Aisaia 22:6 - Nobonob Baibel

⁶ Elam wanppan ban danab ⌊ag baelagppa oinna ban hetteb amu,⌋ ag ban, lat aɗualadppeg, ⌊appan ban danab laa, ag⌋ bannu karis attan daan, ban hetteb, laa ag hos attan daan, ban hetteb ele amu, ag ele oh ban hekkulagnu uɗiglag. Ag uɗippeppeg, Kir wanppanu ban danab ag guppiɗ mawadna, ban hekkulagnu uɗiglag.

Aisaia 22:6 ပူးပေါင်းရင်းမြစ်များ

Genesis 10:22

Sem bekkod am Elam, Asur, Arpaksat, Lud, Aram ele.

2 King 16:9

Aakku Asiria dilag king Tiklat Pileser nug King Ahas nai me ukkom amu doya, nug nuhikkud ban danab diie gona, Damaskus aab okkaippa ban hena, aab okkai amu aoppig. Tiklat Pileser nug King Resin qe mauhe, nug Damaskus danab ah amu diia ukka, Kir aab okkaippa daaglagnu maattom.

Aisaia 11:11

Aria haen amuppa Naɗi Nug baula inam hekku. Danab eppeg bahia, keeke laa aɗa, nug eppeg eɗua aotte, amubia Naɗi Nug nuhikkud danab ah oɗo yaak Asiria wanppa daatteb, Isip wanppa daatteb, Kus wanppa daatteb, Elam wanppa daatteb, Babilon wanppa daatteb, Hamat wanppa daatteb, yunu nudppa daatteb ele eɗua diikku.

Aisaia 15:1

Nai meunab ele Moap wanppanu Yawe he, Aisaia doyom ele am iikku. Tuqan laippuppa kekeɗ ag uɗin, Moap wanppa aab okkai Ar oh heppeg nauheb, Moap aakku na qekku amunu, ⌊da mahittem⌋. Ge, tuqan laippuppa kekeɗ ag uɗin, Moap wanppa aab okkai Kir oh heppeg nauheb, Moap aakku na qekku amunu, ⌊da mahiak hettem⌋.

Aisaia 21:2

Da keeke anidmi am Yawe Nug tulegleg uug okkainab ele laa da meɗe anittitti, amuppa Yawe Nug inam a doomi. “Wan laa, ag nug bubuittak kobol nau hetteb ele amu, ag amuib tuɗidna hetteb. ⌊Amuam Babilon wan.⌋ Ao, wan laa ag ban hena, wan laappan danab aqaeg, amu dilag keeke aotteb ele amu, ag amu tuɗidna hetteb. ⌊Amuam Babilon wan aakku.⌋ Ag anam heegeg, ⌊kobol nau amu ba, naɗi mette amunu,⌋ Elam ban danab ag banelag uɗin, Babilon aqeg! Ao, Midianu ban danab ag uɗin, aab okkai amu talilidna, oo mettan dayeg! Da geha uug oh Babilon ag danab ah huu laa dilagppa madappig amu, da amunu nob elele mekkul,” awa aum.

Aisaia 22:7

Ag uɗippeg, ag Juda, ag ahilag aben oolnu noak enanag amu, amuppa bannu karis ag ambaknab daaglag. Ban danab ag hos attan daan, ban hetteb, ag aab okkainu aɗ odppa daaglag.

Amos 1:5

Aram dilag aab okkai am Damaskus, amu da heppi, kekeɗ ag aab amunu aɗnu od loppaɗna, aab heppeg nauheb; da heppi, Aram dilag king laa, nug oolnu noak onig Awen, appanu amu, nug nauheb; da ele heppi, Aram dilag king laa Beteden, appanu amu, nug ele nauhkku. Da amu oh hewoya, da heppi, kekeɗ ag Aram danab ah diina, ag diia ukka laih me dayak danab ah daaglagnu gona, Kir maadppeg daaglag.” Yawe Nug anam awa atte.

Amos 9:7

Amu Yawe Nug inam atte. “Ag am Israel, amge ag dahil neekkakppa Kus danab eɗadttebte? Da ag Israel, da ag Isip wanppanu diiatten bemi, amge da Pilistia danab Kritnu ele diien bein, da Aram danab Kirnu ele diiatten bemi.