Aisaia 38:5 - Nobonob Baibel

⁵ “Na gona, Hesekaia amegppa inam appe doyaɗ! ‘Yawe, Nug am na alan Dawitnu Kayak amu, Nug atte. “Da unuqittak nahip doyen, nahip gayak ele doomi. Da bau dayak nahipnu haen tuɗidppi, na paha ii mauhmana. Iitta. Na maɗ 15 baula daakkut.

Aisaia 38:5 ပူးပေါင်းရင်းမြစ်များ

1 King 15:4

Amge Yawe, Dawitnu Kayak, Nug Dawitnu dabmak anuqak awawa, nug buɗubppanu danab laippu laa nug Nug noobppa haen oh Jerusalem appa king daakkunu Nug he, Abaiya nug bekka ⌊king daakkunu⌋ menue daye, Yawe Nug ele he, Jerusalem ɠagattag dayom.

1 King 8:25

Am gemu Yawe, na ig Israel, ihinig Kayak, da na oɗ medattem. Na nai ana qakkak laa da mamel Dawit, nahip maɗi nid, na nug amegppa ame amu, na amunu ele heppe bekkunu oɗ medattem. Na nug amegppa inam ame. ‘Dawit, na begapad ag na hettem bia, ag haen oh da pehettak dim lamiɗna, da noolppa oiglag dayeb, geha haen oh da heppi, na buɗunppanu laa ag anen anen ahilag haenppa Israel dilag king bena, sia kingppa daaglag,’ aon ame.

2 King 18:13

Hesekaia nug Juda dilag king dayaya, nuhig king dayaknu maɗ 14ppa Asiria dilag king Senakerip, nuhikkud ban danab ele ag banelag uɗin, Juda eɗadnana, ahilkad aab ɠagattag aɗ ele amu oh aoppig. ⌊Amge aab okkai Jerusalem amu, ag amu ii aoppig.⌋

2 King 18:2

Hesekaia nug maɗ 25 dayaya, nug king ba dayom. Nug king ba, nug maɗ 29 Jerusalem appa king dayom. Nug anig am Sekaraia aɗeg Abaiya.

2 King 19:20

Hesekaia nug anam unuqitta male, Amos bekka Aisaia nug nai imu Hesekaia dookkunu me ukkom. “Yawe, Israel dilag Kayak, Nug inam atte. ‘Na Senakerip, Asiria dilag king, na nuhig nainu da unuqiɗe, da unuqittak amu domi.

2 Stori 34:3

Josaia nug king dayaya, nuhig king dayaknu maɗ eblaih aɗitppa nug nid bau dayaya, nug digma, nug memetab Dawitnu Kayak antta dim lamidkkunu Nug mattiom. Nug king dayaya, nuhig king dayaknu maɗ 12ppa amu, nug digma, nug aabaabppanu mettid lag nakok, kayak hambuppuak Aserah dabmekkulagnu biidod, kayak hambuppuak dottolkad adppa hak, amu kayak hambuppuak dottolkad aenppa keeke, hak ele, keeke amu oh Juda wanppa, Jerusalem appa ele daamnanu, amu oh oppiak ele daaglahnu uɗat heum.

Job 14:5

Danab nug wanppa haen gane daakku amu, na Kayak, na keeke amu matu dabmena malame. Ao, nug kalam gane wanppa daakku amu, na amu aakku ana malame. Ge, na amunu ae, nug haen amu eɗidkkunu elele iitta daatte.

Sam 116:15

Yawe Nug danab ah nuhikkud ag nuhignu oo metta ii uuak kobol dim lamidtteb ele, Nug amu dilagnu oo mauhtte. Ag mauhegeg, Nug keeke hamu, keeke nakokib iinab dootte.

Sam 147:3

Nug danab ah ag oo doyak okkai, naɗi dootteb ele ehanatte, ag eɗun, ena daatteb. Ao, Nug danab layag baegppa ihi keeke ele itatte bia, Nug ag atognoadtte.

Sam 39:12

“O Yawe, na dahil unuqittak dookkutnu oɗ medattem. Na dahil gayak imu dookkutnu unuqidttem. Na dahil gayak imu ii dokkutnu ool ii daatte. Aɗinu? Wan imuppa da wan laihnu danab; aab diig danab iitta daattem. Da mamelad aɗi, ag ele anam aakku daappig.

Sam 56:8

Na dahil oo doyak amu oh anidme. Ao, na da amel leb am nippudppa itame. Ge, na buk itoɗiak nahip-ppa amu oh anen anen yaan aome.

Sam 6:9

Da Yawe Nug ehaniɗkkunu gayak hei, Nug doyom. Yo, Nug dahil unuqittak doyom.

Eklisiastis 3:3

Danab aqeb mauhkkulagnu haen daatte; danab ehanatteb, eɗun ena daaglagnu haen ele daatte. Danab keeke loppaɗkkulagnu haen daatte; danab ag keeke buuglagnu haen ele daatte.

Aisaia 37:21

Hesekaia nug anam unuqitta male, Amos bekka Aisaia nug nai imu Hesekaia dookkunu me ukkom. “Yawe, Israel dilag Kayak, Nug inam atte. ‘Na Senakerip, Asiria dilag king, na nuhig nainu da unuqiɗme amunu,

Aisaia 38:4

Hesekaia nug amu he, Yawe Nug nuhig nai imu Aisaia mettom.

Gayak Nai 3:56

Da na oninppa einne, da ami. “Na daut ii ituna, na dahil ewak dookkutnu oɗ medattem”; da anam unuqitti, na nai dahil amu doome.

Matyu 22:32

‘Da am Abrahamnu Kayak, Aisaknu Kayak, amu Jakopnu Kayak ele,’ awa aum. Kayak Nug danab mauhppig dilag Kayak ii daatte; Nug danab bau daatteb dilag Kayak daatte,” awa aum.

Luk 1:13

Oo baɗom amge engel nug Sekaraia amegppa aum. “Na aib baɗame. Unuqittak nahip amu, Kayak Nug aakku doyom. Na waat Elisabet nug geha nid danab menueb, na nid onig Jon ataɗkkut.

Aposel 27:24

nug aum. ‘Pol na aib baɗame! Na am gona, Sisarnu hettoɗiakppa nug noobppa hippaidkkut. Am doye! Danab oh na ele uubppa daatteb amu, Kayak Nug unuqittak nahip doyom amunu, geha ag ele ii mauhmana,’ awa aum. Nug anam awa, da amelppa aum

2 Korint 7:6

Amge Kayak, Nug danab oo uug ele oo mak medatte amu, Nug he, Taitus gumikka uɗie, amuppa ig oonigppa oo mak doomut.

Revelesen 7:17

Aɗinu? Sipsip Nag Nug gamagppa sia king ⌊anuqak⌋ guguittak daatte amu, Nug ahilag gumak danab ena dayaya, geha gumattebeb gona, moɗ laappa, le qeppuɗia bette ele, amuppa ag bauklel le aoglag. Amu Kayak nug geha amelag leb oh amelagppanu obikku,” awa aum.