Aisaia 23:3 - Nobonob Baibel

³ ag yu digdigppa oitteb. Ag oinna, ahilkad uubppan danab ag Isip wanppa gona, ee aeg aon uɗieg, ag mena men doɗo aotteb. Ao, ahilkad uubppan danab ag laih Nil le daugppanu ee meu aon uɗieg, ⌊ag mena, men doɗo aotteb⌋. Ahilag uubppan danab ag anam aon uɗieg, ag am wan atu ohppa keeke laihnu awa dadennu mak danab anuqak beppig daatteb.

Aisaia 23:3 ပူးပေါင်းရင်းမြစ်များ

1 Stori 13:5

Ag oolag laippu dayom amunu, Dawit nug nai me ukke, Israel danab ah, Israel wan ohppan uɗippig. Yau uɗitteppanu Israel, Isip ele dilah tom am le onig Saiho, aria yawalti uɗitteppanu Israel dilag tom am Lebo Hamat, amu Israel danab ah ag wan oh tom aɗit amu gamalahppa daatte, ag appanu uɗippig. Ag Kayaknu Tituanak Nainu Kunup Kiriat Jearimnu aon uɗiglagnu uɗippig.

Aisaia 19:7

Laa ele, le Nil daug daug, le oɗeppa ele, keeke oh amu geha bunaɗkkulag. Nil le daugppa ee ebappig amu, ee amu oh qaɗaiettan malappeg, wan ele qaɗaietta auta autanab aweb, ulah uɗia, keeke eppak dayaya qaɗaiettom amu, keeke amu oh iwaleb ukkeb, wan hamu niikku.

Aisaia 23:8

Tair ⌊am aab anuqak dayom amunu,⌋ appan danab ag heeg, laa king bia daappig. Tair danab ag keeke laihnu awa dadennu mak danab amu, ag king bekkod, ⌊keeke elelenab ele⌋ bia daatteb. Ao, Tair danab ag keeke laihnu awa dadennu mak danab, amu wan atu oh danab ah ag Tair danab ah dilagnu ag am binalag okkai ele doyadtteb. ⌊Anam amunu,⌋ laa nug ⌊kekeɗ ag⌋ Tair heppeg nauhkkunu maittak awom ele am aun?

Aisaia 32:20

amge ⌊dimppa, haen ena bekku, haen amuppa⌋ ag itittak ena aon daaglag. Ag le guguittak ee eppaladnan, ag heppeg, ahilag makau, donki ele ag gikkiɗah lakkulagnu laih laih gona hamu oiglag.

Jeremaia 2:18

Ag laa ag Isip appanu ehanittak aoglagnu hetteb, amge aɗinu?. Ag laa ag Asiria appanu ehanittak aoglagnu hetteb, amge aɗinu? Ag wan aɗit amuppanu ehanittak ii aomna.

Esekiel 27:33

Na ii nauhme haenppa wanppan wan kuɗum danab ah ag nahip keeke aonna, elele dooppig. Keeke laanu ag tutu ii meppig. Ao, na en huanaknab ele amunu, ag aoegeg, wanppan king ag nahip-ppa enub aonna, enub ele daappig.

Esekiel 28:4

Na ⌊genab keeke laalanu⌋ doyak dabmak ena ele, diignu doyak tutukku ele aɗan oittem. Anam amunu, amuppa na en okkai digdig laa ele nahipnu qagmeme. Ao, amuppa na gol, silwa ele huanak aon, nahip en maknu oo anen anenppa meme.

Joel 3:5

Hak nau ahilag am inam. Ag dahil silwa, gol, am keeke enanag laala ele ag diin gona, ahilkad kayak hambuppuak dilag mettid lagppa meeg dayeye,

Duteronomi 11:10

Wan ag nona aoppeg, ahilagnu dayeb daaglag ele amu, Isip wan ag appanu uɗippig ele, am wan amubia iittanab. Isip appa amu, ag ee tumu eppona, ag le gokkunu ippu ooɗna, wan buueg ukke, ag dad nakok aben qaɗaiettakppa eppona, le medatteb bia, ag appa ahilkad dad okkai le mettak uɗat okkai hedappig.

Josua 13:3

Wan amuam Kanan danab dilag wan maha laa aakku. Wan amunu tom am, le Siho, appanu yawalti uɗitteppanu ukka, Ekron wana batak. Le Siho amu, Isipnu tom, Isipnu laih kaɗag uɗitteppanu daatte. Amu Pilistia dilag aab anuqak tanig ele, Gasa, Asdot, Askelon, Gat, Ekron ele amu, aab amu oh wan amuppa daaegeg, ahilkad danab okkai aakku guman daatteb. Ele amu, laih yau uɗitteppanu, Awim danab dilag wan, amu ele ag eɗadna aoglagnu daatte. Aria, laih yawalti uɗitteppanu Kanan danab dilag wan, Meara ukka Apek batak, wan amu oh am ag eɗadna aoglagnu daatte. Meara am Saidon dilag aab laa, amu Apek am Amo dilag tomppa daatte.