Aisaia 38:1 - Nobonob Baibel

¹ Haen amuppa amu, Hesekaia nug oɗe ma, nug mauhkkunu miagnab dayeye, Amos bekka propet Aisaia nug aha, gumitta ukka, amegppa aum. “Yawe Nug atte. ‘Na mauhkkut amunu, na nahip keeke oh bappaidna, na mauhkkut. Na eɗun ena ii daamna,’ ” awa aum.

Aisaia 38:1 ပူးပေါင်းရင်းမြစ်များ

2 Samuel 12:22

Ag anam oɗ mettaeg, Dawit nug amelagppa aum. “Nid amu nug bau dayeye, da, ‘Yawe Nug dahilnu oo gai-iitta doya oo meɗa ehaniɗeb, nid iitai mauhkku,’ dabmemi amunu, da ee ohnu kud mein daye gaami.

2 Samuel 17:23

Ag anam mataɗppig, amge Ahitopel nug Apsalom nug nuhig ulum nai ii dim lamittom antta, nug donki nuhig gomeppa dayaknu keeke qakka, nug donki attan ta nug appag diigppa gokkunu ukkom. Nug ukka, nug laugppa Gilo appa teum. Nug ta, nuhig keeke oh babaitta mala, nug nugakka muɗi laa awa, baagppa qakke dayeye, nug beɗu aiha, nug mauhom. Nug anam he, ag nug gaɗa mamegnu boumak abenppa boumppig.

2 Stori 32:24

Haen amuppa amu, Hesekaia nug oɗe ma, nug mauhkkunu miagnab dayaya, nug Yawe unuqittom. Nug unuqitte, Yawe Nug Hesekaia eɗua ena daakkunu uɗat naɗi Kayak Nug heumnu at daatte laa ha mettom.

Eklisiastis 9:10

Na gemu bau daattem amu, na haen imuppa aɗi uɗat hekkutnu anidkkut, na nahip ɠagattag ohppa he! Aɗinu? Na moɗppa gokkutnu oittem amu, appa danab laa nug uɗat laa ii hette, nug keeke laa hekkunu maittak ii aotte, appa doyak laa ii daatte, doyak dabmak ena ele laa ii daatte.

Aisaia 1:1

Juda dilag king Usia, Jotam, Ahas, Hesekaia ele ag haen anen anen king daaegeg, Yawe Nug Juda danab ah oh, laa Jerusalemnu, laa Juda wanppa laih laihnu amu, Nug amu dilagppa aɗi bekkunu Amos bekka Aisaia miagib ippunittom amu, amunu nai am iikku.

Aisaia 37:2

Amu nug Eliakim, nug kingnu lag enanagnab gumom, Sepna, nug am nai yaak danab, amu mana mettak danab anuqak ele ag oh lamen heɗiag ele maadna, ag ahan, Amos bekka, Aisaia toppa gokkulagnu a, ag goppig. Aisaia nug am propet.

Aisaia 37:21

Hesekaia nug anam unuqitta male, Amos bekka Aisaia nug nai imu Hesekaia dookkunu me ukkom. “Yawe, Israel dilag Kayak, Nug inam atte. ‘Na Senakerip, Asiria dilag king, na nuhig nainu da unuqiɗme amunu,

Jona 3:10

King nug anam a, danab ah ag anam heeg, Kayak Nug amu antta, Nug ag ahilag eheɗ hak uuppig ele anatta, Nug ahilagnu oo bodoetta, le me, Nug he, ag padal ii meppig.

Jona 3:4

Amu Jona nug aab okkai ooppa digma oiyaya, deɗ amuppa nug digma huana ewawa, danab amelagppa inam aum. “Deɗ 40 maleb, Yawe heeb, Niniwe padal mekku,” awa aum.

Aposel 9:37

Amu Pita nug Lida dayeye, haen amuppa ah amu nug oɗe awa mauhe, laa ag mauhom gaɗa amu le laaidna, lag oo attan laa amuppa meeg dayom.