Aisaia 26:9 - Nobonob Baibel

⁹ Tuqanppa, dabmak dahil oh nahip-ppa dayeye, da na ele daagnihnu ool huan daatte? Wagɗeb buttua amu, da ouɗil na ele oh daagnihnu oo huana hette. Aɗinu? Haen na nai doya mala hettoɗia epeɗia elele mettak kobol dim lamidna, wan danab ah oh toliadna gumadttem amu, haen amuppa wanppan danab ah ag genab tutukku hak kobolnu dabmak aotteb.

Aisaia 26:9 ပူးပေါင်းရင်းမြစ်များ

1 Stori 16:14

Nug am Yawe, ihinig Kayak; nuhig nai doya mala hettoɗia epeɗia elele mettak kobol am wan oh tualom daatte.

Sam 105:7

Nug am Yawe, ihinig Kayak. Nuhig nai doya mala hettoɗia epeɗia elele mettak kobol am wan oh tualom daatte.

Sam 119:55

O Yawe, tuqan amu da, na am aun, da amu dabmein aute aottem, amu diig amunu da nahip ɗo dim lamidttem.

Sam 119:62

Da nahip ɗo tutukkunu ena heme akkulnu amu, da tuqan tugmag ahattem.

Sam 130:6

Danab nug tuqan aabnu aɗ attan aɗi uɗitte anittak danab daatte, nug wakkaɗeb anidkkunu oo huan daatte, amubia da Naɗi ehaniɗkkunu ool huan daatte. Yo, da ool amunu huan daatte.

Sam 58:11

Amu beeb am, danab ag akkulag. “Am genab, laa ag genab tutukku hak danab ah daatteb, ag nob ena anidtteb. Ao, genab, Kayak Nug wan imuppan danab ah epeɗiadtte amu, Nug daatte,” aon akkulag.

Sam 63:1

O Kayak, na dahil Kayak, da ool unuqagppanu na anitten dim lamidkkulnu na madittem. Da na ele daagnihnu ool okkai daatte. Da meul ohppa danab nug aben le iitta, atu qaɗaiettakppa oiyaya, lenu oo daatte bia, da na ele daagnihnunab ool okkai daatte.

Sam 63:5

Danab nug ee ena lanana, oo dittie enanag dootte, amubia da ⌊na lautppa na guguitten dayeye,⌋ da elelenab dookkul. Da ahi oo gamag ahak, na binan maknu ele ettaladkkul.

Sam 64:9

Anam beeb, laa oh ag Kayaknu ebehilag oh bodoetta le mekku. Ao, ag Kayak Nug keeke okkai okkai heumnu, ag laa amelagppa amunu mattiglag. Ge, ag amunu dabmena autna aoglag.

Sam 78:34

Haen laala Kayak Nug laa aqe amu, haen amuppa laa daappig ag Kayaknu dabmak dooglagnu meulag ohppa dabmena, ag oolag eɗue, Kayak toppa wappig.

Sam 83:18

O Kayak, na heppe, ag na, na onin am Yawe amu, ag na nakkaib na wan imuppa Kayak Attannab Laa Oh Eɗattak daattem, naib wan imu gumattem amu, ag amu dooglagnu ool daatte.

Prowerb 8:17

Amu aun laa ag dahilnu oolag mauhtte amu, da ahilagnu ool mauhtte; am laa ag da aniɗna dim lamiɗkkulagnu mattiɗtteb, ag da aniɗtteb.

Aisaia 27:9

Yawe Nug anam hekku amunu, amu beeb, Israel wanppa kayak hambuppuak qaɗab laa ena ii daama. Iitta. Oh nauhadna autnanab aon, gappud bia daaglag. Israel wanppa kayak hambuppuak Aserah dabmekkulagnu biidod laa qappak ii daama. Amu qaɗab laa, qaɗab amuppa danab ag kalu danab ile muttuɗig enanag bette ele manatteb amu, kayak hambuppuak dilag qaɗab laa amu ele ii daama. Iitta! ⌊Amu beeb, Israel ag ele oolagppa keeke amu uuppeg amu, Yawe Nug⌋ ib amuppa, Nug Jakop buɗub dilag eheɗ haknu nob nau nuhig ɠagattag naɗippa heeb, iitta mekku. Ao, ag hipuninnu nob nau aolob, amge ag ii aomna.

