Aisaia 26:10 - Nobonob Baibel

¹⁰ Nau hak danab ah amu, ag genab tutukku hak kobol ii dootteb. Na ahilagnu kobol ena attem hekkut am ii ehanadma. Iitta. Ag eɗun, genab tutukku hak kobol hekkulagnu iinab dabmemana. Ag danab ah genab tutukku hetteb imu oolagppa daatteb, amge ag ahilag hak nau am ii uutteb. Ag tuɗidna henana, ag Yawe, Nug dagom onig ɠagattag ele daatte amu, ag amu dab-ii-metteb. Iitta!

Aisaia 26:10 ပူးပေါင်းရင်းမြစ်များ

Hosea 11:7

Danab ah dahilad ag da dimeɗan, kayak hambuppuak laala dim lamadkkulagnu dabmak aoeg ɠagattag eppom daatte. Propet ag Israel ag eɗun dagattolppa uɗiglagnu onilagppa etteb, amge laippu laa da binal mekkunu ii hette.

Revelesen 2:21

Da nug oo eɗukkunu haen mettami, amge iitta. Nug nuhig gappai kobol ii uuom, oo ii eɗuom.

Maika 2:10

Ag nau amu hetteb amunu, ag ahan, wan imu uun ukkeg! Wan imuam ag ahilag aben hik aon daaglagnu iitta. Aɗinu? Ag heeg, wan ag daattebppa imu, am Kayaknu neekkakppa dubuttid tak ele daatte. Ao, ag heeg, wan ag daattebppa imuam nauha autanab awom daatte; babaittaknu elele iitta.

Jeremaia 2:7

Da ag Israel, da ag omalatti, ag uɗin, wan ittag ele imuppa uɗippig. Ag wan imunu ad meu, ee laa oh ele lakkulagnu uɗippig. Ag am anamnu aakku uɗippig, amge ag uɗin, wan da aul ag heeg, dahil neekkakppa dubuttid tak ele daatte. Ao ag heeg, da dahil wan imunu oolppa uuaknab doottem.

Eklisiastis 3:16

Amu da keeke laa ele aam waappa bette anidmi. Amuam hettoɗiak abenppa kobol nau dayom. Ao, aben danab ag nai doya mala hettoɗia epeɗia elele mettak kobol dim lamidlob, kobol nau dayom.

Prowerb 1:32

Aɗinu? Danab ah ag doyak ii awak ele daatteb amu, ag ahilag eheɗ hakppa mauhkkulag. Ao, danab ah ag Kayak dab-ii-menan ii dim lamidtteb ele, ag kaaka bia oinna, uug laa iinab bema anana oitteb ele amu, ahilagppa padal mak aakku bekku.

Sam 106:43

Yawe Nug ag haen kuɗum ehanatte, ag kekeɗ eppelagppa ii daappig, amge ag tuɗid ele nuhig nai tappaeg neum. Ag hipunin heegeg, Kayak he, ag nauhna daappig.

Duteronomi 32:15

Amge Israel danab ah ag titiɗak huana hena, ag Kayak oɗe tappaeg neum. Yo, ag ee huana lanana, titiɗna daappig. Ag amu hena, ag laa ag hattom ele am uuppig. Ao, ag laa, Nug hanhan ɠagattag daatte, Nug ag ehanatte ag padal ii metteb ele amu, ag Nug guhuɗidppig.

Eksodas 9:34

Amu keeke amu oh iitta me, Paro nug hakkaɗ qak uue, ais doɗo ii ne, gu mataɗom ele antta, nug hipunin baula heum. Nug amu nuhikkud ehanittak anuqak danab ele ag baula heeg, ahilag dabmak am ɠagattag eppom.

Eksodas 8:15

Yawe Nug anam he, og amu mauhna iitta meeg, haen ena daye, Paro nug amu antta, Yawe aumbia, nug he, nuhig dabmak ɠagattag eppom. Nug Moses, Aron ele nai apiɗ amu doya, dab-ii-meum.

Hosea 13:6

Amge Israel dilagnu amu, da hei, ag Kanan wan aon daanna, ag ee kuɗum ele daan, ag laeg oolag aɗom; ag oolag aɗe, ag dada danab beppig. Ag anam bena, ag dahilnu daulag atiom.

Hosea 9:3

Ag geha Yawenu wanppa ii daamna. Geha Israel danab ah ag Isip eɗun gokkulag. Ao, ag geha Asiria gona, appa ag ee ii lanaknu epeɗiak daatte lakkulag.

Jeremaia 31:23

Yawe Nukka Ɠagattag Oh Ele, Israel dilag Kayak, Nug inam atte. “Da heppi, Juda danab ah ag eɗun, ahilag wanppa uɗiona, ag Juda wanppa, aab laala eleppa daanna, ag Yawenu mettid lag Jerusalem ooppa qaukoppa daattenu amu, ag inam akkulag. ‘Yawe Nug qauko nuhignu tituanak daatte, Nug laug genab tutukku hak kobol inak ele qauko amuppa daatte, Nug qauko, lag amu ele itatteb, anam dayeɗ!’ aon akkulag.

Aisaia 27:13

Ge, danab trampet okkai iwale, danab dotteb, amubia Yawe Nug heeb, laa kekeɗ ag lamatteg, Asiria wanppa gona qettoɗna daatteb, laa Isip wanppa gona qettoɗna daatteb ele amu, ag appanu eɗun uɗin, Jerusalem appa qaukoppa, qauko amuam Kayaknu tituanak daatte, ag appa Yawe noobppa dup nona Nug binag mekkulag.

