Aisaia 27:8 - Nobonob Baibel

⁸ Nug heeb, Israel ag guittak aoglag, amge ag nauhna autnanab ii aomna. Nug heeb, kekeɗ ag uɗin, Israel eɗadna, diin gona maadppeg, Israel ag diia ukka laih me dayak danab ah wan laappa daaglag. Ge! Nug heeb, kaɗag ɠagattagnab uɗia, ad uɗug keeke iwale gotte, amubia Israel ag wan laappa maniguittak bia anam gona daaglag.

Aisaia 27:8 ပူးပေါင်းရင်းမြစ်များ

Job 23:6

Da anam hekkulnu elele dayen, anam helomlob amu, Nug ɠagattag nuhigppa heeb, da nein qekkulte? Iitta. Nug dahil nai doya, naippa nakok laa ii yaaiɗma.

Sam 103:14

Aɗinu? Nug ig bodoettak ihinig attemu amu dootte. Ao, laa am Nug dootte, ig am gappud aakkuib.

Sam 103:9

Nug nai elele ha, malatte; tuɗid ii hette. Nuhig oo nauhak amu haen elab ii daatte.

Sam 38:1

O Yawe, na oot nauhebeb, daul ii batamnanu unuqidttem. Ao, na oppoɗin beeb, na toliɗna, bu ii meɗamnanu oɗ medattem.

Sam 6:1

O Yawe, na oot nauhebeb, daul ii batamnanu unuqidttem. Ao, na oppoɗin beeb, na toliɗna, bu ii meɗamnanu oɗ medattem.

Sam 76:10

Danab ah ag nahip oppoɗi bak eheɗ haknu anidtteb amu, ag na onin humidtteb. Ao, laa ag nahip oppoɗi bak anidna dootteb ele amu, ag nau haknu uutteb.

Sam 78:38

Ag amu heppig, amge Kayak Nug ahilagnu oo gai-iitta doya oo matta ehanatta, Nug ahilag hipunin uhuqa mattom. Nug ag oh ii hatte nauhppig. Haen kuɗum Nug oo nauhak nuhig aɗom. Ao, haen kuɗum Nug ahilagnu oppoɗi bak doyom, amge Nug aɗaɗa, ag bu madakkunu dayom bia ii bu mattom.

Aisaia 1:5

⌊O Israel danab ah,⌋ aɗinu ag nai tappe nak kobol tuɗidna henana oitteb? Aɗinu ag bu baula aoglagnu hetteb? Israel ag nid laa, hibguitta haaha, bu awe, mukki gaɗa laɗue ukke, beɗu laa oh ele ihi mettom, ag amubia nauhppig daatteb. Ao, Israel ag nid laa beɗu oh oɗe ele, amubia ag nauhna autna aoppig daatteb.

Aisaia 10:12

Anam amunu, am inam bekku. Asiria dilag king nug dada danabnab daya haaha, nug ele beɗuppa tak kobol dim lamittatta, nai maditte amunu, Naɗi Nug heeb, Asiria dilag king nug keeke oh Sion qaukoppa Jerusalem appa hekkunu Naɗi Nug ana, nug eppegppa meum ele amu, nug amu oh ha maleb, dimppa geha Naɗi Nug dada ha laa eɗittaknu dabmak awak hak kobol nuhignu, beɗuppa tak kobol nuhignu ele, Nug diig amunu bu medakku.

Aisaia 50:1

Yawe Nug atte. “Danab laa nug wau nuhigppa eheɗ heum doya he, aha gotte amu, da amubia hemi amunu, ag gona, wan laappa maɗi nid daattebte? Iitta! O iitta, danab laa nug laa eppegppanu lon awa, eɗua medakkunu elele iitta amunu, lon mameg nug danab lon awom wau, bekkod ele laanu maɗi nid daaglagnu me, daden mette ele amu, da anam bia hemi amunu, laa ag Juda, ag ag diiadna goppigte? Iitta! Amu ohnu am iittanab iitta! Ag hipunin heppig amunu, ag laa eppegppa daatteb. Ag hipunin heppig amunu, ag gona, diia ukka laih me dayak danab ah wan laappa daatteb.

Aisaia 54:7

“Haen tutunab aakkuib da uuatten, laih daami, amge da ool huana matten, ehanatten heppi, ag eɗun dahilppa dokkulag.

Aisaia 57:16

Amu da hanhan dahilad danab dilagnu nai ii hepa. Da ahilagnu hanhan oo nauhak ii doopa. Aɗinu? Da hanhan nai helom, da hanhan oo nauhak doolom amu, danab ah dahilad ag gai-iitta daalob. Ao, da hanhan nai helom, da hanhan oppoɗi bak doolom amu, danab ah dahilad ag mauhlob.

Aisaia 64:5

Danab ah ag oolag gamag ahe, ib tutukku dim lamidtteb, ag nahip ib daulagppa doowo oitteb ele amu, na ag ehanadkkutnu uɗittem. Amge ig nahip ib uuta, ig tuɗidta, ihinig ib mattat gota, hipunin hemut amunu, na oot nauhom. Amu ig na ippunppa ii gokkunig dayeb amu, attemu ig padal mematanu ehanittak aognig?

Jeremaia 10:24

O Yawe, na dahil eheɗ hak anidna, da padal mepanu na nai doya mala hettoɗia epeɗia elele mettak kobol aakkuib dim lamidna, bu meɗakkutnu oɗ medattem. Na oot nauheb, bu meɗamnanu unuqidttem.