Aisaia 50:10

Danab ah oh oolagppanu aun nug Yawenu ebehi oh bodoetta le mette, nug nuhig maɗi nidnu nai dim lamidtte ele amu, danab amu nug deɗ laa gatatuppa oiyaya, nug amahlak laa ii anidtte dayeb amu, nug Yawenu ooppa genab doyaɗ! Nug Kayakib dim lamittaɗ; laa aib dim lamittom!

Aisaia 55:6

Gemu ag Yawe anidna dim lamidkkulagnu mattiglagnu elele daatteb amunu, ag Nug anidna dim lamidkkulagnu Nug mattieg! Ao, gemu, Yawe Nug ag gukkuattak daatte amunu, ag Nug unuqitteg!

Gayak Nai 2:19

Juda danab ah ag tuqan, aɗi uɗitte anttak danab ag ahilag uɗat digmetteb haenppa ag ahan, Kayak huana unuqitteg! Le gokkaɗa gotte, amubia ag Naɗi noobppa Nug unuqitteg! Ag ahilkad nid naunau enugnu aabnu ib ukkak ohppa nena qena, mauhkkulagnu hetteb ele amu; ag ahilagnu ag eppelag human, Nug unuqitteg!

Gayak Nai 3:25

Laa ag Yawe heeb, keeke ena bekkunu dabmak aɗan oitteb amu, Yawe Nug ahilagnu kobol ena hette. Ge, laa ag Yawe mattina, dim lamidkkulagnu Nug maditteb, Nug ahilagnu kobol ena hette.

Esekiel 5:15

Haen da ool nauheb, oppoɗil beeb, daug batak uug, eheɗ ele hein, bu eheɗ madappi, wan laala Jerusalem talilidna daatteb, amuppan danab ag ahilagnu hamu bia doon, aon aon aqan, ag da ahilagppa hemi anidna, ag ele padal memananu dabmak aona, da ag bu attem mattami anidna, ameg iɗuak dooglag. Da Yawe, da aakku attem.

Hosea 5:15

Da dahilad danab ah guittak mattoya, da eɗue ukken, da daattemppa daappi ukkeb, dahilad danab ah ag, ‘Ig eheɗ hemut, ig hipunin ele,’ dooglag. Haen amuppa ag da aniɗna dim lamiɗkkulagnu mattiɗkkulag. Ge, ag uug nau doon, ag oolag unuqagppanu da aniɗna dim lamiɗkkulagnu mattiɗkkulag,” awa aum.

Matyu 6:33

Amge tatam ag Kayaknu ɗo maɗoɗnu, amu genab tutukku kobol ele hekkulagnu anuqak dooppeg, geha Nug keeke amu oh ele ag madakku.

Mak 1:35

Aria, wagɗe buttuanab Jesus Nug lakkanu aha, aab uua, aben danab haen oh ii daattebppa ukka, unuqittatta dayom.

Luk 6:12

Haen amuppa Jesus Nug tuqan Kayak unuqidkunu qaukoppa nakok teum. Ta, Nug tuqan amu oh unuqittette ukke, wagɗom.

Revelesen 11:13

Anam amu, haen amuppanab mim okkai laa ne, aab okkai amuppa lag 10 oolagppa laippu nauhom, lag 10 laa oolagppa laippu nauhom, amu aab okkai ohppa anamib beum. Amu danab 7,000 mim amuppa mauhppig. Laa oh bau daappig ele ag baɗak eheɗ nau dooppig. Baɗak eheɗ nau doon, ag Kayak binag amahlak oppiaawak ele medappig.