Aisaia 32:2 - Nobonob Baibel

² Haen amuppa kobol inam bekku. Danab okkai amu oh ag gilil ulah qehagtte bia daaglag. Ao, ag ulah huanak uɗieye, danab nug padal mak eɗitteb ena dayaknu abenppa ukka daatte, ag aben amubia daaglag. Okkai danab amu ag atu taɗak, le iitta ele, ag appa le laa noa gotte bia daaglag. Ao, ag wan laappa, aam gakkaɗak naunab nau neene, danab nug men okkainab logoppa ukka daatte, ag lokko amubia daaglag.

Aisaia 32:2 ပူးပေါင်းရင်းမြစ်များ

Sam 143:9

O Yawe, na da dahil kekeɗ dilagppan ehaniɗppe, qagaiettak amuppa daapanu oɗ medattem. Na da lokkumiɗkkutnu da oole, nagattoppa uɗittem.

Sam 32:7

Na aakkuib na dahil lokkumak aben, dahil guppiɗ ele daattem! Ao, na da ehaniɗe, nauhakppa ii daattem amunu, diig amunu da ehanittak nahip-ppanu ahi edattem.

Sam 63:1

O Kayak, na dahil Kayak, da ool unuqagppanu na anitten dim lamidkkulnu na madittem. Da na ele daagnihnu ool okkai daatte. Da meul ohppa danab nug aben le iitta, atu qaɗaiettakppa oiyaya, lenu oo daatte bia, da na ele daagnihnunab ool okkai daatte.

Sam 91:1

Laa nug Kayak Attannab Laa Oh Eɗattak guppiɗ dimugppa daatte amu, nug Kayak Nukka Ɠagattag Oh Ele, nug nuhig dabmettak waappa daakku.

Aisaia 12:2

Genab, Padal ii maknu ehanittak oh da aomi amu, Kayak Nug ehanittak amu oh diig daatte; da nuhignu oolppa genab doye, da geha ii baɗapa. Aɗinu? Yawe, ao Yawe, Nug am ɠagattag dahil. Nug uɗat ena hette, diig amunu da gamag ahak ahi edattem; Nugib dahil Padal ii maknu ehanittak daye, da padal ii memi.” Ag laib laib geha anam ahi ettaglag.

Aisaia 16:3

⌊Amu Juda dilag okkai na,⌋ na ulum nai matte! Na nai doya mala hettoɗia epeɗia elele mettak kobol dabmenan he! Danab ah ag aam gakkaɗaknu aam ameg tutukkuppa ad ilonppa hik aon daatteb bia, na ad lokko gatatu manak laa bia ahilagnu daye! Moap danab ah ag oolna, laih daaglagnu gokkulag ele amu, ag aben ena amuppa gona daappeg, na ag lokkumatte! Na aben amu kekeɗ aib ippunadme!

Aisaia 25:4

Aɗinu ⌊ag anam hekkulag⌋? Na daɗek danab dilag padal mak eɗitteb ena dayaknu ehanittak dayeye, uug haenppa ag ena daappig. Ao, danab ah keekenu tutu mak daan oitteb ele amu, ahilag uug nau ag tonattette, na ahilag padal mak eɗitteb ena dayaknu ehanittak dayeye, ag ena daappig. Danab ag laanu oo doyak ii doon nau hadatteb ele amu, hak ahilag am ulah ɠagattag uɗia, aɗ duttune ⌊na qette⌋ bia daatte.

Aisaia 28:17

Da amu hekkulnu amu da nai doya mala hettoɗia epeɗia elele mettak kobolib dim lamidkkul. Ao, da genab tutukku hak kobol dim lamitten hekkul. Ag kayak hambuppuak dilagnu, ‘Ag am padal mak eɗitteb ena dayaknu ehanittak ihinig daatteb’ atteb, amge gu, ulah huana ele uɗiya heeh, keeke nauhtte, amubia dabmak hambuppuak amuam iitta mekku. Ao, ag kayak hambuppuak dilagnu, ‘Ag am ihinig lokkumak aben daatteb’ atteb, amge le ui naɗi keeke oh ihe gotte bia, dabmak hambuppuak amuam nauhkku.

Aisaia 41:18

Da qauko attan, appa ad keeke ii daatte amu, da appa heppi, le noa gokku. Ao, oolnu noakppa da heppi, le qeppuɗia bak kuɗum daakku. Da heppi, atu taɗakppa le gottu kuɗum daaglag. Ao, atu taɗakppa, wan huana qaɗaiedatte, aben amuppa da heppi, le qeppuɗia bak kuɗum daakku.

