Aisaia 27:3 - Nobonob Baibel

³ Da Yawe, da grep dad amu gumattem. Da hanhan le medette, laa appa uɗia eheɗ laa hemanu amu, da haen oh amun tuqan ele gume daattem.” Nug anam akku.

Aisaia 27:3 ပူးပေါင်းရင်းမြစ်များ

Genesis 6:17

Da keeke bau wan qaɗeppa oitteb ele amu mauhkkulagnu heppi, le hiɗ naɗi bekku. Beeb amu, keeke amu oh mauhkkulag.

Genesis 9:9

“Da ag, amu ag buɗulkad dimppa bekkulag ele amu, gemu da hei, da ag oh ele nug tituana nai qakkak hettem.

1 King 8:59

Da gemu unuqittak Nug noobppa hemi amu, da nai amu amunppa, tuqan ele Nug daugppa dayebeb, Nug heeb, da, nuhig maɗi nid, amu danab ah nuhikkud Israel ele, ig oh Kayaknu ehanittak deɗ deɗ attem attem godeppa aognignu, ool daatte.

Sam 46:11

Yawe Nukka Ɠagattag Oh Ele, Nug ig oonigppa aakku daatte. Ao, ig Jakop buɗub daattem amu, ihinig Kayak Nug aab aɗ ɠagattagnab ele ihinig bia daatte. Sila.

Sam 46:5

Kayak Nug aab okkai amuppa daatte amunu, aɗitai laa uɗalkkunu ii daatte. Ao, Kayak Nug danab ah appa daatteb ehanatteb, ag padal mak ii anidmana. Tuqan uug bekkutai, amge buttua, wakkaɗebeb, Nug ag ehanadkku.

Aisaia 31:5

Amu ai anig nug aɗi keeke laa teɗ nuhig heeb nauhman boppala daatte, amubia Yawe Nukka Ɠagattag Oh Ele, Nug Jerusalem padal memanu ehanidkku. Nug nuhig guppiɗ daya ehanitteb, padal ii mema. Ao, Nug laa ag heppeg qagaiettak daamanu ehanitteb, ena daakku.

Aisaia 42:6

“Da Yawe, da genab tutukku hak kobol dim lamitten, na oninppa emi. Da ɠagattag ele medakkul. Da na ii uuidpa. Na heppe, ameg gaɗuak danab ag eɗun neegkkulagnu, ao, danab maniguittakppa daatteb, ag dimittim dokkulagnu, ge, danab maniguittak naunab gatatu eleppa daatteb, ag dimittim dokkulagnu, da heppi, na danab ah ag dahil nug tituana nai qakkaknu nai tutukku dim lamidkkulagnu na, da ag ele, ihinig gamag danab daanna, na iitta aɗi ele amahlak madakkut.

Aisaia 44:3

Aɗinu ⌊ag ii baɗamnanu attem⌋? Da heppi gu huana wan qaɗaiettakppa na, leppu medakku. Ao, da heppi, gu huana neeb, le naunau kuɗum wan qaɗaiettakppa gokkulag. Da anam hekkul amu, anamib da dahil Ouɗi ag buɗulkad madakkul. Ao, da dahil itittak ena ag buɗulkad madakkul.

Aisaia 46:4

Amu da hemi bia da tuɗitten heppi ukkeb, ag kaino iitta, ag ikkilag uɗug umimi iitta daappeg ukkeb, ag kainonab daanna, ag ikkilag uɗug umimi ele, haen amuppa ele da ag ehanadkkul. Laa amu hette am daib, laa iitta. Da ag huu laippu daaglagnu hemi amu, da ag mawadkkul. Da ɠagattag matten, uug haenppa da ag ehanadppi, ag qagaiettakppa ii daamna.

Aisaia 46:9

Ge! Ag anukkan keeke, keeke ag anukkanunab dooppig ele, keeke amu ag daulagppa doaɗ! Aɗinu? Da am Kayak. Kayak laa ii daatte. Da am Kayak, laa nug da bia ii daatte.

