Aisaia 27:9 - Nobonob Baibel

⁹ Yawe Nug anam hekku amunu, amu beeb, Israel wanppa kayak hambuppuak qaɗab laa ena ii daama. Iitta. Oh nauhadna autnanab aon, gappud bia daaglag. Israel wanppa kayak hambuppuak Aserah dabmekkulagnu biidod laa qappak ii daama. Amu qaɗab laa, qaɗab amuppa danab ag kalu danab ile muttuɗig enanag bette ele manatteb amu, kayak hambuppuak dilag qaɗab laa amu ele ii daama. Iitta! ⌊Amu beeb, Israel ag ele oolagppa keeke amu uuppeg amu, Yawe Nug⌋ ib amuppa, Nug Jakop buɗub dilag eheɗ haknu nob nau nuhig ɠagattag naɗippa heeb, iitta mekku. Ao, ag hipuninnu nob nau aolob, amge ag ii aomna.

Aisaia 27:9 ပူးပေါင်းရင်းမြစ်များ

2 King 10:26

Ag appa nona, ag Bal laug ooppanu biidod, danab ag amu binag metteb ele amu, ag amu aon, dimittim gona, manaeg ewom.

2 King 23:14

Josaia nug men gappi aoɗe, huppu huppu neeg, kayak hambuppuak Aserah dabmekkulagnu biidod okkulatte neeg, nug danab mauhppig ebehilkad kuɗumnab awa, aben keeke amu daappigppa akke ukkaeg, aben amu oh tonappig.

2 King 25:9

Nug ba he, Babilon dilag daup ag Yawenu mettid lag, kingnu lag enanagnab, amu danab ah onilag ele, nug ag laulkad oh ele Jerusalem appa manatteg eoppig.

2 Stori 14:5

Amu Asa nug Juda dilag aabaab ohppa aabaabppanu mettid lag nakok, amu kalu danab ile muttuɗig enanag bette elenu qaɗab oh ele loppaɗattom. Nug anam ha, king dayeye, Juda danab ah ag maɗoɗib daappig.

2 Stori 34:4

Nug uɗat amu gumaama he, danab ag kayak hambuppuak Bal iɗu iɗu dilag qaɗab loppaɗegeg, nug he, ag kalu danab ile muttuɗig enanag bette ele qaɗab, Balnu qaɗab laa guguittak daappig ele loppaɗadna, ag kayak hambuppuak Aserah dabmekkulagnu biidod, kayak hambuppuak dottolkad laa adppa hak, o aenppa keeke, hak amu, ag amu ele loppaɗatteg nauheg, nug he, ag keeke amu oh maduduɗeg, naunau neeg, ag aon gona, danab ah ag doɗ manadna, kayak hambuppuak amu madappig ele boumppigppa, ag appa boumak aben anen anen qaɗelagppa buɗieg ukkom.

2 Stori 36:19

Babilon dilag daup ag Kayaknu mettid lag, danab okkai okkai laulkad enanagnab ele manatteg ewe, ag appa keeke oh, keeke amu awaknu am daden okkai ele, ele heeg nauhppig. Amu ag aab Jerusalemnu aɗ ele loppaɗeg, nauhakib dayom.

Sam 119:67

Da eheɗ hein, guittak ii aomi haenppa amu, da ib tutukku apiɗitten oimi, amge na bu meɗai, gemu amu da nahip nai dim lamidttem.

Sam 119:71

Da nahip ɗo doye aute awen dabmedakkulnu amu, guittak na meɗame, guittak amuam ehaniɗom; dahilnu am ena.

Eksodas 34:13

Ag nug tituanak ag ele ii hemana. Iitta! Ag danab amu dilag kayak hambuppuak dilag qaɗab amu, ag heppeg nauhatteg! Ag men gappi ahilkad aoɗadna heppeg, iitta meig! Amu ag kayak hambuppuak Aserah dabmekkulagnu biidodnu amu, ag amu okkuladppeg neig!

