Aisaia 39:3 - Nobonob Baibel

³ Hesekaia nug anam he, propet Aisaia nug aha, King Hesekaia toppa ukka, oɗ metta aum. “Danab uɗippig ele amu, ag aɗi nai madippig? Ag adeppan uɗippig?” awa oɗ mettom. Aisaia nug anam a, Hesekaia nug aum. “Ag umanunab uɗippig. Ag da aniɗkkulagnu Babilonnu uɗippig,” awa aum.

Aisaia 39:3 ပူးပေါင်းရင်းမြစ်များ

2 Samuel 12:1

Yawe Nug ena ii doyom amunu, Nug he, propet Natan nug aha, Dawit toppa ukka ta, nug amegppa aum. “Aab laappa danab aɗit daapiɗ, laa am enub danab, laa am daɗek danab.

2 Stori 16:7

Amu haen amuppa propet danab Hanani nug Juda dilag king Asa gumitta ta, nug amegppa aum. “Na Yawe, nahip Kayak, na Nug ehanidkkunu ii dabmeme. Iitta. Na Aram ag na ehanidkkulagnu dabmeme. ⌊Aram ag nahipad kekeɗ,⌋ na ahilagppa ehanittak awaknu ii helom, na ag eɗadppe, ag na eppenppa daalob.

2 Stori 19:2

Hanani bekka Jehu, nug propet amu, nug aha, King Jehosapat uɗa ta, nug amegppa aum. “Na danab nau ehanidkkut am enate? Na laa nug Yawenu nau ninig ele doottenu oo mauhak dookkut am enate? Na anam heme amunu, Yawe Nug nahipnu oppoɗi bak dootte.

2 Stori 25:15

Nug anam heum amunu, Yawe Nug Amasaianu oo huanak nauhom. Nug oo huanak nauhe, Nug propet laa me ukka, propet amu nug Amasaia amegppa aum. “Kayak hambuppuak amu ag ahilkad danab ah na eppenppa padal memananu ehanadkkulagnu elele iitta daappig amunu, aɗinu na kayak amu ag ulum nai mettaglagnu oɗ madattem?” awa oɗ mettom.

Aisaia 38:1

Haen amuppa amu, Hesekaia nug oɗe ma, nug mauhkkunu miagnab dayeye, Amos bekka propet Aisaia nug aha, gumitta ukka, amegppa aum. “Yawe Nug atte. ‘Na mauhkkut amunu, na nahip keeke oh bappaidna, na mauhkkut. Na eɗun ena ii daamna,’ ” awa aum.

Aisaia 38:5

“Na gona, Hesekaia amegppa inam appe doyaɗ! ‘Yawe, Nug am na alan Dawitnu Kayak amu, Nug atte. “Da unuqittak nahip doyen, nahip gayak ele doomi. Da bau dayak nahipnu haen tuɗidppi, na paha ii mauhmana. Iitta. Na maɗ 15 baula daakkut.

Aisaia 39:4

Awa a amu, Aisaia nug oɗ mettom. “Ippa nahip lag enanagnabppa ag aɗi anidppig?” awa oɗ mettom. Nug anam oɗ mette amu, Hesekaia nug aum. “Dahil lag enanagnab, ippan keeke oh ag anidppig. Da keeke laippu laa, dahil en lakka daatte amu, da keeke anam laa ii lokkummi. Da dahil keeke oh ippunadmi,” awa aum.

Jeremaia 4:16

Amu Yawe Nug atte. “Ag wanppan wan ohppa danab ah amelagppa inam appeg doyeg! Ge, Jerusalem appa ag appeg doyeg! ‘Wan umanu daup ag uɗitteb. Ag Juda dilag aab oh eɗadkkulagnu dabmenana, ag bannu ewak aakku etteb.

Jeremaia 5:15

Amu Yawe Nug inam ele atte. “O Israel danab ah, da wan umanunabnu daup ag banelag uɗiglagnu hettem. Wan amuppan danab ah ag memetalkad anukkanab wan amu aoppig daatteb. Huu amu ag aguppaib daatteb; ii iitta metteb. Ag Israel, ag danab amu dilag nai ii dootteb. Ao, ag ahilag mattiak am, ag oolag ii maidtte.

Jeremaia 8:19

Da ele tiinig laippu ag wan laa, umanab daatte, ag appa gaanna daatteb. Ag gaanna, “Yawe Nug Sion appa ii daattete? Ao, ahilag King, Yawe, Nug gemu appa ii daattete?” atteb, amge Yawe Nug nob ma atte. “Ag kayak hambuppuak dottolkad noolagppa dup nona binalag meppig amunu, da oppoɗil beum. Ao, ag dottolkad wan laih laihnu, ag ehanadkkulagnu elele iitta, ag amu noolagppa dup nona binalag meppig amunu, da oppoɗil beum. Ag anam aakku heeg, bu anam aakku aoppig. Ag aɗinu anam heppig?” awa atte.

Duteronomi 28:49

Yawe Nug wanppan wan laanu danab, ag am atu umanabnu amu, Nug ag diia uɗikku. Danab amu ag ai igel, doɗ nakok laa aokkunu notte amubia hekkulag. Am ag danab amu nailag madippeg doon, oolag ii maidkku.

Josua 9:6

Ag Gilgal appa Israel dilag haen tutu dayaknu aab kalakppa tena, amu ag Josua, am Israel danab ele inam iikku amelagppa appig. “Ig ag ele maɗoɗ daagnignu, ig nug tituanta nai qakkagnignu oɗ mattagnignu wan umanabnu ahat uɗimut,” aon appig.

Josua 9:9

Josua nug anam a, ag nai nob mena appig. “Ig, ig ahilkad maɗi nid amu, ig Yawe, ahilag Kayak, ig Nug onig okkainu doomut amunu, ig wan umanabnu uɗimut. Ig Yawe, ahilag Kayak, nuhig hak ɠagattag, Isip appa heum amu doomut amunu, ig uɗimut.