Aisaia 23:9 - Nobonob Baibel

⁹ Yawe Nukka Ɠagattag Oh Ele, Nug nauhak amu bekkunu maittak awom. Maittak awom am, Taia danab dilagnu, danab ah laa ag ahilagnu, “Ag binag amahlak oppiaawak ele,” dootteb amu, Nug ag nena qeppeg, laa ag ahilagnu, ag am keeke hamu, dooglagnu heum. Ao, Nug huu laa, Taia, danab ah ahilagnu, ag onilag ele dootteb amu, Nug ag uɗa nak doon oiglagnu heum.

Aisaia 23:9 ပူးပေါင်းရင်းမြစ်များ

Jems 4:6

Anam daatte amunu, Kayak Nug ehanittak okkai hamu mettak, Nug amu megatte. Diig amunu Kayak naippa, nai inam daatte. “Kayak Nug dada danab ippulag oo nette, amge danab ag akka onilag qeeg nette ele, Nug ahilagnu ii helo bia me, Nug ag ehanadtte.”

Aisaia 13:11

⌊Yawe Nug atte. “Deɗ amuppa⌋ da geha danab ah oh wan ohppanu aun aɗi ag nau heppig bu aqakkul. Ao, da geha danab ah oh wan ohppanu aun aɗi ag nau hak danab ah daatteb ele, da ag hipunin heppig, da amunu bu aqakkul. Da amu, da dada ha laa eɗittaknu dabmak awak danab, ag beɗuppa tak kobol dim lamidtteb ele, da geha heppi, ahilag kobol amu oh iitta mekku. Ao, danab ah ag laa dilagppa oo doyak ii doon nau hadatteb, da geha ag eheɗ hadappi, ag onilag am qe nak daaglag.

Aisaia 2:11

Amu Yawe Nug anam uɗia, Nug beɗuppa tak danab oh onilag qeeb nekku. Nug heeb, dada danab ag nena qekkulag. Yawe Nugib haen amuppa onig okkai, binag ele daakku.

Daniel 4:37

Am gemu amu, da Nebukatnesar, da hab attannu King, Kayak, Nug aɗi hette amu, Nug tutukkuib haaha, Nug nai doya mala hettoɗia epeɗia elele mettak kobol ele dim lamitta hette amunu, da Nug binag okkai, onig okkai ele medattem. Laa ag dada danab daan oitteb ele, Nug heeb, ag onilag iitta daaglagnu elele.” Nebukatnesar nug anam aum.

Epesus 3:11

Amuam Kayaknu maittak hanhan daattom, amu Nug ihinig Naɗi Jesus Kristus, nuhig uɗat okkaippa anam hekkunu aum amu, Nug aakku heum.

Epesus 1:11

Ig Kristusnu uɗat okkaippa Kayak bekkod daattem. Kayak Nug keeke oh attem bekkunu dabmette amu, anamib bette amunu, Nug ig nuhikkudnab daagnignu dabmaama meikkom daatta, ig Nug bekkod daattem.

Aposel 4:28

Ag anam hekkulagnu qagmena anam heppig amu, Kayak na nahip ɠagattagppa, nahip doyak dabmak ena eleppa keeke oh anam bekkunu anukka ib amunu ame amu, ag amuib heppig.

Malakai 4:1

Yawe Nukka Ɠagattag Oh Ele Nug atte. “Anam amunu, dahil deɗ naɗi aakku uɗitte. Deɗ amuam aab dittiak bia daakku. Deɗ amuppa aab amuam beɗuppa tak danab, amu eheɗ hak danab ele ag wit keeke gumu qaɗaiettak eotte bia ewadkku. Ge, ad laa, ebekkud oh, diɗi ele oh ewa mala nauhtte bia, ag nauhkkulag.

Jeremaia 51:62

Na ebqewona, na unuqidna inam a! ‘O Yawe, na aben imu heppe nauhkku amunu, danab o doɗ laa ippa ii daamanu ame. Na aben imu hanhan danab, doɗ ele iitta, hele-ettak daakkunu ame,’ unuqidnana akkut.

Aisaia 14:27

⌊Yawe Nug amu genab hekku.⌋ Aɗinu? Yawe Nukka Ɠagattag Oh Ele, Nug keeke hekkunu maittak awa, ɠagattag qettom dayeb amu, aun nug heeb, geha Nug keeke hekkunu dabmette amu ii bema? Ao, Nug eppeg bahiom daatte dayeb amu, aun nug heeb, Nug eppeg eɗua aokku?