Prowerb 20:30

Ihi qaɗaietta heehe, keeke nau noa gotte; amubia danab nug eheɗ ha, nug amunu guittak awe, baula hemanu dabmak nug oo unuqagppanu noa gotte.

Aisaia 1:29

Ag ad ok, ⌊ag amu waalagppa kayak hambuppuak noolagppa dup nona binalag metteb,⌋ ag ad amunu enanagnab dootteb ele, ag amunu uɗalag nekku. Genab, ag dad ena ena, ⌊amuppa ag kayak hambuppuak noolagppa dup nona binalag mekkulagnu⌋ tituantteb amu, ag amunu laa noolagppa uɗa nak nau guittak ele dooglag.

Aisaia 17:8

Haen amuppa danab ag geha kayak hambuppuaknu qaɗab ag eppelagppa heppig ele, ag amuppa ehanittak aoglagnu dab-ii-memana. Ao, ag baula kayak hambuppuak Aserah dabmekkulagnu biidod eppelagppa hena, qaɗab kalu danab ile muttuɗig enanag bette ele amuppa main, kayak hambuppuak Aserah mettaglagnu eppelagppa ele heppig amu, ag baula amuppa ehanittak aoglagnu iinab dabmemana. Iitta.

Aisaia 30:22

Amu haen amuppa ag ahilkad kayak hambuppuak dottolkad silwappa hak, golppa hak ele, ag dottolkad amu heppeg nauhppeg, ag dottolkad amunu kinipan nau, beɗak doon, baula anidmananu ag agappeg gokkulag.

Aisaia 4:4

⌊Danab laa ag Israel danab dilagnu, “Ag am Yawenu, oppiaawak ele,” akkulagnu diig am,⌋ Naɗi Nug nuhig ɠagattagppa Nug danab ah amu epeɗiatta, bappalatteb, ag Naɗinu, oppiaawak ele bena daan oiglag. Ib amuppa Naɗi Nug Sion ah oolagnu dubuttid, oolagppa aɗak daatte amu, Nug amu oh iha, oppieb ukkeb, Nug Jerusalem danab ag laa aqaeg mauhppig, ag beɗulagppa aab ele, Nug aab amu oh iha, oppieb gokku.

Aisaia 40:2

Ag baalag bodoettakppa ɠagattag mattanna, dahilad danab ah ag uugppa aakku elele daaeg uɗiom anana, ag Kayak Nug hipunin ahilag uhuqa mattom, ag hipunin heppig, amunu nob amu, Yawe Nug nob amu elelenab aakku ag mattom, ag amu ele appeg doyeg!” awa atte.

Aisaia 48:10

Antteg! Danab nug silwa babaitta epeɗia awak daakkunu uɗat hette. Ao, nug he, silwa aab aɗuppa oppiaawak ba daatte, da amubia ahilagppa hemi. Amge da aab aɗuppa ii hemi. Iitta. Ag ena, oppiaawak ele bekkulagnu da uug digdig laa mattami.

Esekiel 11:18

Israel ag eɗun uɗin daanna, ag kayak hambuppuak dottolkad, dottolkad amuam uɗig wak ele, da dottolkad amunu oolppa uuaknab doottem amu, ag dottolkad amu oh heppeg, ii daamna.

Esekiel 20:38

Da amu heinne, da ag oolagppa aun aɗi ag dahil nai tappaeg nette amu, da ag anatten heppi, laa amu ag eɗun, ahilag wan, am Israel wan, ag appa ii gomana. Da wan laalappanu omaladppi, wan oh dilag atu taɗakppa daaglag, amge ag gona, ahilag wanppa ii daamna. Da amu heppi, ag oh dooglag, da am Yawe,” awa atte.

