? Haen amu Kayak Nug ahilag eheɗ hak nob eɗua madakku. Kayak naippa nai amunu daatte amu, nai amunu meu bekku.

2 Tesalonaika 3:12

Amu Naɗi Jesus Kristus onigppa ig haknunab nai imuppa, dabmak maɗettaknu nai imuppa ele, ig danab kobol ena ii hetteb ele amelagppa inam attem. “Ag toɗoɗugna daanna, ag akka ee awaknu uɗat henana, amuppa ag ee aon laig!”

1 Samuel 1:6

Yawe Nug he, Hana nug nid aokkunu elele iitta amunu, Elkana wau laa Penina, nug Hana awa awa qedatta, nug Hana nid aokkunu elele iittanu uug nau dookkunu, nug amunu ge iitta mattieye, Hana nug genab oo uug ele dayom.