Aisaia 14:24

Yawe Nukka Ɠagattag Oh Ele, Nug nuhig nai ɠagattag qetta aum. “Da keeke hekkulnu maittak aomi amu, da amuib heppi bekku. Ao, da keeke hekkulnu maitten, ɠagattag qettami amu, da geha hekkul.

Aisaia 10:33

Amge Asiria daup, ag dabmeig! Naɗi, Nug Yawe Nukka Ɠagattag Oh Ele, Nug geha nuhig ɠagattag okkai naɗi ele, Nug amuppa oɗoɗadkku. Nug geha ahilkad danab okkai oh, danab onilag ele oh ele tabatteb nokkulag. Gemu amu, ag ad elab daatteb, ag amubia teppig daanna hetteb, amge geha Nug ag oatteb, qiin gona wanppa qekkulag, ad qiia ukka, wanppa qette, ag amubia hekkulag.

Aisaia 9:15

Ikki amuam ahilkad ikki danab, ahilkad danab onilkad ele. Boob amuam propet danab ahilkad, ag nai hambuppuak danab ah amelagppa mehuqtteb ele.

Aisaia 5:13

Anam amunu, genabnab genab geha kekeɗ ag uɗin, ag dahilad danab ah, ag Yawe ɗonu, nuhig kobolnu ele doyak pehettak iitta amu, diig amunu kekeɗ ag ag diin, uma goppeg, ag diia ukka laih me dayak danab ah, wan laappa anam daaglag. Danab okkai okkai enugnu mauhkkulag. Danab ah laa ag le ele iitta daappeg, ag lemaɗulag qaɗaiedakku.

Aisaia 2:17

Am haen amuppa Yawe Nug beɗuppa tak danab tabatteb nona, uɗalag nekku. Ao, haen amuppa Yawe Nug dada danab ah onilag qeeb nekku. Nigul oh danab ag binalag metteb amu, ag oh iitta mekkulag. Yawe Nugib haen amuppa onig okkai, binag ele daakku.

Sam 107:40

Amu laa Nug king tiigppan danab ag dada danab daatteb dayeb, Nug he, ag uɗa nak naunab aotteb. Amuam Yawe Nug he, laa ag Nug dim lamittak uuppig ele ag gona, atu taɗak nauppa mauhnoak oippig.

Job 12:21

Nug anuqak danab dilagppa he, laa ag ahilagnu awa awa qettak nai maditteb; Nug he, danab ɠagattag ag gai-iitta daatteb.

Aisaia 14:26

Wan imunu wan anen anen ohppa da amuib genab hekkulnu maittak aottem. Ao, da amu hekkulnu amu, da eppel bahien daai, wan oh tonom daatte.” Yawe Nukka Ɠagattag Oh Ele, Nug anam awa atte.

Aisaia 23:10

Ag danab ah Tarsis daatteb ele amu, ⌊Tair nauhom,⌋ uub eeɗaknu aben appa ii daatte amunu, ⌊ag gemu appa ahilkad uub eeɗadna, keeke maadppeg, daden meppeg, men doɗo aoglagnu⌋ elele iitta amunu, ag ahan, Isip danab le Nil daugppa wan buutteb bia, ag ahilag wan buun, ee aweg!

Jeremaia 13:9

“Da, Yawe, da inam attem. ‘Danab ah Jerusalem daatteb, ag am dada danab ah nau, amu Juda danab ah laa oh ele, ag ele am dada danab ah. Ag anam daatteb amu, matagiɗ nauhom, amubia da heppi, dada hak kobol ahilag am nauhkku.

Obadaia 1:2

Amu Yawe Nug atte. “Esau buɗub, da heppi, ag wanppan wan oh oolagppa nakoknab daaglag; danab ag ahilagnu ena iinab doon autna autnanab aoglag.

Eksodas 8:4

Og ag geha oolna, na beɗunppa, amu nahipad ehanittak anuqak danab beɗulagppa, am nahipad danab ah beɗulagppa ele tekkulag,” ’ ” awa aum. ⌊Yawe Nug Moses amegppa anam a, nug Paro gumitta ukka, nug anam aum, amge Paro nug nai amu dab-ii-mettom.⌋

Aisaia 2:12

Yawe Nukka Ɠagattag Oh Ele, Nug haen tituanom daatte, amu haen amuppa Nug epeɗiak uɗat okkai hekku. Nug epeɗiak haaha, dada danab ah onilag qeeb nekku. Haen amuam Dada danab ah oh dilag epeɗiaknu haen, Am keeke ⌊hamu⌋ oh, danab ah ag amunu enanag doon, gamalag ahatte ele epeɗiaknu haen ele.