Aisaia 24:5

Wan imuppan danab ah ag heeg, wan imuam Kayaknu neekkakppa dubuttid tak ele daatte. Aɗinu? Ag ɗo dim ii lamidna, ⌊kobol nau digdig henana,⌋ ag Kayak dimettan, nai nuhig tappaeg ne, ag nuhig nug tituana nai qakkak hanhannu Kayak Nug ag ele heppig amu, ag tippalppig.

Aisaia 5:12

Ag hobul hena, hobulppa wain lanana, ag harp, laia, tambarin, amu dumuttum eleppa musik digdignu hetteb. ⌊Ag keeke amu hekkulagnu doon autna aotteb⌋, amge ag Yawe Nug aɗi keeke hette amu, ag amunu dab-ii-metteb. Ao, ag Yawe Nug eppegppa aɗi aɗi hette amu, ag amu iinab anidna dabmetteb.

Aisaia 2:10

⌊Anam amu, qinob ag dabmak genab iitta dim lamidna,⌋ Yawenu oppoɗi bak tonadmanu, Yawe Nug dagom onig ɠagattag okkai naɗi ele, nuhig ɠagattag amu aqadmanu, ag oolna gona, men oɗeppa nokkulag. Yo, ag wan oɗeppa gokkulag.

Sam 143:10

Na am dahil Kayak amunu, na da nahip dabmak awak dim lamitten hekkulnu ippuniɗkkutnu oɗ medattem. Nahip Ouɗi, Nug am Ouɗi enaib amu, Nug anuqa ugakka, Nug da ib ena, tutukkuppa omaiɗkkunu unuqidttem.

1 Samuel 15:17

Saul a, Samuel nug aum. “Anukka na nakka na nahipnu amu, na am danab okkai iitta doome, amge na Israel dilag okkai beme. Ao, Yawe Nug na Israel dilag king daakkutnu goɗen gokkaɗakppa tituanittom.

Aisaia 32:6

Aɗinu? ⌊Ag inam dooglag.⌋ Danab nug Kayaknu dab-ii-maama ii dim lamidtte ele, danab amu nug nuhig nai mattiak am Kayak dab-ii-maama hakppa gotte. Ao, danab Kayak dab-ii-maama, Nug dim ii lamidtte ele, nug nau hekkunu dabmaama daatte. Danab nug Kayak dab-ii-maama, Nug dim ii lamidtte ele, nug Kayaknu, nuhig haknu ele uutte. Ao, danab nug Kayak dab-ii-maama, Nug dim ii lamidtte ele, nug Yawenu hambuppuak nai maditte. Danab anam nug danab ee iitta ele ehanitta, ee metteb lakkunu uua heehe, danab amu ee iitta daatte. Ge, nug danab le baag diitte ele, nug nug ehanitta, le oug metteb lakkunu uua heehe, danab amu nug le iitta daatte.

Matyu 4:5

Nug anam a amu, Satan nug Jesus omala, Jerusalem ukka, Kayaknu mettid lag attan tak batakppa ta he dayeye, amegppa aum.

Eksodas 9:30

Amge da doottem, na, nahipad ehanittak anuqak danab ele, ag Yawe Kayaknu tutukku ebehilag oh bodoetta le ii mette,” awa aum.

Sam 69:27

O Kayak, na dahilad kekeɗ dilag hipunin oh nahip dabmakppa mena aɗakkutnu oɗ medattem. Na ehanadppe, padal ii memananu uɗat ii hemananu unuqidttem.

Aisaia 32:7

Danab nau nug nau hak kobol dim lamidkkunu hette. Nug eheɗ hekkunu lokkumakppa dabmaama, maittak eheɗ awa, daɗek danab heeb nauhkkulagnu hik qeeqe dabmette. Daɗek danab ag eheɗ laa ii heppig, ag tutukkuib henan daaegeg, danab nau nug heeb nauhkkulagnu anam hette.

2 King 13:6

Amge Israel ag Jeroboam hipunin hatta he, Israel danab ah ag hipunin amu ele hadappig amu, ag hipunin amu hekkulagnu ii uun, di-ii-medappig. Iitta. Ag tuɗidna heppig. Laa amu, ag heeg, kayak hambuppuak Aserah dabmekkulagnu biidod am Samaria appa tuɗitta dayom.

Eklisiastis 8:11

Danab eheɗ hena, ag paha bu ii aotteb dayeb, danab oh ag hibguitta henana, kobol eheɗ digdig hekkulagnu dabmetteb.

Aisaia 1:21

O gadon! Aab okkai Jerusalem am ah laa bia daatte. Ah amu nug gamu ele pehettak, elele oipiɗ, amge dimppa ah amu nug gamunu oo metta ii uuak kobol ii dim lamitta, gamu uuitta, ib baag ah ba oiyom. Amu Jerusalem amubia daatte. Nug anukka Kayak pehettak, elele dim lamittom, amge gemu nug amu ii hette. Anukka nai doya mala hettoɗia epeɗia elele mettak kobol nuhigppa ambak dayom; genab tutukku hak kobol nuhigppa ele ambak dayom, amge gemu qe mauhak danab, ag nuhigppa ambeppig daatteb.