Aisaia 32:5 - Nobonob Baibel

⁵ Laa nug Kayak dab-ii-mette, Nug ele dim ii lamidtte ele amu, laa ag nuhignu baula, “Danab enanag,” ii amana. Amu laa ag danab nug kobol eheɗ kuɗum hette ele, ag nuhignu, “Ig nuhignu ena elelenab doottem,” baula ii amana.

Aisaia 32:5 ပူးပေါင်းရင်းမြစ်များ

Sam 15:4

ag danab kobol uɗig wak hetteb ele dilagnu ena iinab dootteb, amge ag laa, ag na Yawe, ag nahipnu ebehilag oh bodoetta le mette ele, ag amu dilagnu binalag metteb, ag aɗi keeke hekkulagnu ahilag nai ɠagattag qena appig ele amu, ag nai amu dim lamidkkulagnu guittak doottebtai, amge hetteb,

Aisaia 32:7

Danab nau nug nau hak kobol dim lamidkkunu hette. Nug eheɗ hekkunu lokkumakppa dabmaama, maittak eheɗ awa, daɗek danab heeb nauhkkulagnu hik qeeqe dabmette. Daɗek danab ag eheɗ laa ii heppig, ag tutukkuib henan daaegeg, danab nau nug heeb nauhkkulagnu anam hette.

Aisaia 5:20

Danab ah aun aɗi, ag nau hak kobolnu, “Am kobol ena,” atteb, ag kobol enanu, “Amuam nau hak kobol,” aon atteb, ag gatatunu, “amahlak,” atteb, amahlaknu amu ag, “gatatu,” atteb, ag keeke oɗenig mua qette ele amu, ag amunu, “Ubuhi ena ele,” atteb, keeke ubuhi ena ele amu, ag amunu, “Am mua ele,” atteb, ahilagnu amu gadonnab gadon. ⌊Ag padal mekkulag.⌋

Malakai 3:18

Anam aakku beeb, ag baula aɗi keeke laa genab tutukku hak danab dilagppa bette, amu aɗi keeke, nau hak danab ele dilagppa bette, keeke amuam piɗe piɗe, ag amu anidkkulag. Ao, ag baula aɗi keeke laa danab ag Kayak waappa daan, Nug oɗe dim lamidtteb dilagppa bette, amu aɗi keeke danab ag Kayak waappa ii daan, Nug oɗe dim ii lamidtteb dilagppa bette, keeke amuam piɗe piɗe, ag amu anidkkulag,” awa atte.

1 Samuel 25:25

O naɗi, da na oɗ medattem; na Nabal, nug am danab nau amu, na nai nug mettom am aib dabmeme. Aɗinu? Nug onignu diig eɗuak amu inam, ‘Danab nug Kayak dab-ii-maama ii dim lamidtte ele.’ Nug onig eɗuak am anam, amu eɗuak amuam genab, nug am danab anam ele aakku. Kobol nuhig ele amu, am anamib. Amge dahilnu amu, da na, dahil naɗi, da nahipad danab na ag amelagppa ae, ag ig gumigna goppig amu, da, da maɗi ah nahip, da danab amu da ag ii anadmi.