Aisaia 43:19

Antteg! Da keeke bau hettem. Keeke amuam geha iikku bekkun daatte. Ag iite anidtteb? Da atu taɗakppa ib laa madakkul. Ao, da wan meu waknu nakokib elele, da appa le hadappi gokkulag.

Aisaia 43:20

Da danab ah dahilad, da ag tituanadmi amu, da ag le lakkulagnu atu taɗakppa le hadakkul. Ao, da danab ah dahilad ag le lakkulagnu, da wan meu waknu nakokib elele, appa da le hadappi gokkulag. Da amu hekkul amunu, doɗ dakkuɗ digdig, doɗ jakal, aria hipunai ele, ag le amu lanana, ag dahilnu oolag gamag ahebeb, ag dahilnu, ‘Ena hen mekkame,’ bia dooglag.

Aisaia 44:3

Aɗinu ⌊ag ii baɗamnanu attem⌋? Da heppi gu huana wan qaɗaiettakppa na, leppu medakku. Ao, da heppi, gu huana neeb, le naunau kuɗum wan qaɗaiettakppa gokkulag. Da anam hekkul amu, anamib da dahil Ouɗi ag buɗulkad madakkul. Ao, da dahil itittak ena ag buɗulkad madakkul.

Aisaia 7:14

Na atnu oɗmak hekkutnu uume amunu, Naɗi Nug nukka geha at laa na ippunidkku. At amuam inam. Ah makkun laa nug oo ele daya, geha nug nid danab menua, nid onig Imanuel ataɗkku.

Aisaia 9:6

Aɗinu? Ihinigppa ah laa nid danab menukku. Ge, nid amu Yawe Nug ihinignu meeb uɗikku. Nug ihinig king daakku. Nug onig anaknu laala inam: Ulum Ena Mettaknu Danab Enanagnab, Kayak Nukka Ɠagattag Ele, Mamenig Hanhannu, King Maɗoɗ Ele.

Jeremaia 33:14

Amu Yawe Nug atte. “Deɗ laa uɗitte amu, deɗ amuppa da aɗi nai enanag dahil ɠagattag qetten, Israel danab ah, amu Juda danab ah ele amelagppa ami amu, deɗ amuppa da heppi, meu okku.

Gayak Nai 4:20

Amu danab laa, Yawe nug ihinig king daakkunu goɗen gokkaɗakppa tituane, ig ehanikka auta autanab awom amu; kekeɗ ag ahilag pelem meeg, nug amuppa teum. Ig nuhignu, “Ig nug waappa daat; wanppan wan laa oh oolagppa ena daagnig,” dabmemut, ⌊amge iitta⌋.

Sekaraia 13:7

Yawe Nukka Ɠagattag Oh Ele Nug atte. “Qep elab, na ahan, dahil sipsip gumak danab qe! Ge, qep elab, na danab da gukkuiɗak daatte ele qe! Qep elab am sipsip gumak danab qeeb amu, sipsip, ⌊dahilad danab ah amu,⌋ ag oolna, matatun gokkulag. Anam, amge da dahiladnab sipsip gumak danab sipsip nakkud bekkadtte bia atognoadkkul.

Jon 7:37

Hobul amu malaknu deɗ beum, deɗ amuam hobul amunu naɗinab amu, haen amuppa Jesus Nug hibaitta, baag okkaippa ewa aum. “Danab laa nug le baag diieb amu, nug da gumiɗa uɗia, le lanaɗ!

1 Timoti 3:16

Genab, ig Kristen tamaniakppa daattem, ig doyak laa aɗattem, amu doyak amuam lokkumak dayeye, gehaib miag atiom. Doyak amuam unuqagnab ele daatte. Doyak amuam inam. Jesus Nug danab beɗu awa, miag atia beum. Kayak Ouɗi Nug ig Nug tutukkunab ippunikke, engel ag Nug ele anidppig. Nuhig nainu mehuqak am wanppan ɗo maɗoɗppa ukke, wanppanu danab ah ag oolagppa genab dooppig. Kayak he, Nug hab aabppa teum.

Revelesen 22:1

Amu dimppa engel nug le laa, le amuam bauklel le, nug le amu ippuniɗom. Le amuam men onig kristal, dubuttid nakok laa iitta, amubia dubuttid nakok laa iitta ele daatte. Le amuam Kayak amu Sipsip Nag ele, ahilah sia kingppanu ba