Aisaia 22:7 - Nobonob Baibel

⁷ Ag uɗippeg, ag Juda, ag ahilag aben oolnu noak enanag amu, amuppa bannu karis ag ambaknab daaglag. Ban danab ag hos attan daan, ban hetteb, ag aab okkainu aɗ odppa daaglag.

Aisaia 22:7 ပူးပေါင်းရင်းမြစ်များ

Aisaia 22:6

Elam wanppan ban danab ⌊ag baelagppa oinna ban hetteb amu,⌋ ag ban, lat aɗualadppeg, ⌊appan ban danab laa, ag⌋ bannu karis attan daan, ban hetteb, laa ag hos attan daan, ban hetteb ele amu, ag ele oh ban hekkulagnu uɗiglag. Ag uɗippeppeg, Kir wanppanu ban danab ag guppiɗ mawadna, ban hekkulagnu uɗiglag.

Aisaia 22:8

Kekeɗ ag heppeg, aɗi keeke ag Juda ehanadlonu amu, keeke amuam laal ii daama. Kekeɗ ag uɗin aqaglagnu hebeppeg, ag Juda ag ban haknu keeke kuɗum lag laappa, ag lag amunu, Lebanon Duppunu Lag Enanagnab atteb amu, ag bannu keeke kuɗum amuppa daattenu dabmenana, ag, “Keeke amu ehanikkeb, ig ena daagnig,” dabmekkulag.

Aisaia 37:34

Nug ib laa aɗa uɗiom amu, nug anamib eɗua gokku. Nug aab okkai imu ooppa ii uɗima.

Jeremaia 1:15

Aɗinu? Da Yawe, da attem. Da wan laalappan huu Yawalti uɗitteppanu daatteb amu, da ag onilagppa ekkul. Da heppi, ahilkad king, daup ele ag uɗin, ag Jerusalem, Juda dilag aab laala ele ban henan, ag eɗadkkulag. Ag eɗadna malona, ahilkad king ag Jerusalemnu aɗ odppa ahilkad sia king qappaladna, ag aguppa daaglag.

Esekiel 4:2

Na dottog amu hewona, na kekeɗ ag aab amu eɗadkkulagnu henana, ag oo mattan aqaknu maadna daaglag, na amubia hena, aab ooppan danab ag dimittim dokkulagnu ib oo nena, na wan buuak ele aon, nakok uma wanppa digmena, na wan buuak amu meppe taata, ab dottog amu aabnu aɗ ikki elele mena, na kekeɗ dilag haen tutu dayaknu aab kalaknu dottog aab amu talilidna mewona, danab ag aabnu aɗ ad imuag okkaippa yaaeg nauhtte ippu hak haknu, na ad amubia aab dottog talilittak ele me!

Esekiel 4:3

Na amu hewona, na tappiɗ aenppa hak aon, aab dottog amu daugppa mena, na heqo laih daakkut; amuam aennu aɗ bia aab okkai, na ele gamalahppa daakku. Na amu oh heppe, aen tappiɗ amu na noomppa dayebeb, na anam daanna, na kekeɗ ag aab amu eɗidkkulagnu oo mattan aqaglagnu maadna daaglag, ag daaglag bia na daakkut. Na daanna, anam hebeppe, Israel buɗub ag amu anidna, ahilagppa aɗi kobol bekkun daatte anidkkulag. Na hettem, amuam kobol bekkun daatte, amunu at daakku.