Aisaia 27:1 - Nobonob Baibel

¹ Haen laa, haen amuppa amu Yawe Nug doɗ nau laa onig lewiatan, lewiatan nug am mat laa gai-iittanab oitte amubia, Nug doɗ nau amu bu medakku. Nug qep elab ɠagattagnab ele nuhig amuppa Nug Lewiatan, lewiatan nug am mat laa itoɗiak daatte amubia, Nug doɗ amu qep amuppa nob nau medakku. Ge, Nug am doɗ naɗi naunab nau amu yuppa daatte amu, Nug qeeb mauhkku.

Aisaia 27:1 ပူးပေါင်းရင်းမြစ်များ

Job 26:13

Kayak Nug ouɗi iwale, hab eɗua, lombig keeke iitta, enanag dayom. Ao, Nug mat naɗinab, uug iitta oiyom, Kayak Nug mat amu banppa ye, iitta meum.

Job 3:8

Laa ag laanu, nug eheɗ laa awaknu anak waappa daakkunu daatte hetteb ele amu, ag deɗ da domi amu, ag deɗ amu eheɗ laa awaknu anak waappa daakkunu akkulagnu, laa ag ɠagattag ahilagppa heeg, nauhak naɗi okkai bette amu, ag heppeg, deɗ da domi am anam daakkunu ool daatte.

Job 40:19

Da Kayak, da nug doɗ laa oh eɗattak hemi, amge da, da nug hemi amu, da nug qep elabppa qeppi mauhkkunu elele.

Job 41:1

“Behimotnu am anam, amge leppan doɗ naɗi laa onig lewiatan dabmekkut. Na nug kakainu hukppa eeɗkkutnu elelete? O iitta, na nug lemaɗu muɗippa hippegppa qagakkutnu elelete?

Sam 104:26

Uub okkai ag amuppa oitteb. Amu na doɗ okkainab laa, nug onig lewiatan, nug yuppa qiɗ haaha oikkunu heme amu, nug ele appa oitte.

Sam 45:3

O king ɠagattag ele, na nahip qep elab na heqonppa qakke! Ao, na king, na dagom onig ɠagattag okkai naɗi ele, na keeke amu lamen bia takke!

Aisaia 26:21

Aɗinu? Antteg! Yawe, Nug wanppan danab ah ag nau heppignu nob naunu bu madakkunu, Nug nuhig aben hab aabppa daatte amu uua, Nug nette. Amu wan nug geha danab tiilag danab laa aqappig, tiilag amu tuɗitta, ii lokkumadma. Iitta. Wan nug geha kobol nau amu oh danab ag heppig, am amu oh heeb, miag atiglag.

Aisaia 51:9

O Yawe, na ahan, nahip ɠagattag amuppa ehanigkkutnu oɗ medattem! Na anukka, haen laappa ehanigme, amubia ehanigkkutnu oɗ medattem! Na Rahap iite eɗidna, tuqae neum? Yo, na doɗ okkai nau ele amu iite qeme?

Aisaia 65:12

Da ag hettebnu dabmein, da heppi, laa ag uɗin qep elabppa aqadppeg mauhkkulag. Ao, ag gomelppeg, laa qep elabppa aqadppeg mauhkkulag. Aɗinu? Da ag onilagppa emi, amge ag da baal dooglagnu uuppig. Da ag amelagppa nai mattimi, amge ag dooglagnu uuppig. Ag da amelppa kobol nau heppig. Ao, keeke digdig da ag amu hekkulagnu ool ii daatte ele, ag hekkulagnu dabmenan heppig.” Yawe Nug anam atte.

Aisaia 65:25

Haen amuppa da heppi, doɗ wulp, sipsip nag ele aa laippu daayya, ee lakkulah. Doɗ laion, makau gikkiɗah latte bia gikkiɗah lakku. Mat ag baula danab ah guittak ii mattamna. Dahil qauko, qauko amuam dahilnu tituanak daatte amu, qauko amuppa amu laa nug guittak iinab mettama. Laa nug keeke laa iinab heeb nauhma!” Yawe Nug anam atte.

Aisaia 66:16

Laa amu, aab aɗu ewewe, dubuttid iitta mette, amu danab okkai ag qep elabppa danab nau aqaegeg, ag iitta metteb, amubia Yawe Nug hettoɗiak tutukku haaha, Nug nuhig ɠagattagppa danab ah bu matteb, danab kuɗum mauhkkulag.

Jeremaia 47:6

Ag gaanna, ⌊kekeɗ ag Yawenu qep elab bia daatteb dabmena, qep elab nai doolo bia qep elab amegppa⌋ akkulag. “O Yawenu qep elab, na hik ii aottem. Na danab ah aqadkkutnu ii uuttem; amu haen gane laa ele ukkeb, na hik aon, aqaknu uɗat uukkut? Na eɗun, gaɗan nahip-ppa nona daye! Ao, na toettan, manin daye!” aon akkulag.