Aisaia 49:8

Amu Yawe Nug atte. “Haen da ii helom bia me, da na ehanidkkulnu ena doyeye, da nahip unuqittak doyen ehanidkkul. Ao, ehanitteb, padal ii mak haenppa amu, da na ehanidkkul. Da na nena qemananu ehanitten, da heppi, na gamag danab daappe, da danab ah ele nai qakkagnig. Nai qakkak amuppa amu, da nahip-ppa ag ehanadppi, Juda danab ag eɗun, ahilag wan hele-ettak daakku amu, ag bappaidkkulag. Amu nai qakkak amuppa ele amu, da nahip-ppa heppi, wan maha maha oh am mamelkad eppelkadppa eɗun daaglag. Ao, aun nug wan anen anen mameg daappig amu, ag buɗulkad ag eɗun anam daaglag.

Aisaia 5:6

Dad mameg nug anam anana amu, nug tuɗitta aum. “Geha da wan amu heppi, wan meu waknu nakokib elele bia dayebeb, appa danab nug muɗi grep babaittak uɗat, wan buuak uɗat laa ele ii hema. Uud keeke qaun ele bena dad tonappeg, da geha gu ele dad amuppa nemanu, da ɗo mekkul,” awa aum.

Aisaia 58:11

Ag amu hekkulagnu dayeb amu, Yawe Nug ulum matta, atu taɗak gakkaɗak nau eleppa Nug le, ee keeke, ag bau daaglagnu laa ele madakku. Nug ag beɗulag ele ɠagattag madakku. Nug amu heeb, ag dad le elelenab aotte bia daaglag. Ag le qeppuɗia bette, deɗ laa ii qaɗaiedatte amu, ag le amubia daaglag.

Aisaia 60:16

Ag Juda, ag nid nug anignu huh latte, amubia ag wan atu laihnu keekeppa ena daaglag. Ao, nid nug anig huhugppa huh latte amu, amubia laa ag ena daaglagnu keeke mattaglag. Ag amu hekkulag amunu, ag imu dooglag. Da, da am Yawe. Amu laa nug ag ehanatte, ag padal ii metteb amu, amuam da. Laa nug ag qagaiettakppanu eɗua uhuqak ha madatte amu, amuam da. Da am Laa Ɠagattag Okkai ele, Jakop da binal meum ele.

Esekiel 34:11

Anam amu, Naɗi Yawe Nug inam atte. “Gumak danab nau ag amu baula ii hemana. Aɗinu? Da dakka da wain, sipsip dahilad ag matatun gona, piɗe piɗe daatteb amu, da ag mattialatte anatten, da diie atognoadkkul.

Esekiel 34:24

Da, da Yawe, da ahilag Kayak daappi, king laa, nug dahil maɗi nid Dawit, nug ahilag gumak danab daakku. Da, da Yawe, da nai imu iikku madittem,” awa atte.

Esekiel 37:14

Da heppi, dahil Ouɗi Nug ahilagppa ukkeb, ag bau daaglag, amu da heppi, ag eɗun, ag wanelag diigppa gona daaglag. Da anam heppi, ag da Yawe, da amu hekkulnu ami doon, ag da aakku hemi ele aakku dooglag.’ ” Yawe Nug anam aum.

Esekiel 37:28

Da heppi, dahil mettid lag ag oolagppa hanhan daakkunu aguppa dayeb, wanppan wan ohppan danab ah ag da Yawe, da hei, Israel ag danab ah, ag dahilnu, oppiaawak ele aakku daatteb dooglag.’ ” Yawe Nug anam aum.

1 Samuel 2:9

Yawe Nug nuhikkud danab ah ag nuhignu oo metta ii uuak kobol dim lamidtteb ele am atognoadtte. Ao, Nug he, nau hak danab ag gatatu ooppa daanna mauhtteb. Aɗinu? Danab ag akka, ag ahilag ɠagattagppa ena ii daatteb.