Aisaia 27:4 - Nobonob Baibel

⁴ ⌊Amu Kayak Nug anam mattiowa, Nug inam ele akku.⌋ “Da oo nauhak laa ii doottem. O gadon, uud keeke qaun ele ag grep dad dahilppa appa daaloblob, da ag banelag ukken heppi, aab aɗu am ag oh ewatta maladlo.

Aisaia 27:4 ပူးပေါင်းရင်းမြစ်များ

2 Samuel 23:6

Amuam anam bekku, amge Kayak Nug heeb, danab nau ag nauhkkulag. Aɗinu? Ag qaun danab eppeg he nauhtte, ag amubia daatteb.

2 Samuel 23:7

Danab aun nug uud keeke qaun ele ehalkkunu hette ele amu, nug keeke aenppa hakppa, o banppa ehaltte. Keeke qaun ele amu, ag adeppa daatteb, amuppaib laa nug amote ewa, iitta mette.” Dawit nug anam aum.

Sam 103:9

Nug nai elele ha, malatte; tuɗid ii hette. Nuhig oo nauhak amu haen elab ii daatte.

Sam 85:3

Anukka na ihinignu oppoɗin beum, amge gemu amu, na hee, amu iitta meum. Ge, na anukka ihinignu oo nauhak huanaknab doome, amge gemu amu iitta.

Aisaia 10:17

Yawe, Israel dilag amahlak, Nug aab ewak bia daakku. Ao, Israel dilag Kayak Oppiaawak Ele, Nug aab aɗu bia daakku. Nug anam dayaya, aab uud keeke qaun ele qaɗaiettaknab oh ewe iitta mette, amubia deɗ laippuppa Nug heeb, Asiria dilag daup ag padal mekkulag.

Aisaia 12:1

Haen amuppa amu ⌊Israel danab ah, Juda danab ah ele ag oh laib laib⌋ geha ahi inam ettan akkulag. “O Yawe, na dahilnu oot nauhom, amge gemu nahip oo nauhak amu na uume. Ao, na uunna, nai ena da meɗan oo mak meɗame amunu, da na binan humakkul.

Aisaia 33:12

Danab ah, dahilad kekeɗ daatteb, ag nauhna autna aoglag; aab aɗu he, kin eɗua ka daatte, amubia. Danab ah ag keeke qaɗaiettaknab huan ewawa iitta mette, amubia danab ah ag nauhkkulag.

Aisaia 9:18

Amu nau hak kobol am aab aɗu bia. Aab aɗu keeke qaɗaiettaknab ele ewawa ukka, atuppan ad, keeke laa oh ele ewewe, aab kah huanaknab tette, ⌊amubia hipunin hak kobol am danab ah heeb nauhna autna aoglag.⌋

Jeremaia 29:11

Aɗinu da, Yawe, da anam hekkul? Da ag Juda, da ahilagnu maittak ena laa ele aɗe daattem. Maittak amuam, da heppi, ag maɗoɗ ele daaglag. Da eheɗ hadakkulnu maittak aɗe ii daattem. Da ag, ag ena bena, baɗak iitta daaglagnu dabmak aɗan oiglagnu maittak aɗe daattem.

Esekiel 16:63

Amunu diig am, haen da nahip eheɗ hak ohnu nob nau dahil ehanittak okkaippa iitta mekkunu heppi elele metteb ⌊anidna⌋, na eheɗ huanak hemenu dabmenana, uɗanak nau doon, ⌊na oot eɗueb, da nahip hipunin uhuqen medappi, na uhuqak amu aon,⌋ na nahip hipuninnu baula madikkutnu oɗen ii oppatmana.” Naɗi Yawe Nug anam atte.

Malakai 4:3

Da amu oh heppi bekku, deɗ amuppa ag nau hak danab eɗadkkulag. Ag eɗadkkulag amunu, kekeɗ ag aab uhuɗ bia, ag baelkad waappa daappeg, ag qaɗelagppa tappan gokkulag.” Yawe Nukka Ɠagattag Oh ele Nug anam awa atte.

Matyu 3:12

Nug ee aeg mumuɗaknu abenppa ulah ee aeg dappunkkeg iwale ukkaknu uɗat hekkunu daatte. Nug uɗat amu ha, elelenab mewowa, Nug wit meu oh ee aeg mumuɗaknu abenppanu awa ukka, ee maknu lakka mekku. Mewowa, Nug ee aeg dappunkkeg aab aɗu ii qauhtte eleppa maneb eweb, ee aeg mumuɗaknu aben amuam keeke iitta, oppiaawak daakku,” awa aum.

Hibru 6:8

Amge wan uud keeke qaun ele, keeke amu amuppa betteb, wan amu uɗat ena ii hette amu, wan amuam eheɗ laa awaknu anak waappa daakkunu miagnab daatte. Danab ag maiglagnu daatte.

2 Pita 2:9

Aria, Kayak Nug amu oh ahilagnu anam heum amunu, Nug danab ag Nug noobppa genab tutukku hak danab daatteb amu, Naɗi Nug ag uug oh, ahilagppa betteb amu amuppanu diia atognoadkkunu doya auta awawa, Nug danab ag Nug noobppa genab tutukku hak danab iitta ele, Nug ag diia, nob nau awaknu hettoɗiak haen ameg mena daaglagnu maadkkunu ele doya auta aotte.