Jeremaia 51:13

Ag Babilon danab ah, ag le okkai Yupretis, amu le naunau kuɗum ele daugppa daatteb, ag en huanak ele, amge ahilag gog tak haen aakku uɗiom daatte. Kekeɗ ag heppeg, ag padal mekkulag.

Jeremaia 51:34

⌊Juda danab ah ag akkulag.⌋ “Amu ig Juda amu, Babilon dilag king Nebukatnesar nug doɗ layag qe mauhe latte, nug ihinignu anambia heum. Ig nug eppegppa daattem. Nug he, ig kaaka daattem. Nug he, ig hinai, ooppa keeke ii inak, ig amubia daattem. Makkai okkai laa doɗ toppua gotte, amubia Nebukatnesar awikke, ig nug eppegppa daattem. Nug makkai doɗ beɗu enanag latte, nug amubia ig Juda, ihinig keeke enanag awe, nug eppegppa daatte. Nebukatnesar nug he, ig ig wanenigppa ii daattem.

Esekiel 29:3

na nug amegppa, ‘Naɗi Yawe, Nug inam atte,’ awona, na nai imu ele appe doyaɗ! ‘Paro, Isip dilag king, da nahip hak amunu eheɗ doyeye ool ii medattem. Na wagai naɗi Nil lenu lenagppa daatte bia daattem. Na, “Nil Le am dahil, da le dahil daakkunu bappaidmi,” aon attem.

Amos 9:3

Israel danab ah ag qauko Karmel igippa tena, da anadpanu appa lokkumna daaglagtai, amge da ag appa mattialatte anatten, aɗualadkkul. Ao, Israel danab ah ag yu ooppa unuqagnab nona, da anadpanu appa lokkumna daaglagtai, amge da haknunab appi, appa yuppan mat nau ag emaladkku.

Revelesen 12:3

Anam amu, epponak keeke laa habppa tula be, danab ah anidna dabmak okkai aoppig; amuam mat naɗinab kokoɗ ele, nug ikki eblaih aɗit ele, qeqeɗi amu eblaih laih ele. Nug ikkiudppa king haɗ eblaih aɗit ele daappig.

Revelesen 13:11

Aria, da doɗ dakkuɗ laa anidmi; nug wan ooppanu beebe anidmi. Nug am qeqeɗi aɗit ele, qeqeɗi amuam sipsip nag qeqeɗi bia, amge nug mat naɗinab nai maditteb bia nai mattiom.

Revelesen 13:4

Mat naɗinab nug doɗ dakkuɗ ehanitta gumaknu ehah mettom amunu, danab ag mat naɗinab noobppa dup nona binag mena, ag doɗ dakkuɗ amu ele noobppa dup nona binag mena, ag inam akka akka nug oɗ medappig. “Aun nug doɗ dakkuɗ imubia? Aun nug nug ele ban hekkulahnu elele?” aon appig.

Revelesen 16:13

Nug anam he amu, da ouɗi nau ewam, ag oh ahilkad neekkak am og bia, laippu mat naɗinab oɗeppanu, laa doɗ dakkuɗ oɗeppanu, laa propet hambuppuak oɗeppanu, anam doegeg anadmi.

Revelesen 17:1

Amu dimppa engel eblaih aɗit ele ag tappiɗ eblaih aɗit ele, amunu oolagppa laippu laa nug doa, da amelppa inam aum. “Na inam doppe, da gappai ah onig ele, nug le kuɗum qaɗelagppa daatte ele, nuhig nob nau mak ippunidkkul.

Revelesen 17:15

Nug anam awowa, engel amu nug baula da amelppa aum. “Na le kuɗum, gappai ah nug amu qaɗelagppa dayeye anidme ele amu, le amuam danab ah beɗulag iɗu iɗu ohppanu, huu ohppanu, wanppan wan ohppanu, amu nai ohppanu ele ippunigtte.

Revelesen 19:21

Buɗiate noeh, nug daup danab laa oh qep elab aeg ele, Nug oɗeppanu doa ukkak daatte, amuppa aqom. Aqe, ai oh ag danab amu oh teppulkad laeg, oolag huanaknab dittiom.

Revelesen 2:16

amunu, na oot eɗuaɗ! Iitta amu, nakok laa ele da na gumitten goppi, qep elab aeg laih laih ele da oɗelppa daatte amu, da amuppa danab amu ele nug qekkunig.

Revelesen 20:2

Nug mat naɗi anukkanunab aɗom. Nug am baeg qak danab, onig laa am Satan. Nug nug aɗa, maɗ 1,000 daakkunu hippalom.