Aisaia 22:9 - Nobonob Baibel

^9-11 Ag anam dabmenana, ag Jerusalem aab okkainu aɗ am aben laala kuɗum nauhna daappeg anidkkulag amunu, ag Jerusalem, aab okkai amuam King Dawitnu amu, ag Jerusalemnu lag am oh ebqekkulag. Ag ebqewona, ag lag laala loppaɗna, lag amunu men akkan, aab okkainu aɗ eɗun bappaidkkulag. Amu ag le aoglagnu, ag le, le moɗ laa onig Honapnu Le Moɗ, ag le moɗ amuppanu heppeg, le ukka, moɗ okkai laa, ag moɗ okkai amu aɗ aɗit aab okkai talilidttep gamalahppa buuglag amu, le amu, moɗ alag amuppanu am uɗia, moɗ bau amuppa nokku. Ag keeke amu oh hattaglag, amge ag Kayak, Nug am Jerusalem aab kalak mameg amu, ag nuhignu nakok iinab dabmemana. Ao, ag Nug, Nug anukka keeke amu ohnu maittak awom ele amu, ag nuhignu dabmak iinab aomna.

Aisaia 22:9 ပူးပေါင်းရင်းမြစ်များ

2 King 20:20

Amu keeke kuɗum laa ele King Hesekaia heum, amuam uɗat ɠagattag oh Hesekaia heum, le ippu elab wan ooppa he uɗie, le Jerusalem uɗitte, aria laa am nug le moɗ le ukka amuppa noa daakkunu heum amu, kaya amuam ag buk laappa, buk amu onig am, Juda Dilag Kingnu Kaya, ag buk amuppa yaappig daatte.

2 Stori 32:30

Aria, Jerusalem aabnu aɗ dimittim le qeppuɗia bak laa onig Gihon dayom. Le amu, laa iitta, Hesekaia nug le amu oɗe qelakka he, le amu aab ooppa noa ukkom. Le am ukka, Dawitnu Aab ooppa laih qaban uɗitteppa, appa le moɗppa waum. Hesekaia nug aɗi hekkunu eppeg bahia aɗa he, uɗat amu elele mettom.

Nehemaia 3:16

Nug babaittom, amuppanu amu, Asbuk bekka Nehemaia, nug tuɗitta, aɗ laih amu eɗua babaittom. Nug babaitte ukke ukke, kingnu boumak abenppa wanak babaittom. Aben amuppa amu le gottu laa, danab eppelagppa buuppig ele daye, lag onig Danab Okkai Okkai Elenu Lag, lag amu aben amuppa ele dayom. Nehemaia nug aben aab Betsur daatte, nug amu dilag okkai.