Aisaia 24:2 - Nobonob Baibel

² Danab ah oh uug amu anidkkulag; laippu laa ii eɗidma. Iitta! Oh ag geha uug amu aoglag. Mana mettak danab, am danab ah hamu, ag oh, uɗat gumak danab, am maɗi nid, ag oh, uɗat gumak ah, am uɗat hak ah hamu, ag oh, keeke aon meeg, laa daden metteb danab, am danab uɗin, keeke ahilagppa daden metteb ele, ag oh, danab men doɗo lon laa eppegppanu aotteb, am danab, laa ag nug eppegppa lon aotteb, ag oh, danab amu oh ag geha haen nau amu anidkkulag. Laippu laa haen amu ii eɗidma. Iitta.

Aisaia 24:2 ပူးပေါင်းရင်းမြစ်များ

Genesis 41:50

Josep wau, nug On dilag mana mettak danab Potipera aɗeg Asenat, nug enug haen ii nakppa Josepnu nid danab aɗit menuatom.

2 Stori 36:20

Nebukatnesar nug anam ha, nug Juda danab ah oɗo yaak daappig ele diia, Babilon, ag appa diia ukka laih me dayak danab ah daaglagnu ukkom. Nug danab ah aun aɗi ag qep elabppa ii mauhppig diia ukkom. Nug diia ukke, ag nug, amu nug bekkod ele dilag maɗi nid daappig. Ag anam daaeg ukke ukke, Persia danab ag ahan, Babilon eɗadppig, haen amuppa ag ahilkad maɗi nid baula ii daappig.

Aisaia 2:9

Danab ag dottolkad amu noolagppa dup nona binag metteb. Ge! Danab ag nigul amu noolagppa dup nona, ikkilag wan yaatte. ⌊O Yawe, nahipad danab ah ag kobol amu ii uunna,⌋ ag na ahilag hipunin uhuqna madakkutnu ib oo netteb.

Aisaia 24:3

Wan geha nauha auta awa, anam nauhakib daakku. Wannu etetuab laippu laa ii daakku bia. Iitta. Oh bia iitta mekkulag. Yawe Nug nai anam mattiom daatte amunu, am anam bekku.

Aisaia 28:7

⌊Amu anam aakku bekku, amge gemu⌋ Israel danab le lanak kobolppa daatteb amu, ag Israel danab ah gumadtteb. Propet danab, mana mettak danab ele oh le ɠagattag lana, spak menan, taataɗ qeegeg, hak ahilag am nauhom. Ag amubia oitteb amunu, dabmak ahilag eɗatte, maɗi ahilag amu, ag tutukku ii hetteb. Propet ag Kayak Nug tulppa keeke ippunatte, ag pehettak ii anidtteb. Mana mettak danab ele ag danab ah dilag keeke tutukku ii epeɗitteb.

Aisaia 5:15

⌊Haen amuppa amu, Yawe Nug heeb,⌋ wanppan danab ah, ag gomelkkulag. Ao, ag onilag qe nak ele oiglag. Amu beɗuppa tak danab ah ag beɗuppa tak danab dilag neekkak bia ii neegmana. Iitta. Ag onilag qe nak ele oiglag.

Jeremaia 41:2

Netania bekka Ismael nug danab eblaih laih ele, nug ag ele oh ahan, Ahikam bekka Gedalaia, nug am Sapan alag, ag nug qep elabppa qeeg mauhom. Ge, ag laa Babilon dilag king nug Juda wannu gawana daakkunu tituanom amu, ag nug qeeg mauhom.

Jeremaia 42:18

Aɗinu anam daakku? Am Yawe Nukka Ɠagattag Oh Ele, Israel dilag Kayak, Nug atte. ‘Da ool nauhe, oppoɗil beebe, Jerusalem danab ah bu eheɗ mattami, amubia ag laa, ag Isip gona daanna oiglag dayeb, da oppoɗil beeb, bu eheɗ ag madakkul. Danab ah laa ag ahilagnu ag eheɗ laa awaknu anak waappa daaglagnu anana, ag anadna, ameg iɗuak doon, ag naippa yaaladnana, ag aon aon aqaglag. Ag Isip gona daan oiglag, ag baula ahilag wan imu iinab anidmana.’ ” Yawe Nug anam awa atte.

Gayak Nai 4:13

Ag amu bekkunu oolagppa genab ii dooppig, amge amu aakku beum. Kobol amu beumnu diig am inam. Juda dilag propet ag hipunin heeg; mana mettak danab ag ele hipunin heppig: ag aab okkai amuppa genab tutukku hak danab aqaeg mauhppig.

Gayak Nai 4:16

Ahilagnu anam daatte. Aɗinu? Yawe Nug nukka he, ag matatun gona, tamtam oitteb. Nug ag ii atognoadtte. Nug he, mana mettak danab, danab okkai ele adeppa adeppa daatteb amu, appanu danab ah ag mana mettak danab binag nakok laa ii mattan; Ao, ag Juda dilag ikki danab ehanittak nakok laa ii madatteb.

Gayak Nai 4:6

Yawe Nug dahilad huu bu mattom amu; bu mettak amuam Sodom dilag eɗittom. Yawe Nug Sodom pahanab he nauhom; danab heeg, Sodom danab ah uug ii dooppig.

Hosea 4:9

Anam amu, da danab ah laa oh bu madakkul, amubia da mana mettak danab bu madakkul. Ao, da geha mana mettak danab, amu danab ah ele, da ag oh ahilag hak nau amunu bu madakkul. Ge, da geha ag aɗi heppignu nob madakkul.