Jeremaia 30:11

Da ag ele daattem amunu, da ag ehanadppi, ag ena daaglag. Da heppi, ag gona, wan laalappa matatun daaglag amu, da wan amu oh hadappi, iitta mekkulagtai. Da anam hekkul oo iitta, amge da ag Jakop buɗub, da ahilagnu anam ii hepa. Da heppi, ag ii iitta memana. Da bu madakkul, amge da ahilag eheɗ hak eleleppa hein, nai doya mala hettoɗia epeɗia elele mettak kobol dim lamitten, ag toliatten, bu madakkul. Amu eɗittak ii madapa. Ag eheɗ heppig amunu, da anam hekkul. Da ahilag eheɗ haknu hamu bia doyen, bu ii madakkulnu ii hepa. Iitta. Da kobol eleleppa madakkul.” Yawe Nug anam awa atte.

Jeremaia 4:11

Amu uug amu beebeb, Yawe Nug Jerusalem danab ah, Juda danab ah ele amelagppa inam akku. “Danab, nuhikkud daup ele uɗitteb amu, ag am ulah gakkaɗaknab atu taɗakppanu dahilad danab ah daattebppa uɗitte bia uɗitteb, amge ulah amuam danab ah ahilag uɗat hekkulagnu ehanadkkunu ii uɗitte.

Jeremaia 4:27

Keeke anam bekku. Aɗinu? Yawe Nug inam awa atte. “Dahil oo nauhak huanaknab am heeb, wan oh nauhkku, amge da heppi, wan am nauha auta autanab ii aoma.

Jeremaia 46:28

Anam amunu, O Jakop buɗub, ag dahilad maɗi nid amu, ag aib baɗappig. Aɗinu? Da ag ele daattem. Da heppi, ag gona, wan laalappa matatun daaglag amu, da wan amu oh hadappi, iitta mekkulagtai. Da anam hekkul oo iitta, amge da ag Jakop buɗub, da ahilagnu anam ii hepa. Da heppi, ag ii iitta memana. Da bu madakkul, amge da ahilag eheɗ hak eleleppa hein, nai doya mala hettoɗia epeɗia elele mettak kobol dim lamitten, ag toliatten, bu madakkul. Amu eɗittak ii madapa. Ag eheɗ heppig amunu, da anam hekkul. Da ahilag eheɗ haknu hamu bia doyen, bu ii madakkulnu ii hepa. Iitta. Da kobol eleleppa madakkul.” Yawe Nug anam awa atte.

Gayak Nai 3:31

Aɗinu nug amu hekku? Naɗi Nug hanhan danab ah di-ii-madatte.

Gayak Nai 3:32

Nug danab ah bu madatte, amge Nug danab ah dilagnu oo mauhaknab okkai dootte amunu, Nug bu mattowa, Nug ele ahilagnu oo bodoetta le mekku.

Esekiel 19:12

Muɗi amu enanag anam dayom, amge laa ag oppoɗilag be amelag kokoɗ eppe, ag hiɗan, wanppa buɗieg ukkom. Ag buɗieg ukka dayeye, kaɗag gakkaɗaknab uɗia he, bunaɗom. Ge, danab ag meu oh aoeg, ulah he, eppeg bunaɗeg, aab ewom.

Hosea 13:15

Epraim danab ah ag am Israel danab ah laa oh oolagppa enatai daaglag, ⌊amge diig amunu da geha ag bu madakkulnu ii uupa⌋. Amuam geha da heppi, kekeɗ ag kaɗag ulah atu taɗakppan, keeke kuɗum he nauhtte ele uɗitte, ag amubia uɗiglag. Le qeppuɗia bette am iitta mekku. Le moɗ ele qaɗaiedakku. Amu geha kekeɗ ag uɗin, ag ag Israel, ahilkad en aɗadna, akkan gokkulag.

Hosea 4:1

O Israel danab ah, ag ahilag wanppa daatteb amu, Yawe Nug ag aakku diia, hettoɗiakppa waum amunu, ag Yawenu nai doyeg! Nug ahilagnu atte. “Ahilag wanppa amu, oo metta ii uuak kobol, oo mauhaknab kobol ele ii daaeheh, ag ele Kayak nakok laa ii dootteb.

1 Korint 10:13

Eheɗ haknu eeɗak laanab ag beɗulagppa ii bette. Iitta. Danab oh aotteb amuib. Amu Kayak Nug hanhan ehanigkkunu oo metta ii uuak kobol dim lamidtte amu, Nug eheɗ haknu eeɗak haenppa ele ehanigkku. Eheɗ haknu eeɗak amu na eɗidmanu Kayak Nug na ehanitta, eheɗ haknu eeɗak okkainab, na eɗidkkunu elele, amu bemanu amu Nug aib akku. Ge! Haen na eheɗ haknu eeɗak aottem ele amu, haen amunab Nug na eheɗ haknu eeɗak waappa daamnanu ɠagattag medakku, amu amuppa Nug eeɗak amu eɗidkkunu ib medakku.

1 Pita 1:6

Gemu haen imuppa ag keeke digdigppa uug dooglagtai, amge ag ehanittak okkai amu aoglagnu daatteb amu, ag amunu maɗoɗppan gamag ahak okkai aotte.