Aisaia 24:3 - Nobonob Baibel

³ Wan geha nauha auta awa, anam nauhakib daakku. Wannu etetuab laippu laa ii daakku bia. Iitta. Oh bia iitta mekkulag. Yawe Nug nai anam mattiom daatte amunu, am anam bekku.

Aisaia 24:3 ပူးပေါင်းရင်းမြစ်များ

2 Stori 36:21

Yawe Nug anukka Juda danab ah ag wan ahilkad atognonana, ag maɗ eblaih aɗit eleppa hanhan keeke ii eppamnanu aum. Ag amu heppeg, wan eɗua, ittag ele daakkunu dabmaama, anam aum. Nug anam aum, amge Juda danab ah ag uueg, kekeɗ uɗin heeg, Juda wanppa danab ah qainqainib daaeg, wan am hele-ettak daye ukke, maɗ 70 iitta meum batak, wan am, maɗ ebqak eblaih aɗit ele, maɗ amuam wannu sabat maɗ, nug maɗ amu nuhig elele awom. Yawe Nug Jeremaia oɗeppa anam bekkunu aum amu, Nug aakku he beum.

Aisaia 21:17

Kedar ag ban danab ɠagattag; ag latppa ban haknu ag doon autna aotteb, amge geha ag nauhppeg, ban danab ameg nakokib daaglag.” Aɗinu? Yawe, Nug Israel dilag Kayak, Nug anam awa atte.

Aisaia 22:25

Haen amuppa pin elab tatam ɠagattag dayom amu, geha uhuqa auta, na qekku. Ag nuhigppa aihna uug medappig, ag geha nauhkkulag. Yawe Nukka Ɠagattag Oh Ele, Nug anam mattiom daatte amunu, am anam bekku.” Aisaia nug Kayak oɗe Sepna amegppa anam aum.

Aisaia 24:1

Yawe Nug genab geha wan atu oh heeb nauhakib daakku. Nug geha wan tappa oɗoɗa, eɗua eɗua ma heeb, wan am geha eɗua, iɗu laanab daakku. Nug geha heeb, danab ah ag oolna, matatun gokkulag.

Aisaia 24:2

Danab ah oh uug amu anidkkulag; laippu laa ii eɗidma. Iitta! Oh ag geha uug amu aoglag. Mana mettak danab, am danab ah hamu, ag oh, uɗat gumak danab, am maɗi nid, ag oh, uɗat gumak ah, am uɗat hak ah hamu, ag oh, keeke aon meeg, laa daden metteb danab, am danab uɗin, keeke ahilagppa daden metteb ele, ag oh, danab men doɗo lon laa eppegppanu aotteb, am danab, laa ag nug eppegppa lon aotteb, ag oh, danab amu oh ag geha haen nau amu anidkkulag. Laippu laa haen amu ii eɗidma. Iitta.

Aisaia 24:4

Wan nug qaɗaietta nauhkku. Ao, wan nug hamu daya nauhkku. Ge, wanppan danab okkai okkai, ag padal mekkulag.

Aisaia 42:22

Amge ⌊Israel⌋ danab ah imu amu, laa ag ban hena, ahilag keeke oh aoppig. Ag oh am doɗ pelemppa daatte, ag anam bia daatteb. Ag danab maniguittakppa daatteb, ag amubia daatteb. Ag ban danab ɠagattag ag laa dilag keeke aon gotteb ele, dahilad danab ah ag keeke laa aon goppig ele, ag amubia daatteb. Ag anam daatteb amu, laa nug ag ehanatteb, ag qagaiettakppa ii daamnanu am iitta. Yab danab ag keeke yab aon gotteb amu, dahilad danab ah ag keeke laa yab aon goppig ele, ag anam bia daatteb, amu laa nug, “Ag yab danab, ag eheɗ anam heppig. Ag danab ah amu paɗadppeg, ag eɗun, ag wanelagppa ukkeg!” akkunu iitta.

Aisaia 5:6

Dad mameg nug anam anana amu, nug tuɗitta aum. “Geha da wan amu heppi, wan meu waknu nakokib elele bia dayebeb, appa danab nug muɗi grep babaittak uɗat, wan buuak uɗat laa ele ii hema. Uud keeke qaun ele bena dad tonappeg, da geha gu ele dad amuppa nemanu, da ɗo mekkul,” awa aum.

Aisaia 6:11

Naɗi Nug anam a amu, da Nug inam oɗ mettami. “Naɗi, da anam heppi, haen gane laa ele ukkeb, da batakkul?” ami. Da ai amu, Nug inam da amelppa aum. “Geha aab okkai oh nauhppeg, wan ele nauhppeg, aab, lag ele hamu daappeg, danab ah aab, lag ele amuppa laa ii daappeg, na batakkut.

Jeremaia 13:15

Juda danab ah, Yawe Nug aum amunu, ag daulag human, nai doyeg! Ag beɗuppa tak aib heppig!

Esekiel 36:4

Kekeɗ ag anam heppig amunu, Israel dilag qauko, ag Naɗi Yawenu nai doyeg! Ge, Naɗi Yawe Nug ag qauko okkai, qauko nakok, oolnu noak okkai, oolnu noak nakok, aab hele-ettak daatteb, aab laala ele, wan laala ag talilidna daatteb dilag ban danab ahilagppa oinna, keeke akkan gonana, aon aon aqappig ele amu, Nug ag ohnu nai imu atte amu, ag doyeg!

Maika 2:4

Da hekkul, deɗ amuppa danab laala ⌊ag Israel danab ah daatteb bia ippu hak hena⌋, ag ag aon aon aqaglag. Ao, ag ag aon aon aqana, ag ahi oo doyak naunab ele inam ettaglag. ‘Ig Israel, ig padal meta autta auttanab aomut. Kekeɗ ag ihinkad keeke oppatna aon, ahilag aɗatteb. Yawe Nug he, ihinig keeke ig eppenigppa ii daatte. Nug wan ihinkad, kekeɗ ihinkad eppelagppa meum.’ Ag ahi ettan, anam akkulag.” Yawe Nug anam atte.

Maika 4:4

Danab anen anen oh ag maɗoɗ ele muɗi grep ahilkad logoppa daaglag. Ao, ag maɗoɗ ele, ahilkad ad fig waappa, logoppa daaglag. Ag anam maɗoɗ ele daappeg, laa heeb, ii baɗamna. Keeke amu oh anam daakkunu diig am, Yawe Nukka Ɠagattag Oh Ele Nug amu bekkunu ana malom.

Duteronomi 29:23

Wan ittag ele imu, am geha naunab daakku. Danab ah ag aɗitai laa amuppa iinab eppamna; keeke ele appa ii bemana; gikkiɗah ele amuppa ii bemana. Geha Sodom Gomora ele, Atma Seboim ele bia daakku. Yawe Nug danab ah aab okkai amuppan ⌊ag kobol nau heppig amunu,⌋ oo nauhak huanaknab doya, Nug he, ag padal mena, iitta meppig. Am wan imu ele anambia daakku.

Duteronomi 29:28

Yawe Nug oo nauhak huanaknab doya, oppoɗi ele be, Nug danab ah nuhikkud, ahilag wanppanu lamatte gona, wan laa dilagppa daappig; gemu ele ag amuppaib daatteb,” aon akkulag.