Aisaia 3:6 - Nobonob Baibel

⁶ Amu haen amuppa danab laa nug ukka, awag o amag diig laippu ele, nug nug amegppa inam akku. “Na saket ele amunu, na ihinig ikki danab daakkut. Na ihinig ikki danab daanna, kinipan ameg okkai hume tak imu oh na geha gumanna, ⌊ig ehanigkkut⌋,” awa akku.

Aisaia 3:6 ပူးပေါင်းရင်းမြစ်များ

Aisaia 3:7

Nug anam akku, amge haen ⌊nau⌋ amuppa geha nug awag o amag nug aha hibaitta, nug amegppa akku. “Da ahilag okkai ii daapa. Da na, laa ele, da ag ehanadkkulnu ib iitta. Da ele laulppa ee ele iitta, lamen ele iitta amunu, ag aib da ahilag ikki danab daakkulnu otiɗpig,” awa akku.

Aisaia 4:1

Haen amuppa geha ah eblaih aɗit ele ag danab laippu laa aɗaglag. Ag aɗan, ag inam amegppa akkulag. “⌊Ig igakka nug gumat daagnignu elele.⌋ Ig igakka, anen anen ee ihinig latata, amu ig igakka anen anen lamen ihinig ele takkagnig. Amge ig am danab laa ii aomut amunu, ig uɗa nak nau guittak ele doottem. Anam amunu, uɗa nak nau guittak ele amu iitta mekkunu amu, na ig gamunig daakkutnu oɗ medattem,” aon akkulag.

Jon 6:15

Aria Jesus doyom, ag Nug aɗan heppeg, ahilag king daakkunu heppig amunu Nug aha, qauko laappa nukka ukkom.