Esekiel 6:4

Da heppi, kekeɗ ag uɗin heppeg, kayak hambuppuak dilag qaɗab oh ahilagppa daatteb, danab ah ag amuppa doɗ main, kayak hambuppuak madatteb ele, qaɗab amuam nauhna autna aon, nauhak anam daaglag. Ao, da heppi, kekeɗ ag uɗin heppeg, kalu muttuɗig ena ele manaknu qaɗab ahilag ag nauhna autna aon, aoɗak daaglag. Da heppi, kekeɗ ag Israel danab ah, ahilkad kayak hambuppuak dottolkad noolagppa aqappeg mauhkkulag.

Daniel 11:35

Haen amuppa danab doyak dabmak ena ele laala, ag oppiaawak, dubuttid iitta, ag eheɗ hak laa iitta ele daaglagnu, uug anam ahilagppa bekku. Uug amu beeb ukkeb, haen gogppa tekku. Aɗinu? Kayak Nug haen gog tekkunu tituanom amu, haen amuppa am gogppa tekku. Ii baolima.

Hosea 14:8

O Israel, ag dottolkad eppelagppa hak, ag amu dilagnu awaidna dayeg! Da aakkuib, ag dabmadette atognoadttem. Da am ad pain ena laa bia, ⌊ag da waalppa ena daaglagnu elele⌋. Ahilag meu wak am dahilppanu ahilagppa uɗitte.” Yawe Nug anam atte.

Lewitikas 26:30

Da kayak hambuppuak dilag mettid lag nakok ahilag oh loppaɗadppi neppeg, kalu danab ilaeg muttuɗig enanag bette elenu qaɗab oh loppaɗkkul. Da heppi, ahilkad kekeɗ ag aqana, gaɗalag diin, kayak hambuppuak dottolkad qaɗelagppa maadkkulag. Da geha ahilagnu amu ena iinab doopa.

Maika 5:11

Da heppi, ahilkad aab okkai ⌊ban haenppan aɗ ele⌋ amu nauhkkulag. Ao, da ahilag ban haknu aben ɠagattag ele heppi, loppaɗak daaglag.

Sekaraia 13:2

Yawe Nukka Ɠagattag Oh Ele Nug atte. “Deɗ amuppa da heppi, Juda wanppa danab o ah laippu laa nug kayak hambuppuak noobppa dup noa binag ii mema. Diig amunu amu, danab ah ag kayak hambuppuak laippu laa onignu ii dabmemana; oh am daulag atikku. Da heppi, propet ouɗi nau dilag ehanittakppa uɗat hetteb, amunu laippu laa, amu ouɗi nau amu oolagppanu laippu laa ele Juda wanppa iinab daama.

Rom 11:27

Amu da hipunin ahilag oh uhuqen mattoya amu, haen amuppa da nug tituana nai qakkak ag ele hekkunig.”

1 Korint 11:32

Amu haen Naɗi Nug ig aɗi hettem anikka, Nug ihinig hak amu epeɗitta, ig danab Kayak ii dim lamidtteb ele oh padal ii mematanu, ig ena bekkunignu Nug ig tolikka, bu iqaaqa bappaigtte.

Duteronomi 12:3

Ag ahilkad qaɗab loppaɗadppeg neppeg, men gappi oh aoɗadppeg nauheg! Ag kayak hambuppuak Aserah dabmekkulagnu biidod amu maippeg ewebeb, kayak hambuppuak dottolkad amu otaɗadppeg neig! Ag keeke amu oh heppeg iitta meig! Laa nug kayak hambuppuak amu onilkad dabmemanu, ag keeke amu ohnab heppeg iitta meig!

Hibru 12:6

Aɗinu? Naɗi Nug danab laa, Nug ahilagnu oo mauhtte amu, Nug danab amu ena daaglagnu toliatta bu madatte. Ao, Nug danab laa awa, nuhignu, ‘Nid dahil,’ atte ele amu, Nug danab amu ena bekkunu bu medatte.”